《愛在。貴族學園》: Ch 36 ~ 陸運會之五 Part 2

Ch 36 ~ 陸運會之五 Part 2（連載日期：2026/08/15）

標槍嘅比賽繼續進行，好快就輪到第四個嘅天殷，佢喺工作人員手上收到支槍之後，就自己先深呼吸，然後就定位，之後由評判老師示意之後就掟出標槍。

天殷心裏面緊緊記得韻喬對自己嘅要求，於是出盡全力，一下子標槍就飛到老遠，落地嘅時候好在都仲係生槍，而且槍嘅落點，都係同屬於旻靜嘅鐵牌差唔多。

呢一掟，令到自己對之後第二次試掟嘅信心大增。
 
再過多一陣之後，第一次嘅試掟終於完成，負責老師公佈除咗兩位同學因為分別掟出死槍同踩過白界被foul外，其他選手嘅成績都不相百仲。





不過，喺聽完大家暫時嘅成績之後，一衆選手心情都變得非常沉重，因為每一個選手都唔能夠帶出明顯嘅優勢，佢地第二掟必須全神貫注，做出非常好嘅成績，先有機會攞到獎牌。
 
講完之後，老師再一次叫到旻靜個名，最後一輪比賽亦都隨即開始。

旻靜由工作人員手上接過標槍之後，就自己去就定位。等到老師示意之後，旻靜先深呼吸，然後就滿有信心咁掟出標槍。

不過，旻靜呢一掟，都可能會畀到更大壓力畀天殷，因為呢次旻靜嘅成績，比第一次更遠少少。

而其他Form 6嘅師姐，都對於旻靜呢個Form 5學生能夠有如斯表現，都感到驚奇萬分。





之後嘅Form 6師姐都發揮都比較穩定，冇再掟出死槍，有人嘅表現甚至都比旻靜第一掟好。

經過多兩位同學嘅第二掟之後，就輪到天殷出去比賽“為咗喬喬，我一定要拎到塊金牌，我一定要！”，鬥志旺盛嘅天殷再一次使出全力，瞄準旻靜第二掟嘅方向奮力一掟。
 
皇天，永都遠不負有心人，努力係會得到回報嘅。天殷支標槍就插喺旻靜塊鐵牌旁邊嘅地上，而且都係一支生槍。

經過工作人員量度之後，天殷嘅成績比旻靜多出10厘米，雖然係咁，但係天殷此時都冇自滿，因為之後仲有幾位選手要比賽。

好快比賽終於都要結束，老師於是就同工作人員，核對各位選手嘅成績，從而排出最終名次。而一班選手於是就趁住空檔，互相喺度傾計。當然，天殷都有主動同旻靜傾計。





「旻靜，感覺你今次都好勁喎！由頭帶到落尾咁，我都追得好辛苦啊！」

「唔……唔好咁講啦天殷，我都知道你有出盡全力喺呢一場比賽上面，所以我都受到你唔少壓力咖！基本上我都冇鬆懈過！」旻靜都笑笑口咁回答天殷。

天殷聽到運動細胞一向非常優異嘅旻靜，居然講出咁樣嘅說話畀自己聽，自然都感到非常驚訝「邊……邊度會呢？明明你已經喺我地5A運動最好嘅女同學嚟，我都係追得好辛苦，先會有呢個成績咋！」

「咁都係因為你同禮謙同學，仲有俊軒、韻喬同學成日放學之後去練習，先會有呢種效用！」旻靜好直接咁同天殷講

「不過，點都好啦，我都好欣賞你地嘅認真同埋努力，你先會畀到一場咁緊張嘅比賽我！」

「唔敢當唔敢當！哈哈！最緊要大家都覺得開心就好啦！」然後天殷同旻靜都有傾計，不過旻靜今日都冇再追問，天殷同禮謙之間，到底係有一種咩嘅關係喺度，反而旻靜...

（到底旻靜仲走去做咩呢？）

（待續 ~）





IG link https://instagram.com/bear_big_big_writer 
Threads https://www.threads.net/@bear_big_big_writer