《愛在。貴族學園》: Ch 36 ~ 陸運會之五 Part 4

Ch 36 ~ 陸運會之五 Part 4（連載日期：2026/08/29）

講完之後，好快天殷就跑到去俊軒同韻喬度。但情到濃時嘅俊軒同韻喬，根本就察覺唔到天殷已經埋到自己附近。

天殷於是就想要嚇一嚇佢地兩個，所以就拍佢地膊頭，然後話...

「喂！你地兩個！趁我唔喺度做緊咩啊？由其係你啊張韻喬！你唔使睇下你自己有冇入到200 final咩！？」
 
天殷一邊講一邊走埋去俊軒同韻喬嘅身前，嚇到俊軒即刻成個彈起，而韻喬塊面就已經紅哂。





「嘩！李天殷你想嚇死人咩？我地兩個就咁喺度傾下計咋嘛，都冇做咩。不過殷殷啊，你標槍比賽完咗啦？成績如何呀？」韻喬掩住自己個嘴講。

「真係簡單咩張韻喬！？乜你地兩個頭先唔係偷偷地喺件jacket裏面，攬住對方攬到實一實唔肯放咖咩？」天殷非常狡猾咁反問對方，搞到韻喬塊面好紅。

「至於我頭先嘅成績？呃。不如……你地估下啦先啦，一陣…我再話你地知…」之後天殷就扮下嘢咁，流露出一個失望嘅表情。
 
韻喬見到天殷咁嘅表情，於是就輕輕咁敲一敲俊軒嘅手臂，然後不停咁同俊軒打眼色，就好似叫對方收起嘻皮笑臉咁。

當然俊軒都收到韻喬嘅要求，即刻坐返好個人「呃...殷殷你呃……真係冇事吖嗎？」





「係囉係囉，殷殷，你到底做咩啊？頭先喺比賽之前，明明我聽到小喬話，你對比賽好有信心咖喎？」韻喬同俊軒都即刻安慰天殷。

點知過多10秒之後，天殷就第一個破防…
 
「哈哈哈哈哈哈，你睇下你地兩個！使唔使咁緊張啊？我幾時有話過李天殷我唔得咩？！」天殷笑到肚都彎埋「傻豬！我頭先好險咁……攞到金牌啊！」

韻喬知道自己畀天殷玩之後，就即刻鼓起泡腮道「李天殷你個衰人！居然喺度玩我地兩個！！哼！！！」
 
「恭喜你先！殷殷！」俊軒作為好朋友，當然第一時間祝賀天殷，同時都幫韻喬打下圓場咁「小喬佢都係講下笑啫！佢又點會真係嬲你呢個好姐妹吖！不過旻靜佢點呀？佢最後有冇攞牌呀？」俊軒都知道要關心下呢個悲劇嘅女主角。





「你話旻靜啊？有啊，佢咪就係贏到銀牌囉！但係我想講我都只係贏佢少少咋！」天殷為咗尊重衝金失敗嘅旻靜，於是就將頭先嘅嬉皮笑臉收起，變返好似平時喺學校同重要場合嘅大小姐咁嘅樣。

「咁……旻靜佢有冇唔開心先？」韻喬喺呢個時候插嘴問天殷。
 
「表面上就話冇啊喬喬，仲恭喜我添！不過頭先我都知道佢已經唔開心，比賽完之後仲話要留喺下面睇比賽，都唔肯返上看台之後，都已經知道佢咩事啦…」天殷回答韻喬嘅問題之後，韻喬都變得唔係太開心。

「不過喬喬呀？你應該都未睇名單咖啦，不如我就同你一齊落去，去睇下200米決賽嘅名單好唔好呀？」天殷提議道，而韻喬點頭同意之後，兩個女仔就手拖手一齊落去。
 
憑住複賽非常優秀嘅表現，韻喬就晉級咗入決賽「都話我一定得咖啦，使咩特登走落嚟睇吖！」韻喬非常得戚咁講。

「之但係喬喬呀，你今日運動量都好似好大喎？你頂唔頂得順咖？」天殷好擔心咁講。

（待續 ~）

IG link https://instagram.com/bear_big_big_writer 




Threads https://www.threads.net/@bear_big_big_writer