【校園】【愛情】A0毒男的愛情史: 【聖代芭菲】
放學時間。
基於學校所屬教區學校，每次放學都需要聽啲所謂天主經，聖母經，聖三光榮經，真係麻煩，又唔係好聽，日日播，人都顛，我就驚得罪某部分信教者，利申:無神論者。
學某位教緊我哋中文嘅癡線婆話齋「我咁樣上堂鬧你一分鐘，你知唔知曬幾多人時間啊，一班有30人，鬧你一個都已經曬全班30分鐘時間喇。」
講得一啲都冇錯，你咁樣播曬三首聖歌，用嗰三分鐘，曬全校所有人三分鐘，哇，曬咗啲時間，假約全校有500人，姐係500分鐘再乘以3除以60，每日二十五個鐘，你點賠償啊學校，嗯，廢話講夠，夠鐘返主線劇情。
「唉呀，佢播完未吖。」我說。
「就快，都已經到最後一首。」啊晴說。
「願光榮歸於父、及子、及聖神。 起初如何，今日亦然，直到永遠。亞孟。」校園廣播台終於都播完經文，係救贖呀，對於我嘅救贖呀。
回家路途中。
「喂，你係咪唔記得咗啲嘢吖。」啊晴問。
「有咩，我今日有交齊功課喎，定係我唔記得去交份閱讀報告啊，唔係啊，午膳我先上七樓交咗畀癡線婆。」我詐傻扮懵諗住玩下啊晴。
「...」啊晴佢沉默寡言，加快速度往前走，睇嚟係發緊嬲，激將法真係簡單，對女仔嚟講，每個女仔都好重視承諾㗎，塞錢入各位褲袋啦。
「喂，汪芷晴。」我說。
她停下腳步，緩緩轉身看過來「咩事啊。」語氣還帶有點不滿。
「呢邊返屋企條路嚟㗎喎，唔係要去XXX食你嘅朱古力聖代咩。」我指著分叉路口說。
「...」啊晴佢思考片刻後，走回分叉路口，將目標放喺XXX店鋪，依舊唔出一粒聲。
「喂，你唔係嬲吖，你唔似咁小氣㗎。」我站在她身旁說。
「...」啊晴無視緊我，但係又唔係無視我，爛作者唔識得描寫，總之就係會聽我講嘢，又會望我，但係又唔想理我。
「你出下聲都好，喂喂喂，汪芷晴小姐？你係咪發緊嬲？」我扮打電話咁樣講嘢。
「冇嬲。」當女仔仲會理你個陣，就代表佢其實仲在意你，只要畀多少少心機去氹佢就得。
「唔覺喎，你塊臉嘅表情寫曬出嚟喎，嗯，我暫時見到就係，呢條友再唔氹我就真係嬲佢，唔再同佢講嘢吖。」我假膠中。
「變喇變喇，依家見到係我要去食朱古力聖代吖，食完再睇下心情點。」再度假膠。
「噗哧，好煩吖你，唔好再亂咁代入我喇，仲要講得咁準，都唔知你係咪女仔嚟㗎。」啊晴終於開口說話。
「非也，非也，小人只係鐘意觀察人類神情，當下夢想係去做表情分析師。」
「都唔知咩夢想嚟，唔講笑住，入去啦。」啊晴說，話咁快就傾傾下計就到咗。
未完.......
可惜今次唔想待續........寫埋朱古力聖代裡面嘅劇情先收工。
我同啊晴求其揾咗鄰近窗邊嘅雙人位坐低，唔夠幾秒鐘，已經有人過嚟，手都唔使舉。
「兩位想要啲咩。」侍應問。
「你食唔食吖。」啊晴問我。
「都好，試下好唔好食。」我說。
「咁要個兩朱古力聖代。」啊晴說。
「要聖代吖，係喎兩位，我哋鋪頭最近搞緊一個情侶活動，只要影翻張互相餵對方食嘅相另外一杯就有五折，有冇興趣呢。」侍應說。
「哇，緊係好啦，無任歡迎，快啲影啦。」當然我冇講出口，唔係呢，我邊講得出口，我哋淨係喺學校做戲啫，依家都出咗學校，邊使咁認真。
「好吖，冇問題。」啊晴說。
我雙眼不可思議地望住佢，完全唔敢相信啊晴接受呢個提案。
「唔該曬，轉頭我哋會影完會放喺門口展示牌，你哋冇問題？」侍應說。
「嗯，OK吖。」啊晴擺出了一個ok手勢。
喺侍應走咗之後我先夠膽出聲「你....」
「冇所謂啦，有五折喎，反正我哋依家都.....係囉，冇所謂啦。」啊晴說。
「係就係啫，但係佢會影相㗎嘛，呢度咁近學校，遲啲有人嚟見到就唔好啦。」我說。
「哦，你唔想同我影相係咪，唉，同我呢啲咁醜樣嘅女仔影相，真係委屈你。」啊晴佢影后上身。
「我冇咁講過吖。」
「嗚...嗚嗚....絕交吖，衰人，嗚.....嗚嗚.....」啊晴扁嘴扮喊中，但其實一滴眼淚都冇。
「唔係唔係，梗係願意啦，影幾多都得。」我附和她假裝慌張。
「唔玩你喇，點吖，我啲戲好唔好。」
「你要聽真話定假話先。」
「真話先囉。」
「咁特別嘅，唔係正常人都會想聽假話咩。」
「你講喇。」
「其實就.....麻麻地，眼淚都冇滴，根據我多年觀察人類嘅眼光，同埋識咗你咁耐時間，一眼就睇得出你做緊戲。」
「咁假話呢。」
「哇，啲戲真係影后級別，荷里活唔搵你拍戲真係嘥曬人才，莫講話係亞洲，衝出全球，甚至銀河系都仲得。」
「你都真係踩得我幾直接㗎喎，不過我鐘意聽啲咁直接嘅說話。」
「係咩。」
「係吖。」
...
閒聊過後，兩杯朱古力聖代終於送到，我瞧著眼前的龐然大物，完全不敢咁相信佢係雪糕的製成品，上面仲有一堆朱古力醬、堅果、奶油、櫻桃，真係邪惡。
「兩位，影咗相先啦。」侍應說。
「係咪要擺pose。」我問。
「你鐘意都可以嘅。」侍應回道。
我哋互相餵對方食，而那名侍應哥哥則在一旁不斷尋找最佳角度，前前後後都搞咗兩三分鐘左右。
「試下呢個男朋友視角先」「女朋友視角都唔錯喎」「背光影都好似有幾feel」
侍應哥哥試咗無數次攝影，終於都揾到啱佢心水嘅相，心懷滿足地走到另一旁，唔聲唔聲我仲以為係嚟畀人試鏡。
「終於有得食喇。」我潷起一層奶油雪糕。
「都真係影得幾耐下。」啊晴說。
「係喎，個匙羹，唔使換返？」雖然學某隻貓話齋，有女仔嘅口水的確會變得好食啲，但係我唔夠膽做呢啲過分親密嘅舉動，一嚟有咩誤會就唔好，二嚟，等你哋自己諗，嘿嘿。
「要要要，好彩你提我，唔係嘅話就食咗你啲口水溦(尾)。」啊晴說。
「口水溦啫，有咩大不了。」
「你唔知食咗口水溦就要聽曬嗰個人講嘢㗎咩，呢個傳說嚟㗎。」
嘿嘿，如果真係有啲咁嘅傳說，只要我將自己啲口水周圍分散，咪全世界都要聽我講嘢，如果個對象仲要係啊晴，嘿嘿，後果難以置信，唔好顛住先作者，你諗太多了，全部都係廢話，各位唔好當真，冇甜冇甜，唔會加甜啊。
「邊個講你聽㗎。」
「上網睇㗎。」
「網上面啲嘢信三成就好，食個口水溦就要聽曬嗰個人嘅說話，邊有可能。」
「寧可信其有不可信其無呀。」
「我就唔太信，除非我親身經歷過喇，不過食過家姐咁多次嘅口水溦，我都係照樣唔聽佢話㗎。」
...
「返屋企囉。」我眼見食完杯朱古力聖代芭菲，又坐咗咁耐，阻人收枱都唔太好。
「行得喇。」啊晴孭起書包行咗出去門口。
我自己埋完單都有少少心痛，雖則另外一杯有五折，要畀兩杯都幾貴下，對學生嚟講嘅我，負擔都幾大，不過有靚女同檯，咩都值得啦。
「啊晴，張相咁快就擺咗出嚟喇喎。」我指著門口的展示版，除咗我哋，仲有一堆情侶係上面影過相留念，搞到我自己都以為係一份子。
「等我影低佢先。」啊晴說。
「好醜樣啊，唔好啦。」圖片中我被奶油整到成面都係，啊晴條友仔，趁我一個唔注意，搞到我咁樣。
「紀念下啦。」
「咁你返去記得send畀我。」
「一定會，一定會，使唔使send埋上班群。」
「唔好玩我啦。」
【真】未完待續...........