【校園】【愛情】A0毒男的愛情史: 【葵涌運動場】

教師發展日，難得的假期。

今日獨自去了運動場練跑，為了避免在陸運會輸得一塌糊塗，表面就是這樣，實際上就是想拿一次冠軍夢，掛著獎牌跟啊晴拍照留念。

短跑我自知理虧，臨急抱佛腳的訓練根本不可能有用，況且最終都只會是田徑隊員們之間的明爭暗鬥，不會輪到我這種一時興起參加的人。

跨欄我也只是想要嘗試玩一下，沒有抱著勢必獲勝的心態參加。

所以我目標放在800米賽跑，一項我頗為有信心的項目，畢竟由開學為止，都在跑【玩命600米】也稱得上不正式的練習。



不過街道與運動場的地勢折然不同，在趕回學校時，各種繞路、跑酷、跳躍，沒有做不到的，只有你想不到了，一個學生為了阻止自己遲到的潛在能力是你意想不到的。

我需要提早感受運動場的地形，所以才來到這裡－葵涌運動場。

不過卻發生了預料之外的事情。

「欸……點解你會喺度……」脖子上掛著毛巾，滿臉大汗的一位女生問我。

「...」遇到同班同學的我感到錯愕：「我先想問你點解喺度。」



「我係田徑隊嘅，就快陸運會，嚟運動場練跑有咩出奇，我屋企就喺隔離。」陳曉彤說道。

「...」我完全無法反駁。

「你都未答我，你點會喺度嘅。」她追問。

「咪又係咁，嚟運動場唔係練跑仲有咩做。」我說。

「咁你參加咗咩項目。」



「跨欄，100米，800米。」

「做咩咁睇唔開參加100米，未輸過？」她直接認定我會輸得一塌糊塗，不過也是事實，我也懶得在這種小事上爭執。

「係啊，最近睇唔開，想輸下，唔得？」我準備熱身活動。

「唔想你輸得咁慘啫，啊晴佢會難受。」語出驚人，話題只要有關於啊晴，我的思考能力馬上變得三歲小孩一樣。

「難受？咩難受？你講清楚。」我說。

「咁你都唔知！？」陳曉彤歎息：「啊晴佢話曬都係呢級嘅班花，你到底知唔知有幾多人想追佢，點知為咗幫你呢個死傻仔，被迫成為你嘅假女朋友。」她說。

「你……你點知㗎。」我震驚，這個秘密，應該只有兩個人，不對，最近成功被梁嘉怡拆穿，不過陳曉彤你……你怎麼也會知情。

「啊晴佢有日自己同我哋講，你知唔知自己好自私，要一個女仔幫你收埋呢個秘密。」



「咁我可以點。」

「做返個真正配得上佢嘅人。」

「有冇實在少少嘅建議。」

「有，贏曬呢個陸運會佢，令到啲狗公有自知之明，但係我喺你對眼裡面完全見唔到你想要贏嘅眼神，睇你個死樣都係諗住玩下就算。」

「我有想贏嘅決心。」

「乜係咩。」

「你可唔可以幫下我？」我低聲下氣請求。



「嘖……算，當幫下啊晴。」接著她又說：「你有準備好下地獄的決心嗎？」

「有。」為了啊晴，進個地獄又如何。

「咁就好，你只要夠敢死講一聲攰，就唔使再揾我幫手。」曉彤姐放下狠話。

「我需要做啲咩。」動力大增。

「你覺得要贏最有效嘅方法係？」曉彤問。

「唔……服用禁藥，興奮劑，再加腎上腺素，增加心臟泵血和肌肉力量。」我認真地回答。

「...」陳曉彤聽到後呆了幾秒，接著作勢動手打我：「你係咪玩嘢。」

「唔係，我係認真諗過，陸運會唔似奧運一樣，唔會有藥物檢查，所以呢個方案應該可以成功。」我還是保持一本正經地胡說八道。



「就當唔會有藥物檢查，你要去邊到變啲藥出嚟。」曉彤說。

「呢層我仲未諗到，如果真係要實行就應該要去醫院偷出嚟。」我說。

我頭部受到重創「唔准再講笑，認真答。」曉彤滿臉認真。

「練跑，練到斷氣為止。」這是我目前覺得最合理的答案。

「唔錯，你對邊樣項目有自信啲。」

「800米。」

「咁全力跑一次嚟睇下先，我幫你計時。」



「冇問題。」我站在了200米的起跑線

「On Your Mark，Set Go！」話畢我就像一頭看到紅布的牛狂奔出去。

…………

「幾好，兩分二十幾秒，你有練過嚟？」曉彤看著手機上的計時器。

「呼呼……每日……呼…跑…返學……都有…練……」我喘著氣說道。

「咩跑返學練？都唔知你講乜，不過呢個成績有機會奪冠。」曉彤每一句都震撼到我。

「咩話……你講……真？」我說。

「係，田徑B grad 班人嗰個都畀阿sir水咗走去參加3000米，即係你淨係要同中三、四鬥，以你依家呢個成績，應該有頭三。」

「Yes！」我緊握拳頭，心中暗爽了一下。

「你開乜鬼嘢心，我只不過係根據上年成績嚟做判斷，頭三就滿足，你唔係要拎第一咩。」

「係嘅係嘅，陳教練，之後我要練咩。」

「繼續800米嘅訓練，我頭先已經諗咗個訓練方法，一定可以直接送你去見地獄。」

「請問係？」

「你跟我過嚟。」

我隨著陳教練的步伐，上了觀眾席。

在觀眾席中，陳教練吩咐我利用樓梯來練習。

首先是在樓梯上，雙腳同步跳躍，從底層跳到頂點，然後下來時使需要用單腳，一共十組。

「咁樣可以幫你訓練大髀肌肉，同我做到死為止。」陳曉彤說罷便坐在一旁玩電話。

上去，下來，再上去，再下來，不斷輪迴，過程中當然好幾次都想抽身放棄，但腦海中想到啊晴的身影，心中動力又重新被填滿了。

該說不愧是田徑隊成員嗎，她是真的打算送我去見閻羅王。

完成這項訓練後，大腿肌肉已經到達了極限，再動就應該要抽筋了。

陳曉彤馬上叫我拉筋「拉筋可以幫你回復少少力。」

拉完之後，我整個人都大字型攤在了地上。

只見陳教練在她的索性袋中不斷翻找。

粉色的槍身，槍口也是粉紅色，真的很少女心呢。

「廢人，按摩槍。」她說明：「按摩大腿同小腿，千奇唔好同我停留喺同一個位，如果覺得好酸，就360度打轉移動。」接著她又說：「最後，同我記住，用完唔該同我抹乾淨佢， 成包紙巾喺度，我唔要見到你啲汗。」

「你去邊啊。」我問陳教練。

「廢話，去練跑啊，得你一個參加比賽咩，你估我真係嚟玩，喺IG打完卡就走嗰啲人咩。」說罷她便拉著手筋下去了跑道。

…………

午飯期間。

「嗱，營養午餐，啱曬你呢啲廢人食。」陳教練遞給了我一個外賣飯盒。

「幾錢啊，我畀返你。」我從銀包拿出鈔票。

「唔使，當我請你，幾十蚊，好少事，想報答我就同我贏曬全部項目佢，仲有就係對啊晴好啲，嗰個傻妹入世未深，唔好傷害到佢。」

「贏曬就難啲，不過對啊晴好呢樣就一定。」我吃著豬扒說道。

「喂廢人，你鐘意佢咩？」

「um..係啊。」在她面前，我感覺很自在，不用隱藏任何秘密，學生時期，找到一個女性知己，肯定是你上輩子累計的服氣。

「咁你執到寶。」應該是說我跟啊晴現在的關係吧。

「食完就繼續練，幾時話你可以休息。」陳教練威嚴依舊。

「人體需要時間消化㗎。」

「又有道理，咁畀多半個鐘頭你。」

…………

整個下午都在練習擺手和腹部。

「擺手，唔好以為同跑步一啲關係都冇，佢先係重中之重，喺你對腳冇力量個陣，快速擺手可以即刻幫你加快速度。」

「...」我滿臉不相信。

「你唔信啊，跑個五十米試下，唔准擺手。」
我聽足吩咐。

「記住呢個成績。」她接著又說：「之後同我有意識咁瘋狂擺住手跑，冇得say no。」

我再看一下成績，怎麼快了幾秒鐘。

「See，擺手嘅威力，不過唔好依賴佢，喺最後650、700米對腳冇力先好瘋狂擺手。」

「謝恩師指導。」技能【擺手的威力】

「返到屋企得閑就自己喺床上面練，雙腳伸直，條腰坐直，使勁擺手60秒，一共五組，做完一次就休息30秒。」她說。

「okay，對於廢人嚟講今日嘅練習量已經足夠，之後你鐘意做咩就做咩啦，我唔理你喇，仲有記得拉筋。」

「可唔可以幫下手……拉筋。」因為我雙手往前，連腳尖也碰不上，我的筋太緊繃了。

「嘖……廢人特別多要求。」陳教練在我身後，雙手用力推我的背部，使盡力把我推前。

「得未。」

痛忍劇痛的我笑說「應該得，教練，你望下我隻手喺邊？」我手掌末端都碰到了腳尖。

嚇得她馬上縮開了手。

未完待續…………