《我同幾條女嘅瘋狂往事》: 6.3
她接著悠悠轉身，把書包和電腦放下。
我還沒來得及細看她的房間，便被她摘掉口罩的下半張臉吸引。她的鼻子和嘴巴有著相同特性的小巧，鼻子很直，唇尖微噘，整張臉說不上美，當然也不醜，倒是有種灰白的陰鬱。
「你肚唔肚餓？」她俯身翻開書包，起來時撥著耳邊掉落的髮絲說。
「話唔餓就係假嘅，你係可憐我嘅，不如快啲del咗條片佢，等我可以安心返屋企食飯喇。」我把視線移至她的眼睛，真摯而可憐。
「食麵定食飯？」她顯然無視了我的懇求，眼中是不慌不忙的鎮靜。
「唉，唔食啦，邊有心情食啊。」
看她還是在自顧自地收拾桌面，我打量起了她的房間。對著門的是一張夠三人同時使用的書桌和一個書架，左邊的裡面擺著一張大床，床和書桌之間還有一塊我房間大小的空位，甚至還有獨立廁所和衣帽間。粗略估算，這房間大概比我家還要大。
「喂小姐，你間房仲大過我屋企喎。」
我開始懷疑，所謂的三個指令其實是這富家千金為尋求新刺激突發奇想的遊戲。
「係咩。」她用不以為意的臉，輕輕地說。
不經意地，我的視線遊走至廁所門外一個裝著不明電子儀器的鐵箱。
「呢舊咩嚟？」
「防盜啲嘢咯，之前呢邊有個賊成日入屋偷底衫褲，我屋企都比佢入過幾次。」她邊說邊走進衣帽間。
「所以……呢個就係你嘅靈感來源？」
「要你偷底褲？」裡面傳來換衣服的動靜，她繼續說：「可能潛意識都有嘅。」
她事不關己的態度讓我無名火起。
「你究竟想點啊，你係要條底褲嘅我就宜家比你，至於其他啲咩指令你搵第二個陪你玩啦。」我站在衣帽間門外，準備隨時開門拍下她的裸照以作反要脅。
「我係幫緊你。」她比我想像中更快地打開了門，抬眼看我說道。
「幫緊我？你係咪玩嘢呀？」
我堵住她的去路。
「你唔係鍾意Crystal咩？」
她眼中有種偵探的銳利，但根本是自作聰明。
「邊個話我鍾意Crystal啊。」我攤開雙手，感到莫名其妙：「即係條底褲係佢㗎啦？」
「鍾意又好，純粹肉體吸引又好，反正見你𥄫咗人地成個禮拜，既然係咁咪做好心幫你滿足下收埋喺心底又唔敢去做的慾望咯。」她側身避開我走了出去。
拖鞋落在木地板的聲音和她的話從耳後傳來：
「我唔信你冇幻想過同佢做愛。」
——你係咪癡線㗎。
定格在原地的我話還沒出口，她就走出了房間。
我無可奈何地站在她的書架前，思索著這件變得越來越怪誕的事情和它的脈絡。
原來唔止謝世傑，連張婉婷都見到我𥄫女。
乜真係咁明顯咩……
總言之就係比佢發現我第一個禮拜上堂果時就係咁𥄫Crystal，跟住唔知有心跟蹤定咁啱巧合偷拍到我喺圖書館打飛機嘅時候或者再之後，就決定威脅我去做啲關於Crystal嘅變態嘢，去滿足我對Crystal敢諗唔敢做嘅慾望？
偷底褲只不過係開始？
做愛……
佢想我同Crystal做愛？
就算宜家真係比你估中咗，但係邊個同你講話FF下就要真係要去做㗎，張大善人……
我真是不知道該哭還是該笑。
她回來的時候手上捧著飯菜，腳下跟著一隻淺橘色和白色湊成的肥貓。
「張婉婷，我認真同你講啦……」
「唔好講咁多，快啲食飯喇，夜喇。」
她如此殷勤的態度讓我不禁思疑：
難道她真是為了我好？
「啲飯有冇落春藥㗎。」我問。
「有咪嗌咗你咯。」她蹲在地上逗貓。
「我返去食得啦，條底褲你要唔要，唔要我就掉咗佢算。其實呢，幻想還幻想，未必真係要做出嚟嘅，你明唔明呀？」我走到她身旁沉下心來說教道。
「咁你當我鍾意睇你做變態嘢喇，三個指令啫，咪當幫下我咯。」她順著背上的橘毛從頭到尾撫摸過去，讓那貓的屁股情不自禁地高高翹起，好像話是說給它聽的那樣。
「頂，如果係咁......」我打開電話繼續說道：「講真，你肯比錢，呢啲嘢出面大把人肯做啦，分分鐘唔洗錢都有人同你玩啦，介紹個app比你啦。」
「咩app呀？」她抱起那團水球似的貓。
「嗱，呢個app你想搵正常人都難呀，啱曬你。」我把電話螢幕上的程式指給她看。
「係咩？咁你食嘢先啦，我研究下先。」
她把貓抱上床，盤腳陷在那張大床上的她顯得纖巧柔弱。我感覺自己已經能逐漸掌握這小東西。
不管是不是餓太久的緣故，總之飯菜很美味......
事情總算在往好的方向發展，至少目前為止我是這麼覺得的。