我同Gorden繼續每日都傾計,不過有時佢好忙,一日可能先覆得我1次,不過都唔緊要,我同佢依然都仲係網友。

今日我睇IG,見到有個foodie po左張屯門食甜品嘅舖頭,係女人都鍾意食甜品㗎啦!於是我cap圖,然後send左比Gorden睇:「你睇下?呢間甜品好似幾好味喔,你有冇食過呢間?」我隨即退出翻個Oxx。雖然我冇開啟通知,所以當對方reply我果陣,我都唔會即刻收到msg,但如果我對果個人上心嘅話,我就會成日click入去個app到,更新下,睇下對方有冇覆我。不過今日過左好耐,Gorden都冇覆我。

到左夜晚,我再次入翻去Oxx,終於見到佢覆我啦:「呢間我冇食過啊,我平時食開果間都好好味,開到凌晨2點幾,平時同班朋友玩完之後會去果間食。」見到佢開新話題,我就繼續問:「最衰依家啲餐廳最多只可以營業到10點,你地冇得再夜晚去食甜品啦。我都好想試!」當我打緊呢句說話開時候,佢又再send多句msg黎:「原來你頭先send比我果間甜品鋪係我屋企樓下咋,但我一次都冇食過,下次可以試下!」見到佢話間糖水舖係正屋企樓下,但一次都冇食過,我都會笑下佢:「哈哈,係正樓下你都未食過,依家落去買番碗翻屋企食啦。」佢好快就覆:「等你過黎屯門,我帶你去屯門唔同地方,我地一齊去食糖水,好冇?」未等我回覆,佢又再打多句:「Michelle,你鍾意咩類型嘅男仔啊?」

我同Gorden都傾左個幾禮拜了,好似係時候都要約大家見面。我冇理到佢下一句,只係覆佢前面果句:「屯門真係好大啊!我都未去過屯門!好啊,等有機會你帶我入去行下,睇下呢個大西北有咩好玩。」

佢冇再覆我,可能我冇直接回覆佢「我鍾意咩類型男仔」。第二日我地如常咁傾計,佢話佢又去捐血,我又講自己翻part time嘅嘢,日日如是,好似都好悶下。我仲以為我講果句「等有機會你帶我入去行下」嘅時候,我地會有下一步進展添。可能自己諗多左。
已有 0 人追稿