(輕鬆 | 校園) 只有一年回憶嘅高中生涯: 4章 - 中四係最後一年？

如果讀者喜歡此故事，希望你能正評+留言，或到penana點「喜歡」，謝謝你的支持！
 
https://www.penana.com/story/90093/輕鬆-校園-只有一年回憶嘅高中生涯
 
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
 
4章 - 中四係最後一年？
 
麗連︰「嗰盒咩嚟架？」
 




「屌，咪又係雞翼！度度都係咁架啦。」書銘吮住骨講。
 
「唉，突然好想著校服出街食飯。」麗連叉起一隻雞翼。
 
書銘︰「你著光秀件衫出去食囉。」
 
嘩…女仔交換校服著，正呀…
 
麗連︰「都冇人陪，邊有癮架！要成堆人一齊出校門，午市俾人漏單然後屌佢老母再追單，咁先有味道架嘛！而家乜都一個人，咁叫讀中學咩？」
 




「真係要求高。」我食緊一碟，係一盒先啱，我食緊一盒楊州炒飯講。「又要曬馬，又要屌人。」
 
麗連︰「輝記你唔番下晝學係唔會明架！你中學都係讀上晝班架嘛！」
 
光秀喺旁邊偷笑，差啲噴飯。
 
我︰「我番過下晝架。」
 
麗連︰「好彩你話『番過』。」
 




Friend底鬥嘴真係唔洗俾面。
 
麗連︰「好想一齊去食晏呀，唔知下次番學係幾時呢。」
 
嘩，呢個問題真係…我第一次聽人問。
 
麗連︰「希望study leave之前番到去一次啦。」
 
「其實而家已經study leave緊，我哋已經畢咗業架喇。」皮蛋拍咗下麗連手臂。「自從中四嗰年。」
 
麗連︰「唔制吖…我要last day，我要畫紀念冊，我要喺人哋lab 袍畫hello kitty，我要上天台影相！點解年年都有嘅嘢我哋會冇架！」
 
書銘︰「你問政府囉，人哋國家開埋演唱會呀！我哋學都冇得番。」
 
「last day點算呀…我唔想冇咗last day呀…」麗連趴喺枱度泄氣。




 
「麗連本來好唔鐘意番學，而家最想番學係你，真係意外。」光秀伸咗隻叉去麗連口邊餵佢食魚蛋，安撫佢。
 
「哈嗯…嗯…嗯，好味…係咁架啦，兩年喇，兩年冇好好番過學，第時人哋問我中學做過咩，我都唔知講咩好。」
 
書銘︰「咪話帶口罩考試、PE老師俾人炒尻晒、全日制變上晝班囉，幾特別吖，人冇我有。」
 
麗連︰「呢啲特別我唔要吖…型嘅特別同柒嘅特別係唔同架，你望住皮蛋同光秀咪明。」
 
「哈哈哈！！呢個比喻正。」書銘笑到收唔到聲。
 
「喂！都話我叫Peter咯！」
 
光秀︰「你咁講都係嘅，唔通將來同人講︰『中六我冇試過同friend走堂去自修室』咁樣係完整嘅中學人生咩。」
 




「我覺得最大遺憾係冇晒啲班際比賽。」我做咗下投籃姿態講。
 
書銘︰「所有運動場都封晒，學校又唔俾用籃球場，打鬼打馬咩。」
 
皮蛋︰「所以中學回憶剩係得番部電腦。以前好想放學番屋企玩電腦，而家真係自然想熄機。」
 
光秀︰「扮乖，琴日你咪又係打機！」
 
皮蛋︰「咁溫書溫到攰咪想玩。」
 
「唔知邊個求先做卷話唔識做呢呵？今日咩月份呀？」光秀用眼角望向皮蛋。
 
又秒殺，皮蛋好心你唔好俾位人入你啦，好柒呀。
 
「唔識係正常嘅！你哋唔會咩？對住部電腦對得多，就更易嘅嘢明明識，都用唔番出嚟。」




 
書銘同麗連點頭。我都點頭。
 
皮蛋︰「輝記唔理佢啦。要自律寫碌屎溫書；又唔可以太懶散，食瞓玩要有日程，好似番學咁。屋企就係自由吖嘛，又冇搣時阿sir督住，又冇手冊跟，一日完咗，有時真係唔知做咗啲咩。」
 
我︰「下晝咪見到阿sir，真人問答喎。」
 
皮蛋︰「有撚用咩，成三十個人，你熄尻咗個鏡頭佢鬼知，Google meet 戇撚尻架嘛！」
 
咦，係喎！
 
「阿輝記你都真係唔撚係讀書，你有冇見過『兩點鐘阿sir』架？」
 
聽講我哋班主任永遠喺兩點鐘都會出現，其他班唔會咁，所以有「兩點鐘阿sir」嘅稱呼。
 




「佢有撚！」書銘插嘴。「所以話而家DSE係俾自制能力高嘅人考，例如光秀，佢幾撚勁！求先份嘢佢識做呀！」
 
皮蛋︰「未到study leave時候佢已經屈機架啦，而家更加冇得比，同佢比冇得比喎。」
 
連麗︰「阿皮蛋你收啦，未到last day呀！而家唔係study leave呀！」
 
「你接受現實啦麗Lin！」皮蛋想叫醒夢中人。