因為前世一個承諾，令我今世三十歲都仲係青頭仔: （3）

Lily走左之後，過左一陣，我個friend Samuel打電話過嚟。

「傑傑！」

「點呀Samuel，咁夜打嚟有咩貴幹？」

「後日有個叫慧真大師嘅得道高僧，從台灣嚟香港，聽人講佢功力深厚，法力無邊，話唔定可以破除你嘅『貞操力場』。」

「高僧定神棍呀？咪又老點我喎。」





「今次我check得好清楚，個高人堅係猛料！你後日一於跟我去寶蓮寺，去會一會佢！」

之前見識過唔少神棍，因此我對呢啲所謂「高人」好有保留。

「Er…等我諗諗先…」

「唔好諗啦，呢個慧真大師唔係咁易出山架，今次機會難逢，你係要去嘅話，我今晚就上大嶼山擔櫈仔排隊架啦。」Samuel話。

「下？排隊？洗唔洗呀？」





「梗係要啦，好多人爭住去見架，有啲人一收到風，上個禮拜已經開始排緊。」

就咁聽落，呢個嚟自台灣嘅高僧似乎有啲料到。

諗左一陣，最後我應承對方，後日去見一見個高僧。

「好！一於就咁話啦，後日我地大嶼山寶蓮寺見，記得唔好放飛機！」

「得啦得啦，係咁啦bye bye。」講完我就收佢線。





多年嚟，Samuel一路致力揾辦法破解我道「貞操力場」。

佢之所以咁上心，係因為佢鍾意我。

佢係第一個發現我嗰道「貞操力場」嘅人。

當年Form 6考完公開試，我地一大班同學去大阪畢業旅行，嗰陣我同佢住喺同一間酒店房。

有一晚大家飲到醉醉地，返到酒店房，Samuel突然向我表白。

一路以嚟其實我都知佢係gay，而佢亦從來都無掩飾過呢樣嘢，我只係估唔到條友居然暗戀我。

表完白都不得止，條友仲借醉行兇，騎上嚟想奪我貞操。

嗰陣我wing wing地，成個人迷迷糊糊，未有即時意識到發生緊咩事。





直至到佢揸住我條jer，企圖塞入去佢個屎忽窿度，嗰下我先當堂醒曬，但已經想縮都縮唔切。

好在喺千鈞一髮之間，有嗰一道「貞操力場」擋住左，否則我呢個直仔差啲就屌左男人屎忽。

亦即係話，嗰道力場不單止阻止我屌閪，仲會阻止我屌屎忽，不論係男人嘅屎忽，定抑或係女人屎忽。

（至於可唔可以阻擋人屌我屎忽，呢樣就無驗證過，同埋都無乜興趣去驗證。）

我以為Samuel知道我唔鐘意男人後，好快就會死心，殊不知，直到今時今日都繼續冤住我，真係完全無佢符...