穿越時空，冒充平行世界嘅另一個自己，再去呃佢條女上床: （117）

魔迪加嘅惡魔重拳令人眼花繚亂，帝洛斯眼見自己有啲招架唔住，立即退後，合十雙手，召喚出六芒星結陣。

隨即，魔迪加腳下出現一個六芒星陣，導致到佢無法移動。

「可惡！又係呢一招！」魔迪加嘅暗黑之氣，統統被個結陣吸收、化解。

帝洛斯趁機會反攻，先係一輪狂風暴雨式暴擊。

無法動彈嘅魔迪加只能揮動翅膀，勉強擋隔。





之後，帝洛斯使出佢嘅「絕命光波」。

佢喺手掌上聚合邪力，形成左一個藍色嘅光球。

「受死啦！魔迪加！」排球咁大嘅光球從佢手中飛出，直接攻擊敵人。

「砰！！！」呢招嘅威力非常強勁，輕鬆就炸魔迪加到出煙。

好在魔迪加用對翼包住全身，避過左致命一擊。





當煙霧散去，不甘挨打嘅魔迪加張開雙翼，一對綠色嘅眼正發出銳利嘅光芒。

「Ahhhh！」隨即佢大聲咆哮，反過嚟吸收六芒星陣嘅力量。

三秒後，佢用力一踩，腳下嘅六芒星徹底被粉碎。

呢一刻，魔迪加身上嘅惡魔氣息比剛才更加恐怖。

帝洛斯繼續出波，魔迪加左閃右避之餘，手中釋放出綠色嘅火焰還擊。





對手有「絕命光波」，佢都有可以燃燒宇宙一切之物嘅「魔怒火焰」。

佢地閃避率都十分高，不停咁避開對方嘅攻擊。

帝洛斯嘅衝擊波掠過魔迪加頭頂，射去後面一座山，直接成座山夷為平地。

魔迪加嘅火焰威力同樣驚人，一瞬之間，就將地面一排排建築物燒成灰燼。

雙方有來有往，不知不覺，已經對戰左一日一夜，但依然都係未分勝負。

「真係估唔到，你條友居然可以頂左咁耐。」帝洛斯嗰件甲都已經變得蓉蓉爛爛。

「呢句說話應該由本大爺講先啱！」魔迪加全身同對翼早就傷痕累累。

「呵！不過，最後贏嗰個一定係我！因為我係宇宙之王。」帝洛斯冷笑一聲。





「食屎啦！本大爺先係宇宙之王！」魔迪加飛身進擊。

呢一次，帝洛斯無面對面迎擊，反而調頭飛走。

「你做咩！想做逃兵？」魔迪加窮追不捨。

另有心思嘅帝洛斯狡猾一笑，加速向前飛。