穿越時空，冒充平行世界嘅另一個自己，再去呃佢條女上床: （116）

「鏘！！！」

幽魔之刃同邪合劍激烈對劈，猶如幾百萬噸嘅力量相撞，激起巨大嘅震蕩。

周邊嘅建築物包括避難營，儘管無受到直接撞擊，但都出現震感。

「估唔到訓左咁多年，你好似仲犀利左喎。」

「沉睡過程中，本大爺一直吸收宇宙以及萬物之氣，你以為本大爺真係訓教咁簡單！」魔迪加扇動雙翼，橫刀相向。





帝洛斯退一步避開，同時交叉揮舞雙劍，凌厲嘅劍氣猶如狂暴嘅凶獸一樣，猛撲魔迪加。

然而，魔迪加拍動一下雙翼，捲起一陣烈風便將劍氣化解，緊接住佢使出佢嘅必殺技：「冥殺斬！」

喺佢手上嘅幽魔之刃，閃耀住暗黑嘅光芒，擊殺出能將一切斬成混沌嘅招式。

「劍流閃！」劍光飛閃，帝洛斯快速舞動雙劍，發出密集嘅劍氣抵消魔迪加嘅攻擊。

「轟隆！」





天雷不斷，但再響嘅雷聲都不及，兩隻外星人互相廝殺嘅聲音。

「鏘！鏘！鏘！」

魔迪加同帝洛斯埋身劈殺，佢地嘅速度快得根本無法捕捉，可以話連影都睇唔到。

只見到佢地留過之處，都會泛起一陣風同灰塵，仲有刀與劍互片摩擦出嘅火光。

佢地由地下打到上天，互不相讓，而且實力旗鼓相當。





雙方過左幾百招，對攻左百幾個回合都未分勝負。

帝洛斯雙劍合璧，垂直咁劈殺，魔迪加卻一個轉身，反手橫劈，命中對手腰間，喺嗰件銀色盔甲上，留下一道刀痕。

「咦，係你啲反應慢左，定係本大爺快左！」

「呵，我淨係出左三成力渣！」帝洛斯心入面確係有少少意外，估唔到對方進步左咁多。

「哈哈！係咩？但本大爺要全力啦喎！」魔迪加立於空中，身上釋出嘅暗黑之氣，幾乎要遮蓋成片天空。

喺佢對面嘅帝洛斯亦都不甘示弱，不停谷啲邪氣出嚟，提升自己嘅攻擊力。

「看招啦！」魔迪加舉起佢把幽魔之刃，拼盡全力使出「冥殺斬」。

面對對手咄咄逼人嘅攻勢，帝洛斯都無得留力，用佢嘅「劍流閃」以招駁招。





雙方都傾盡全力使出必殺技，兩招嘅威力都係宇宙大爆發級別。

硬碰硬對撼之下，單刀同雙劍兩敗俱傷，皆破碎成碎片。

佢地兩個都被對方出招嘅威力，震到互相彈開。

手上嘅武器無左，但決鬥卻無就此停落嚟。

一魔一邪，埋身互博，假如從遠處望上天空，則會見到一道黑色嘅光團同銀色嘅光團，喺度瘋狂對碰。