穿越時空，冒充平行世界嘅另一個自己，再去呃佢條女上床: （169）

四個Mike加張醫生三個老婆，連同兩個外星人，佢地嘅身體逐一拼合，恢復返原狀。

「哈哈哈哈哈哈！」

帝洛斯見住自己重新復活，忍唔住興奮狂笑：「我復活啦！哈哈哈哈哈哈哈哈！」

而Mike等人就覺得非常不可思議，佢地明明記得自己喺被炸彈炸死左，無啦啦居然又會死過返生？

喺另一邊廂，懸浮嘅軍艦返到觀光塔頂端，陳總司令嘅槍傷雖然好返曬，但心情卻極度憤怒。





佢估唔到子瑜真係倒流左時間，即係代表左，之前所做嘅嘢全部都功虧一簣。

要重新消滅帝洛斯，咁就要再次啟動破壞衝擊炮。

「再瞄準一次！快！」陳總司令命令手下再發射一次衝擊炮。

「喂！你想瞄準邊度呀！」帝洛斯一躍跳上塔頂，出現喺佢地面前。

被炸死過一次，帝洛斯梗係唔希望再有第二次。





「Fire！」陳總司令指住帝洛斯。

「唔洗旨意！」

「BOOM！！！」

爆炸聲響起，今次被炸嘅並唔係帝洛斯，而係嗰艘軍艦。

喺軍艦開炮之前，帝洛斯射出強勁嘅衝擊波，射爆架軍艦，跟住放出魔迪加嘅綠色火焰。





一瞬間，塔頂化成火海。

「哈哈哈哈哈！」帝洛斯望住陳總司令同一班時空使者，受困於火海中，哈哈大笑。

與此同時間，起死回生嘅Mike睇到子瑜訓喺遠處，好似受左傷。

佢同其他人第一時間跑過佢睇下對方咩事。

子瑜背脊中左槍，導致失血過多，呢刻臉色十分蒼白。

當佢見到Mike，仲有其他人成功復活，臉上不禁流露出笑容：「太好啦…Mike復活左就好啦…」

只不過，子瑜嘅笑容維持唔到一秒就消失左，且徹底失去意識。

「子瑜！點解會架！」Mike嚇左一跳，發現對方中左槍。





無論佢點嗌，子瑜都係無任何反應。

呢個時候張醫生出手，檢查到子瑜嘅脈搏好薄弱：「子瑜中左槍，依家失血過多，導致到陷入昏迷狀態。」

「咁點算呀…你係醫生…你快啲諗辦法救佢啦！」Mike神情緊張。

「佢嘅情況唔太樂觀，我只能盡下人事。」張醫生同佢三個老婆夾手夾腳幫子瑜止血先。

「咚！！！」

帝洛斯從塔頂一嘢跳落地面，令到地下震左一下。

佢嚟到Mike等人面前：「哈！今次全靠你條女，咁我地先有機會復活！哈哈哈！」





「係子瑜救左我地？」Mike瞄到子瑜手中抱住一個鬧鐘。

當佢伸手想拎起嘅時候，帝洛斯用極快速度衝埋嚟，搶走左時間倒流儀。

呢個鐘雖然救左自己，但帝洛斯知道呢個鐘假如落喺敵人手中，可以玩到佢陀陀擰，所以佢好似之前咁將個鐘吞落肚。

「好啦，係時候繼續返我地頭先未完成嘅決鬥！」帝洛斯摩拳擦掌，準備想郁手。

突然間，魔迪加唔知從邊度衝出嚟攻擊佢。

「好在你條友都復活左！我幾驚你無得返生，咁本大爺就唔可以親手打敗你！」

「哈！就憑你想打敗我！想創你個心！」帝洛斯同魔迪加埋身肉搏。

為左同阿榮報仇，美國鷹就加入左戰團，阿鬼亦都上前去幫拖。





而Mike就只擔心子瑜嘅情況：「咩情況呀？子瑜仲未醒嘅？」

「我地仲幫緊佢止血，你唔好咁擔心。」張醫生揸住染血嘅棉花同鐵鉗。

「喂！你做咩喺度發夢呀？」帝洛斯三趴兩撥打到魔迪加佢地訓低，然後衝埋嚟攻擊Mike。

「你話我聽！你頭先吞左嗰個鐘係咩嚟？」Mike出手擋隔。

「嗰個叫時間倒流鐘，你條女就係用個鐘令到時間倒流，將我地復活！」帝洛斯不妨坦白回答。

「子瑜用嗰個鐘就返我地，即係話我都可以用嗰鐘，令到子瑜嘅傷口好返！」

「理論上係得嘅，不過嗰鐘就喺我個肚入面，有本事你咪試下打敗我囉！哈哈哈哈！」





「好！就等我打敗你！」