穿越時空，冒充平行世界嘅另一個自己，再去呃佢條女上床: （176）

「鏘！鏘！鏘！」

Mike咬實牙關，集合三人嘅力量向敵人狂攻猛劈。

攻勢上其實係佢比較佔優。

只不過，帝洛斯獲得時間回溯嘅能力，就算俾對方打到遍體鱗傷，只有指針一撥，佢就即刻恢復原狀。

因此要打低敵人嘅話，唯一辦法可能就係一招徹徹底底咁，將帝洛斯完全消滅。





Mike爆氣再爆氣，出盡全力劈殺出絕招「天誅·破夜斬」

點知帝洛斯雙眼一瞪，小腹上嘅指針轉動一圈。

眼見就嚟要斬落去，忽然之間Mike退後返回到幾米之外。

「哈！輪到我反擊啦！」

下一秒，帝洛斯飛身衝去捉住Mike，然後喺對手身上施加時間逆轉嘅力量。





一眨眼嘅時間，三人嘅融合被解除。

Mike、魔迪加同斷角徹底分離，得帝尼爾仍然附身喺Mike體內。

計謀得逞嘅帝洛斯毫不留手，一劍先劈爛斷角，跟住連番出招，追住Mike嚟砌。

佢唔要再俾對手任何機會，決要定一次過解決Mike同佢老豆。

由於隻斷角無左，帝尼爾所有嘅邪氣俾削弱一大半，依家嘅Mike幾乎只係單靠自己嘅力量，阻擋敵人猛烈嘅攻勢。





至於嗰支融合槍已經俾矮仔外星人銷毀，所以佢地想再融合多次已經唔得。

帝洛斯以六芒星結陣，令Mike無法繼續移動，跟手向住目標瘋狂出招，展開狂風暴雨般嘅攻擊。

「啊！！！」Mike痛苦大嗌，身上件甲仲有把劍瞬間化成烏有。

美國鷹同張醫生無能為力，只能眼白白見住同伴被帝洛斯摧殘。

呢一刻唯一能夠幫Mike解圍嘅，就只有魔迪加。

雖然佢都身負重傷，但驚人嘅意志力，以及嗰一份要打低帝洛斯嘅決心，賜予佢強大嘅動力去繼續戰鬥。

趁住帝洛斯只顧對付MIke，魔迪加以佢最快嘅速度，從後突襲劈殺，喺敵人背脊留下一條長刀痕。

「頂！你呢個手下敗將真係煩過烏蠅！」帝洛斯將時間倒流，修復背後嘅刀傷。





「哼！本大爺一日未死，我地一日都未算分出勝負！」魔迪加谷出魔氣，增強自己嘅力量，「總之只要本大爺仲有一啖氣，都要同你作戰到底！」

「呵！你件垃圾真係不自量力！」帝洛斯態度輕蔑，完全無放對手在眼內。

呢個時候，突然間佢背脊中左一下烈焰炮。

回頭一望，發現鐵馬騮、斧頭怪、鐮刀怪等大約十幾個外星人出現。

佢地都係帝洛斯嘅手下敗將，同帝洛斯有過一戰之仇。

頭先佢地十幾個一直匿喺附近唔敢出嚟，但見到摩迪加、Mike等人奮身咁搏命戰鬥，最後鼓起左勇氣出嚟幫拖。

「好做唔做，你地又學人做架兩？」帝洛斯用時間倒流嘅力量，再次修復背脊嘅傷口。





呢刻嘅佢憤怒出招，決定解決魔迪加仲有嗰十幾個外星人。

而Mike就受困喺六芒星結陣，頭先俾敵人㩒住打，導致身上佈滿傷痕同鮮血。

重傷嘅佢意識模糊，全靠意志力喺度支撐。