Mabel發現左我同Leanne嘅事後雖然表面上好似無咩事咁,但婚後兩個月佢就突然同我講想同我生bb。本身我地都有衣個計劃,但就諗住係結婚後兩年先生,等大家可以過下二人世界,而衣家佢就突然想提早衣個計劃。係天上嘅我當然明白背後原因,但衣個世界嘅我就有d摸不著頭腦,不過既然本身都諗住生,衣家只係提早實行,加上對Mabel又內疚唔想逆佢意,所以下面嘅我都無反對,然後就好努力咁同Mabel晚晚做人仔,三個月後終於成功咁令Mabel懷孕。
 
如果故事係衣度可以完結,對我黎講其實都係幾好嘅結局,雖然最後同Leanne攪到好唔愉快,但至少衣個世界嘅我得到左好多我夢寐以求嘅野,例如事業,愛情,家庭,仲有女神。可惜世事又邊會咁完美?
 
喺幾個月後同中同嘅一次聚會中,Byran又係度分享佢係交友app食女嘅經驗。或者係佢講得太正太美好,又或者我骨子裏都係專一唔到,而出軌衣d野,通常有得第一次,就一定會有第二三四次,特別係上次出軌咁順利自以為無比人發現,加上隨住Mabel個肚越黎越大,我地都無再攪野小祖開始越黎越痕。
 
雖然同Mabel攪野一直比我感覺都好好,唔係我以前都唔會一直咁著迷。但始終食得龍肉多點都會有d悶,加上Leanne 令我嚐試過龍肉以外嘅味道,結果衣個心癮就越黎越大。所以之後我都跟Byran開始玩交友app,然後好快就出左一次又一次嘅軌。
 
因為有前科, Mabel其實變得好sensitive,成日疑神疑鬼,而佢之所以想同我提早小朋友,都係因為希望可以用小朋友綁住我唔會離開佢,甚至希望個小朋友可以令我唔會再出軌。所以當我仲自以為事以為自己無比人發現嘅時候,其實Mabel差唔多每一次都知道我去左偷食,但佢都選擇左啞忍,然後對我加倍嘅好希望有日會感化到我。
 


終於我地個孩子出世,係一個男孩子,然後我地就開始左忙碌嘅湊仔生涯。可能因為有左bb衣個寄託,Mabel心情好似變返好d,一副有仔萬事足嘅樣子。但對我黎講,雖然見到自己個仔慢慢長大都好開心,但就越黎越厭倦湊仔嘅日子覺得好單一同苦悶,而且對Mabel嘅感覺都越黎越似一個屋企人而唔係一個愛侶。於是乖左一排後,我又開始去搵食,仲因為一次又一次得手,我都越黎越肆無忌憚。其實去到後期某程度上,我開始sense到Mabel應該知道我出面有第二d女人,但見佢無出聲,我都無特別去收斂,仲認為佢默默接受左咁嘅我,因為佢一直都仲對我好好,佢對我嘅愛真係從來無變過。
 
不過有d野,唔出聲唔表現出黎唔代表唔存在。而隨住個仔越黎越大佢都開始感受到媽咪成日都好似好唔開心咁,之後佢當然知道左背後嘅原因,自此同我嘅關係亦越黎越疏離,但可笑係當時嘅我仲係慒然不知無特別處理,繼續沉淪係慾海之中。或者當時同其他女仔相處,我先可以再有心動嘅感覺。事實上果陣嘅我,已經再唔係仲停留係交友識女然後ONS 果d,而係真真正正包養左另一個小三甚至小四,係有感情果種,我想追求性以外仲要有情嘅元素。
 
最後,可能因為太多鬱結積埋積埋,Mabel身體越黎越多毛病,係我地個仔15歲果年,佢就離開左人世。而因為衣個原因,我同我個仔嘅關係去到冰點,佢係Mabel過身果日亦終於忍唔住對我破口大罵
 
「係你成日出去玩女人阿媽先會成日唔開心然後衣家鬱鬱而終! 你有無人性架? 阿媽一直咁愛你對你咁好,點解你仲可以係咁不停傷害佢? 你知唔知我試過好多次叫阿媽同你離婚,但你估佢同我講d咩? 佢話佢信只要肯努力同堅持, 就總會有收獲嘅一日,佢信總有一日你會浪子回頭一心一意咁對佢,仲叫我唔好嬲你! 結果佢捱左咁多年都係等唔到果一日,因為果一日根本唔會發生… 我唔想再見到你,唔想要你衣個老豆呀!」
 
果刻嘅我先知自己錯得有幾離譜,亦十分內疚。可惜有d人到你想珍惜已經唔存在,有d關係想修補亦已經太遲。我個仔係18歲嘅時候就自己搬左出去無再搵過我,而我雖然仍可以繼續沉淪慾海有唔同嘅女人,但就再無真正開心過…
 


事實上喺Mabel過世果刻,我先終於意識到自己失去左d乜,衣個世界嘅我亦終於首次感受到咩叫人係失去左先識珍惜。而比個仔鬧完,我亦終於意識到Mabel背後受嘅苦有幾大,大到甚至衣d苦原來係不斷蠶食緊佢嘅健康令佢咁後生就過身… 但佢都仲堅持一直去愛我,信我有日會返轉頭。果刻我個心好痛亦好後悔,但一切已經太遲,然後我又開始慢慢變成禿頭嘅肥佬… 好快連我包養嘅小三同小四都因為我太樣衰而離開左我… 雖然間中或者我仲可以透過錢去換取性,但內心嘅孤單同寂寞就一直陪隨住我直至我終老…
 
 
「表面上我係衣個世界好似得到左好多野,但最後其實仍然係咩都無晒…」望住又係衣個結局嘅自己,我無奈講道。
 
「你地唔係好興有句咩”不在乎天長志久,只在乎曾經擁有咩”?」貓仙人問。
 
「如果Mabel一直唔知,可以開開心心咁生活落去,你衣個講法可能無錯。但我衣d所謂嘅擁有,全都係佢用下半生幸福換返黎… 連我個仔都咁不齒我嘅行為,咁又有咩意思? 睇黎上一世Mabel真係欠左我好多,無論我接唔接受佢都好,只要佢貼近我,我就只會帶左無窮嘅痛苦比佢… 我係真係應該好似前兩個世界咁等Mabel自己死心,咁佢下半生會幸福好多…」我帶住唏噓咁講。
 
「人嘅生命本身就係互相影響,就Mabel以而,曾經你係佢最想要嘅野,得到左以為好開心,點知最後原來係一段悲慘嘅命運。不過佢都曾經同你有過唔短開心嘅日子,喺唔知其他世界有另一段幸福姻緣嘅情況下,其實佢又未必會真係後悔。始終佢真係好愛你,你基本上就係佢世界嘅全部…


 
而係衣個世界,因為佢最後等到你真係同佢一齊,令佢更加堅信左堅持就會有回報衣套,唔似其他世界咁學識放低,結果就算明知你一次又一次嘅不忠,佢都仍然選擇堅持去付出希望你有日會回心轉意,就好似當年你突然肯同佢一齊咁。點知堅堅持下,就堅持到死左。」貓仙人冷漠定說道。
 
「有d野你可能一直以為係最好,好想得到佢,但點知得到左後可能會發現其實果樣野並唔係真係想像中咁好…所以有時一件事係真係好定壞,幸福定不幸,可能真係要等我地死果刻先可以評論…」我感觸講道。
 
貓仙人:「哈哈,無錯,就好似我地初初見果陣你都有好多野想得到格,仲為此而後悔不已添~ 衣家我估你嘅諗法應該都有d唔同左?我就睇得太多衣家已經麻木晒喇… 咁你預備好去第四個世界未?」
 
「我開始有d累唔想再睇喇…」睇左三個sad ending,我都真係有d累嘅感覺。
 
「你想停可以停架,不過黎緊衣個世界同你所認知嘅應該好唔同,亦有唔少你未見過嘅人會出現係你生命入面。」貓仙人引誘我講。
 
「咁…睇埋衣個再睇下點啦… 貓仙人醒,貓仙人勁,貓仙人無得頂,喵喵喵chance~」今次我唔等貓仙人叫直接自己念埋咒語,或者我真係好心急想走唔想再停留係衣個氣氛度啦。