要愛情，定要麵包?: 2. 幾年前的新聞

一家人係酒樓食完飯，我送Candy返屋企時，佢一再係到囉嗦
 
「你呀!有錢就買下股票啦，之前叫你早d出黎做野又唔肯，係都要讀落去，讀咁多書有咩用者，而家咪又係一個配藥員」
 
「咁讀多d書，將來發展好d嘛」
 
「你有咩發展呀?留係醫院做配藥員咪幾好，人工又唔差又穩定」
 
係係係….最好就係呢d工呀、政府工、做公務員掃街都好過做私人公司架啦
 


成程車我都冇咩留心Candy嘅說話，因為我個心係諗緊第二樣野。當我送左佢返屋企之後，我並冇立即返屋企，相反，我返左去我工作地點；瑪麗醫院，因為食飯時嘅新聞報導……
 
「港人凌慧思，中七畢業於大坑道香港真光中學，畢業後往澳洲留學並於大學畢業後留於當地工作。今次返港係向親人傳達自己即將結婚嘅消息。四間真光學校已經希望各校友能夠盡力協助凌小姐及家人渡過難關。希望有心人能夠捐出肝臟，拯救凌小姐性命」
 
我一步一步走去ICU，係深夜嘅ICU仍然有家屬係到守候，不過Jessie屋企人已經返左屋企休息
 
係對講機中傳黎當值護士嘅聲音，係深夜當值嘅同事係比較攰比較辛苦，雖然ICU會比較多同事當值，但係工作量仍然如舊
 
「請問搵邊位病人?」
 


「我搵凌小姐，凌慧思小姐」
 
「你係唔係佢屋企人?」
 
「我係佢朋友」
 
「唔好意思呀，家屬希望凌小姐可以休息多d，只希望大家日間黎探佢」
 
呢個係好正確嘅決定，病人係需要比較多休息。靜養多d，康復機會率會大好多
 


「呀…姑娘呀…我係藥房同事，可唔可以俾我見一見佢?妳知道我地藥房同妳地一樣咁忙，好難抽到時間出黎」
 
對講機另一邊靜左一陣後，房門「的」左一聲，代表我可以入去
 
一到病房，已經有一位同事係到等我
 
「同事，麻煩你著齊哂gown先，然後消毒，之後我會陪你入去」
 
經過一大輪消毒後，我進入ICU病房，一個我從未入過嘅地方。係藥劑部，有資格入黎ICU嘅，只有高級藥劑師，而我只係一個高級配藥員
 
「如果你唔係藥劑部同事，我係唔會俾你入黎」
 
「麻煩哂妳，病人情況點?」
 
「你一陣睇佢D藥就知，除左換肝就冇任何方法」


 
護士引領我去到Jessie面前，佢戴住呼吸器，靜靜地休息
 
護士遞上一份藥單，只係輕輕一眼，就知道Jessie有幾嚴重。雖然佢一向都唔係擁有白雪雪嘅皮膚，而且去左澳洲10年，曬黑左少少，但係我面前嘅佢，完全係發黃一般，代表肝功能咁唔多冇一樣
 
「我…可唔可以摸下佢?」
 
「唔…你係佢未婚夫?」
 
我好坦白咁向同事解釋
 
「如果當初我追住佢去澳洲，我就會係佢未婚夫」
 
「我去處理少少野，10分鐘後返」
 


我拖起10年來未曾拖過嘅手，仍然係咁幼細，比10年前更凍。妳係澳洲冇好好照顧自己咩?定係妳未婚夫冇好好照顧妳?
 
眼淚不停由眼窩中滴出黎，點解個天要咁對我地兩個?點解我地會係ICU重遇
 
「我好掛住妳呀…公主殿下…」

10分鐘過後，我都係要放手，唔好俾麻煩放我入黎嘅同事
 
「請問你係病人邊位?呢個時間唔係探訪時間」
 
「醫生，我係藥劑部嘅SD…病人係…」
 
「SD?呢到只係俾P入黎喎」
 
「醫生…我…病人需要幾多肝臟?」


 
「你見到D藥應該知道，病人最少需要50%成年人健康肝臟，最好係70%，但係我相信…」
 
「醫生，幫我做Test」
 
「Te…test?」
 
「係…我想捐肝臟俾病人」
 
「你肯定?」
 
「Test完先好嘛?」
 
於是我被醫生帶左去抽組織，然後等待結果。而我就返office休息，準備早上工作