༄她。比糖更甜？༄: -第六章 愛情。微電影！

-第六節 愛情。微電影！
　「噠 噠 噠 噠 噠 噠」一下又下電腦傳出來的響聲。
　「噠 噠 噠」我說「終於搞掂條菲林相機片呀呀呀，攰死人」
　 電話Signal訊息「鈴 鈴」
阿浠：「你搞掂好啦！幾時出幾時出！」-20:05
我：「大概五分鐘之後掛？」-20:07
阿浠：「好 等睇等睇🤩」—20:07
已讀。
阿浠：「又..真係幾好睇」 -20:24
我：「可能有你囉😂」-20:24


阿浠：「梗係啦🌝」-20:25
　結束對話後，我不斷傳出電話「叮 叮 叮」聲，在影片下方的留言區。不斷有人說着「女朋友？」「恭喜出pool！」「個女嘉賓幾靚喎！」，我看到這麼留言…我苦笑起來又不知如何回應好，所以我最後決定說「佢係我新朋友嚟🤣唔好諗多Thx」，回應完這些留言後。
　一個又接一個胡說八道的留言，真的令我啞口無言。
我：「Hey 話說之前講起嗰個微電影，我哋可能大概喺八月中開始拍(?)」-20:40
阿浠：「Ohha 一定可以呀，放暑假😌」-20:42
我：「渡海話個劇本都差唔多搞好，到時我再搵你啦！」-20:43
阿浠：「好好好٩( ᐛ )و」-20:43
　到了下個禮拜六後，我一穿着普普通通的落街Look衣衫不整地約了渡海去屋企講一下整個劇本的走勢。
　「嗱，雖然我知呢啲劇情…係有少少老土嘅。但我哋都可以喺對白上，呈現到一種愛情又感動嘅感情！」渡海合起雙眼說。
　我看了一看劇本之後…其實還真的不錯，雖然未完全完整，但綜合起來都有頭有尾的。


　「總之大概就講，個男主成日都係臨到最後先做決定，搞到自己做所有嘢都好急速。所以就成日坐的士去追趕啦，大概咁。」他就。 
　「唔錯呀，我幾鍾意呀！」
　「名都諗好啦，叫『的士風鈴』。」
　「個名勁高質，正。」我高興地說。
　渡海家門，突然「鈴噹」一聲，我還以是他的家人的時候⋯竟然是阿浠！？
我立即衝入廁所裏，拿起渡海的梳，整理一下自己。
　「佢做咩衝得咁快呀？」我略略聽到阿浠。
　「唔知佢喎，要keep形象掛！」非常串地大聲說。
　「你咩料呀」我一出廁所就向渡海說。
　「冇嘢呀，過嚟快傾劇本。冇時間⋯」他說，並跟她進行一次整個劇情的進度。


　我就坐在一趟玩下手機、睡一下，渡海就在一旁慢慢解釋整個劇情發展。
　「喂！你係男主喎。」渡海望向我說。「你同阿浠對戲做女主角喎。」
　「你做女主呀。」我帶着睡意地說。「係喎！」
　「未瞓醒呀，懵下懵下咁嘅。」阿浠則一下頭望着我。
　我呆了一兩秒望向她⋯「呀，我琴日做暑期補課練習呀嘛。」
這一兩秒⋯突然覺得⋯阿浠很可愛⋯我的心⋯⋯⋯有種突如其來的衝擊一樣⋯是⋯是心動的感覺？
「喂 喂 喂，醒呀。有冇咁攰啊你，而家都6點啦，浠都走咗啦。」我慢慢睜開眼睛地向我說。「我哋約咗下星期日開始出嚟拍呀，我估你應該都得閒㗎啦。」
「係呀，我可以呀」
「仲有阿浠話，叫你返到屋企可以搵佢喎⋯因為見你今日咁，又講得咁少嘢。」渡海陰聲細氣地說「話唔定佢對你有好感啊。」
「咦唔好成日講。」我說「我返去啦咁8！9！8！」
「啪！？」巨響一聲閂門。
我慢慢行回家…
我：「喂 Sorry今日我真好攰🤣」-19:43
阿浠：「哦 唔緊要呀」-19:47
我：「有功課做Bruh」-19:48


我：「Damn 我食埋個飯 我就瞓啦-_-」-19:48
阿浠：「好呀😂88」-19:48
我：「你都食未呀？」-19:55
秒覆
阿浠：「我都食啦 你休息啦ha」-19:55
　到星期日了，是拍攝微電影的日子，我昨晚再重複看了一遍劇本，感覺一定不能只是一日可以拍得完。。。
　「嗱 場景嗰我都諗好晒㗎啦，跟住我就OK啦」渡海說。
　「我哋今日內會唔會拍得完㗎？」阿浠問。
　「我自己估就應該未必得啦，但放心呢個暑假都搞掂㗎啦⋯仲有仲有我約咗個朋友叫橋哥，佢揸機超勁！」我說。
　渡海、阿浠和我一起走到前方跟橋哥會合先，再次對一對劇本台詞和拍攝方位等等⋯
　橋哥跟我一樣都是經常鑽研拍攝技巧，所以在拍攝方面我完全能夠相信他，有他幫忙，我一定包保不會有錯漏！
　「橋哥有啲耐冇見！」我衝向前方抱著他。
　「屌，走開！」橋哥掙扎地說「好重呀你！！」
　因為橋哥是我一位認識多年的朋友，自從我們升到不同的中學後，見面的次數亦都就此減少。
　「唔好搞Gay啦！」渡海不耐煩地說「快啲開始啦！」


　「btw呢個叫阿浠」我向橋哥介紹。
　「Hi」「你好」他們都接著打招呼。
　「得啦，睇完劇本就開始啦」我拍手地說。
　之後橋哥突然跟我說「新女朋友呀？」
　「梗係唔係啦！？」我說「normal friend！Ok？」
　「咁快下定論啦」
　「咩呀？咁暫時囉！」
　「我識你好耐㗎，我好清楚你㗎！」橋哥自豪地回答一大論「我呢，就咁睇你一定係一見鍾情呀～呀～」
　雖然橋哥有些說中了我是一見鍾情，不愧是我的多年好友⋯但是我都立即否認他的說法。
　「了解了解！」橋哥麻煩地瘋狂回應「唔拆穿你囉～哈哈哈哈哈」
　「再講我一野踢你落海呀！」我認真做出踢腳的動作。
　剛好我們旁邊剛好是大海，他都非常了解我，因為我真的試過拋橋哥下沙灘的水裏！
　渡海和阿浠都準備好了，而且第一場景我不需要在場，所以我站在一旁觀看他們的表演。
　時間飛快一過就已經過了數小時，我都想不到阿浠和我們第一次合作就已經順順利利完成大概60-70%了，阿浠演技更令我出乎意料，她簡直是被攝影埋沒的演戲人才。
　「嘩！講堅，估唔到阿浠拍得唔錯！」橋哥讚揚她。


　「係呀！真係估唔到你咁有表演慾！」渡海都說。
　「唔好咁講啦！都係馬奇俾個機會我發揮姐。」阿浠害羞地感謝他們。「都多謝啦！」
　「阿浠真係好叻！好勁！」我說。
　「唏～你勁啲啦！」阿浠的臉紅起來地說。
　「係你勁啲㗎啦！」
　「放緊閃呀！行開先啦⋯」渡海搭着橋哥的膊頭，戴上黑超地說⋯
　拍攝到晚上七點，我們四個人都開始感到肚子餓了。而橋哥就要回家找屋企人一樣去食晚餐。而渡海就要立刻回家完成星期一需要交的數學補課練習。所以只剩下我和浠了。
　幸好我一早就已經完成了數學補課練習，不然就不能夠與阿浠一起食晚飯！
　之後我們就去到屯市的譚仔三哥食今天的晚餐，想不到原來她都喜歡吃米線，阿浠更向我說「米線是我的本命，沒有米線就不安樂！」，於是侍應點了我們兩位去坐卡位。
　坐下來後，我就叫了一碗豬肉、雞肉、清湯的米線，阿浠就叫了碗豬肉、豆卜、小辣湯底。
　我就是一位食辣廢人，不要說是小辣，我就連最低等級的10小辣都可能食不到，雖然間中都會想嘗試一下，但我又不浪費食物，所以就打消了這個念頭。
　「嘩！你咁食得呀，小辣！」我驚訝地說。
　「嚟譚仔就為咗食辣，唔係我嚟做咩呀？」她一邊滑着手機，串串貢地說。
　「咩事？突然間咁寸嘴！」我笑著說「我鍾意食清淡啲！食雞胸肉～正！」
　「扮晒健康咁！」她回應「但鍾意豬肉多啲！」


　我們倆的米線都很快做好，便開始進食今日的最後一餐。  
　「係喎！我下星期原來有個我跳舞比賽喎！我都唔記得咗添！」阿浠驚訝地說「可能下星期未必拍到喎。」
　「唔緊要呀，暑假有排先完。」
　「哎唷…邊到嚟架。」阿浠一頭霧水地說「灣仔乜乜乜幾多號乜乜乜體育館？What is this？」
　「冇frd同你一齊去咩？」我問。
　「有嘅…」她他非常非常細聲地說。
「好似冇呀！」表現出精湛的演技地說，我都沒有發覺是假的「佢哋都要屋企人車呀⋯」
　「俾我睇睇邊度嚟。」我仔細地望「Ohh！！我知灣仔邊度啦，我喺第二個宇宙去過…唔係⋯講笑，之前同朋友去過嗰邊影相。」
　「…所以不如就搵你一齊去？」阿浠非常期待答案的望着我「喺星期五呀。你使唔使補課啊？得唔得閒呀？」
　「睇睇先…」我看補課時間表時，我都緊張要不要回校。阿浠更走到我身旁一起望我的時間表「好啊我可以呀！到時話我聽時間囉。」
　「YA！好得閒喎隨時約。」她搞笑地說「真正嘅時間管理大師！？」
　「乜撚嘢呀黐線！」無奈地說…
　當我們雙方都準備離開時，我擰轉頭走回阿浠的身邊說。
　「喂！你星期三可以不？」我突然問。
　「我可以呀！咩呀約我呀？」
　「想見你再加拍埋個30%佢囉！」
　「得啦，到時畀個時間我囉。」一口就可以立即回答她，真的非常口爽。
　我順便都送她回家去，我們居住的地方相差都不遠。
　遇到一位這麼好的女生，真的需要好好珍惜吧！
　「咁好呀！送埋我返屋企！」她笑盈盈地說「明明頭先，我哋就好似～唔啱路嘅。」
　「我發覺自己行錯路～得唔得！」我擰轉身望向她地說。
　「得啦得啦」
　「咁啱我哋都住得近嘛！帶你返埋佢有乜所謂呢！」我說「加上而家又夜啦，夜晚好恐怖㗎嘛。」
　「知啦，大好人馬奇！」阿浠就像給我好人卡地說？？？ 
　我擰轉身行走正面向着她說「請你唔好咁講⋯好似收好人卡咁」說完後她「哈哈哈」地笑。
　我變回正常行走再說「Btw不如你叫我Milagro呀！始終叫全名都有啲奇怪。」
　「咩字嚟呀？咪啦Go？」她非常問號地說「不如叫你阿米啦⋯簡單又好讀！」
「都可以！」她容容易易地簡化我名字，但說真我都滿喜歡的。
　不要說阿浠啦，就連認識我多年⋯英文還算是厲害的橋哥都讀得這個名字非常，而渡海就⋯英文白痴一個。
　「阿米阿米，有冇米㗎，有冇米～飯食㗎？」她非常可愛地說我的名字。
　「係啦，雪櫃冷笑話呀？」雖然我都不太介意，這樣的相處都不錯呀！
　我們談著談著很快更到了她家樓下。
　「得啦，帶到你樓下啦，我返到屋企再搵你啦。」我說「886」
　「88星期三見啦。」她回答。
　我回到家後就立即趴了上床，差不多快要累死自己了，明天還要回校簡直是要命了！
　洗澡完刷牙洗面後都已經立即睡覺了。
　星期三拍攝日，需要完成剩下的大約30%拍攝。
　今天的想去劇情部份比較困難，因為最後一項是要發揮得自己的感情很好，我猜想沒有三至四個小時，都未必完成得到。
　我們四人同行，一大早就坐上巴士去到赤鱲角機場，開始最後一個鏡頭。
　「呀～唔講以為要去旅行，仲要咁鬼早。」渡海疲倦地說。
　「你咁樣講講，我都好似好耐冇去過旅行。」我掛念旅遊地說。「有啲想去日本添！」
　「睇下我哋DSE完咗之後有冇呢個機會囉！」渡海說。
　「阿浠呢？」我問她。
　「吓～我都好耐冇去了！」
　「睇下遲啲有冇機會等你完咗DSE再去囉。」我說。
　「你哋兩個自己去？」渡海說笑。 
「唔係啦，痴線！」我無言回答他⋯「你係咪有病！」
　我跟阿浠現在又不是情侶，渡海為什麼整天都要這樣說呢。
　說得多都不好笑啦，真⋯真的非常無奈對着他。
　最好笑的是，我們談著談好像忘記了一位人類。
　橋哥一路都跟著我們的後面，就像角落生物一樣，存在感非常之低。
　「唉～融入下我哋。」我急向他說點話。
　「我就好耐冇去過啦。」橋哥說。
　「我哋遲啲睇吓約唔約到一齊去旅行囉？」渡海回答起，看來他真的十分想去旅行。
　說著說著，我們都到達了香港「國際」機場。
　我們就開始拍攝起來！
　「今日快快手手完成佢呀！」我鼓勵他們地說。
　「好呀！」他們幾位都同聲地說。
　剛好這一天機場的人數不算太多，拍起來我們都很方便。
　接下來我們就埋位開始了。
　劇情最後的部份，是阿浠和我的一段感情戲，所以對白都相當浪漫。
　「Ready…」
　「3⋯2⋯1」橋哥說。
　×××
　三時五十分⋯
　「唔該晒！多謝你司機！」我感激地說。
　「快啲去啦，仲講！」司機催促我快點走。
　我趕急沖入機場門口，為着只是可再見「她」最後一面。
　一股人群總是在我趕急的時候，擋在我的前方，遮蓋我的視線。
　「H區域⋯H區域⋯H區域！」我講覺得就快要流下眼淚了。
　點解呀！點解～要偏偏在這個時候，要在最遠的區域登記！
　三時五十五分⋯
　我用你快的跑過去H區域！我在人群中穿穿插插，左左右右地避開身邊的旅客。
　「她」究竟在哪裏呀？
　三時五十六分⋯
　人影！我看見到「她」的背影，手拖着行李正準備進入離港區域。
　我跑到一個我可觀察到「她」的範圍。
　「阿浠！！」我大聲說
　她走進落去的第一步，就往後退回來。
　這一刻我衝向前方抱緊她。
　我緊緊、緊緊地抱着她。
　「對唔住！好對唔住呀！」我流着淚說「我應該要早啲㗎！」
　「你知㗎？」
　「我係要改㗎，唔應該永遠都最後先做決定！」我懺悔地說，她都放下手上的行李，都緊緊地抱著我的腰部哭起來。
　「但⋯你總算嚟咗⋯」她說。
　現時我們兩位都只想抱着對方，什麼都不想說⋯
  「到時我返嚟香港，記得要早啲接我啊⋯」
×××
　「Cut！」橋哥誇張了十幾萬倍地說「嘩！正到拍電影咁呀！」
　「唔好咁誇張好無。」我口窒地說。
　「效果出到嚟正就得啦！」橋哥舉了一個Good的手勢給我。
　我望了望阿浠，看到她面上有些少紅，可能⋯是害羞吧？
　說真⋯其實⋯我都有點兒害羞。
　我們都只是朋友關係，做出如此的親密行為，確實是會尷尬起來的。
　「阿浠，今日唔錯呀。」我先跟她說話。
　「唔差啦，認真少少嘛！」她怕羞而沒看着我說話。
　「終於拍完啦！」渡海突然插話「可以緊張少樣嘢啦！」
　好彩他突然插了一句話，打破一下尷尬的氣氛。
　「仲有，條片我幫你剪埋呀！」橋哥舉起相機跟我說。
　「好呀，無問題。」
　一星期兩日的微電影拍攝，都終於完結了。
　我們的都離開香港國際機場紛紛回家去，但又在一次剩下我跟阿浠在一起。
　「辛苦晒，阿浠你啦！」我問她「又拍到七點八點幾，有時會唔會阻住你返屋企㗎？」
　「唔會啦！」阿浠回答「平時屋企人都得爸爸同我相處嘅。」
　「哦～」我都沒有想追問下去，因為聽起來⋯都不像是什麼好事情。「咁而家不如同你一齊晚飯啦？」
　「好呀！」她說「有人陪我食飯就最開心啦！」
　今餐我們走到了一間拉麵店食晚餐。
　「係呀，你記住星期五呀！」阿浠再次提醒我「約你七點喺黃金海岸呀等！」
　「一早記住咗啦！」我回答「記性好好㗎！」
　「記住呀，你遲到嘅話，我憎死你呀！」阿浠舉起筷子指着我說「唔好好似的士風鈴個男主角咁！」
　「咁～樣都抽到水！？」