真人真事改篇﹕師生戀﹕《最接近的陌生距離》: Miss Wong特別篇 序﹕我知你講緊大話……

 
「序」﹕我知你講緊大話……
00
 
「⋯⋯其實我好自私⋯⋯」
 
Miss Wong制止唔住愧疚，想將內心嘅說話、一直令佢刺痛嘅刺，一一都講畀謝子匡知。
 
然而，說話到佢嘴邊時，卻冇辦法再講落去。佢輕輕挨落謝子匡肩上，強忍住淚水。眼角嘅淚水已經將佢妝容化開，望上去嘅愁容就顯得更愁。
 




「邊係呢⋯⋯咁⋯⋯咁你有自己嘅路要行嘛。我⋯⋯我記得你講過，梓康細個成日被父母打⋯⋯」
 
「嗯⋯⋯」Miss Wong 個心好痛，因為佢知道，佢所愛嘅人正在忍痛講出呢番大話。
 
佢知道身邊呢個傻瓜喺愛情上永遠都會屈就自己、犧牲自己⋯⋯
 
「⋯⋯莫講話你父母呀。呢個世界都冇人識做父母嘅！大學都冇一科叫「家長」嘅degree讀添啦！哈哈⋯⋯啲人蠢又好叻又好，都係一開始唔識做家長架啦！所以⋯⋯盈盈，你唔只係為梓康架！仲係為咗好多好多唔識做人父母嘅家長！你邊係自私喎！」
 
「⋯⋯嗚⋯⋯」
 




「盈盈⋯⋯你做咩喊呀？」
 
「你⋯⋯你⋯⋯到而家仲扮咩大方喎？」
 
「⋯⋯我⋯⋯我冇呀⋯⋯。」
 
Miss Wong抬起頭，深深咁疑望住謝子匡。佢將哭聲收喺咽喉之間，發出令人心痛嘅飲泣聲。佢地彼此互望卻唔想講太多，只感到佢地彼此都有著講不出口嘅千言萬語。
 
佢有好多事都想同低B仔坦白，但係⋯⋯佢講咗，就一切都返唔到轉頭。
 




因為⋯⋯Miss Wong做咗一件令佢好內疚嘅事。佢輕輕抖動嘴巴，哽咽咁問：「⋯⋯你唔准呃我⋯⋯」
 
「嗯⋯⋯」
 
Miss Wong閉起雙眼，剔透嘅淚水一串又一串咁流落嚟，可憐咁問：「⋯⋯你真係捨得我走？」
 
謝子匡兩眼一怔，隔咗幾秒，笑住講：「嗯！你放心去追夢呀！」再緊緊地抱住佢，喺佢耳邊講：「⋯⋯唔洗擔心我⋯⋯我會聽話⋯⋯好好讀書⋯⋯我會追返上嚟架啦！」
 
此時，Miss Wong 喺佢耳邊輕聲講咗一聲——
 
「你講大話⋯⋯」
 
「對唔住⋯⋯盈盈⋯⋯」
 
Miss Wong緩緩閉眼，眼角啲淚水已將眼影化開，將美麗嘅妝容雲開⋯⋯




 
佢內心好痛咁講⋯⋯
 
「⋯⋯低B仔⋯⋯」
 
 
 
 
「其實⋯⋯」
 
「要講對唔住嘅人⋯⋯」
 
「係我⋯⋯」
 = = = = 





IG:ar_hong_91