中六個年 我鍾意左叫我起身個女仔: 運動會訓練(四)

休息咗一陣，大家都差唔多回曬氣。

「行啦。」佢直接跑咗出去。

「喂！」

我諗住叫停佢，因為我仲未回好氣，但係佢似冇聽到咁繼續跑，咁我都只能夠跟上去。

「快啲啦！」佢催咗下我。



唔知激將法係咪真係有用啲，原本我仲拐下拐下，但係比佢講完之後就好似即刻有返力咁，一嘢就追平咗佢。

「咁先啱架嘛。」佢用手拍咗一下我背脊。

我望住佢對奶，笑咗笑。

唔係，I mean聽到佢讚我，所以開心咁笑咗笑。

「你一間有咩做？」佢問。



「做咩？」我將視線鎖係正前方。

佢撞咗下我：「做咩唔望住人講嘢架？」

我屌，係咪癡線架，我就嚟姦咗你架喇。

「冇呀，條頸整親。」我作咗個狗都唔信嘅藉口。

「你唔好撚我啦！」佢一手擰咗我塊面過去：「一間有冇嘢做姐？」



我將眼珠碌到最上：「冇呀，應該都係返去打機。」

「陪我，冇得Say no。」佢放手。

「嗯。」我扤咗扤頭。

之後，我地就再冇講過野，直到我哋去到碼頭。

我係褲袋拎咗包煙出嚟：「介唔介意？」

佢望住我包煙：「唔介意，但可唔可以…教我食？」

我諗咗一陣：「女仔就唔好食煙啦。」

「哦。」佢扁嘴扮可憐。



我擰轉頭扮睇唔到，對住個海點煙。

我啱啱呼完第一啖煙，佢就突然伸手搶走咗我枝煙。

我擰轉頭諗住搶返，點知佢一嘢嘴咗落嚟。

成塊面都紅曬嘅佢褪返後，而我呆咗喺原地。

「我鍾意你。」

「邊有可能，我咁廢。」我擰轉頭望返住個海。

「講笑咋，快啲教我點食啦。」



我擰轉頭望住佢：「擺落嘴。」

佢照我講咁擺咗落嘴，之後就望住我。

「吸，然後將啖煙好似飲水咁吞落去。」

佢好似吞藥咁吞咗落去，幾秒之後就開始係咁咳。

我望住佢，就好似望住當初學食煙嘅我一樣，忍唔住笑咗出嚟。

「笑咩呀，啱啱學喺咁架啦！」佢伸咗伸脷。