中六個年 我鍾意左叫我起身個女仔: 運動會訓練(五)

我搶返枝煙：「下次再教你啦。」

佢嘟嘴：「好啦，咁我地返去啦。」

「你唔係要我陪你咩？」我將煙頭彈落海。

「係呀，不過要返咗去你屋企樓下先。」

「做咩呀，想同我打野戰？我樓下個公園出曬名露天砲房。」我用淫邪嘅眼神望住佢。



佢好輕力咁打落我手臂到：「死鹹濕仔，行啦！。」

講完，佢就拉住我隻手開始跑。

我揈開佢隻手，發力向前跑：「要我陪你，追到我先啦！」

聽到我咁講，佢舉咗個中指之後都開始發力。

我哋就咁我跑佢追，直到我哋返到我樓下間七仔。



我急停：「你輸撚咗啦！」

「咩姐，都無定終點係邊。」佢起腳諗住踢我下陰。

我扭腰避開：「你陰濕啊！」

「哼！你抖返順條氣先啦啊伯，我去買嘢唔理你。」

我行埋一邊點煙，慢慢抖返順條氣，真係唔停低都唔知咁攰。



過咗一陣，我食完煙，佢都買完嘢出返嚟。

佢拎住一枝Vodka、一枝大綠茶，同埋兩個杯行埋嚟。

「你要我陪你飲酒？」我望住枝Vodka：「呢隻好難飲架喎。」

「有綠茶溝啊。」佢舉起枝綠茶。

我嘆咗啖氣：「Vodka唔可以溝綠茶…」

空氣突然安靜，我哋望住對方，完全唔知講咩好。

「我唔理，你要陪我飲。」佢將枝綠茶隊埋我到。

我接住枝綠茶：「好啦，咁去邊飲啊？」



「聽講商埸天台冇鎖。」

「你想去嗰到飲？」

佢扤咗扤頭：「可唔可以架？」

「梗係得。」

講完，我就帶住佢行向商埸。

我哋沿住樓梯行到最上，之後就將啲擺曬喺天台門側邊。

喺我諗住推門嘅時候，佢拍咗拍我手臂：「鎖咗。」



我望向門把位，真係有把鎖係到，不過呢啲嘢從來唔會難到我。

我捉住把鎖，向住左邊一掌拍落去。

「咔」一聲之後，把鎖就跌咗落地下。

我拎返起枝綠茶：「行啦。」