萬金油與孺子牛（第二季連載中）: 霜刃飛影試心塵

Kerry猶豫了一會，又忽然走向Rachel，很霸氣地說：「我知你有能力有財力，但…我仲未折磨夠佢，邊個都唔可以帶走佢！」
Rachel笑了：「你同佢都幾大仇口喎…你仲想繼續折磨佢？佢而家已經咁嘅樣，林小姐，平時見你斯斯文文，估唔到你憎一個人起上嚟都幾狠喎……」她們之間那種對望真的讓人毛骨悚然，眼神銳利得像X光一樣穿透對方，那種火花真實得無法欺騙人。

「我認我係！所以呢？Rachel姐你平時長駐廣州，身邊能力強嘅人多的是。而家呢個失去能力嘅商界魔王，斷估應該唔會勾起你嘅興趣啩？」Kerry擺出平時最高冷的樣子。連我心底裏也發出一陣寒意。

Rachel似乎也被她的氣場震懾到一下，又顧了我一眼，又對Kerry說：「但係佢去到被廢武功前嘅一刻，都仲係想救你。你如果錯過咗呢個機會，你唔怕你會被影響？」

Kerry姐輕蔑一笑：「如果佢救到我，你覺得佢而家會唔會揸住支酒？咁冇用嘅男人，你唔係…仲想要呀嘛？」

Rachel笑了，是佩服的笑容：「林泳昕你講到咁，我都冇咩理由要接收佢…」她居然反過來曖昧地烘近Kerry：「我以前以為Michael係高手，我諗…一直以來我都睇漏咗啲野…」




Kerry姐吞了吞口水，Rachel鼻尖幾乎貼近她面頰：「林泳昕，你今日令我…大開眼界…」說完便走了，而Kerry被她撩得耳朵通紅。

Rachel一走，Kerry -秒也不猶豫便拉我到私家醫院急症室，敷傷口、打破傷風針。
雖然是去醫院洗傷口，但我依然酒不離身，心裏亦對剛才Kerry姐的坦護起了疑心。
「你頭先講得啱㗎，如果坐喺度嗰個係華哥，我都一樣會陪佢去醫院。所以唔該你，唔好諗多咗。」她似乎先一步洞察到我的問題，那只能夠說，我的懷疑是合理的，她似乎有事隱瞞我。

既然我沒有籌碼，那就製造一個，單憑Ben －個，根本切入不了這麼完美的局，他一定有其他幫手。既然我沒有什麼可以輸，這輪只能夠以身入局，假裝手上有籌碼，引發展商和紅海的人自爆。我間接發出訊號之後，果然引來紅海和發展商當年一起簽枱底合約的人來找我。

「孫總？」他們出來發現要挾他們的人是我，沒有很驚訝，反而一臉佩服。「我們之前就聽過你的大名，想不到孫總這麼厲害，早已經發現我們的證據。可是孫總，你來找我們也不過是籌碼換籌碼，你說吧，你想用什麼來交換？」
他們都很爽快，畢竟如果我是有充足證據，我大可以報上省級政府，不需要私下找他們解決。




「很簡單，你們只需要撕毁和我們公司的合約就可以。」這樣的話Kerry便可以全身而退，缺點是，這樣我會失去指證Ben的重要文件之一。

「唔好同佢做交易！」千算萬算，偏偏算不到Ben會來。「佢大你哋㗎！佢手上根本冇證據！」Ben走過去阻止他們。
「你都幾好嘢呀孫家弘！居然夠膽空手套白狼？」他一臉奸笑：「為咗救你條女，你都去得幾盡㗎喎…」

「係我大意，俾咗機會你乘虛而入，設咗一個咁靚嘅局。」我握緊拳頭。
「你今次確實係老貓燒鬚嘅～因為你冇計算到Donald就算知道係我做，佢都只會坐山觀虎鬥，唔會偏幫你或者我。對佢嚟講，贏家先有資格坐上你個位！」
「可惜啊～你本身想將我同Kerry一網打盡，但係佢死都唔俾我入局。」我故意挑起他的情緒。
「佢確實係一個比較固執嘅女人，呢一個計算實在係我失誤…」他直言：「但係唔緊要，因為你一定唔會睇住佢跌落陷阱坐視不理。既然我嘅目標係你，而家嘅籌碼已經夠我贏你。」
「你講，你要點先放過Kerry？」




「我鍾意你為咗你條女夠直接，我唔會趕盡殺絕，只要你主動辭職，所有有佢名嘅合約，我保證一份不漏全部俾晒你。」
「好，我應承你。但係我想你話我知，你點解要勾結紅海集團？」這個我從Rachel最新得來的消息，他似乎有點驚訝，我居然知道。

我一直以為他只是因為知道他們的枱底交易，便將計就計利用這個局引我們入氹。但幾小時前才知道，Ben是有份參與這份枱底交易，因為這樣做可以氹更多有興趣發展的公司簽約投資，然後發展商答應會將投資金38%分給他。原來前海這個計劃只是其中一個，他之前和這個發展商已經聯手在內地「氹」過很多公司「落答」投資。但因為他長期在港，但這些「商業詐騙」在內地發生，加上他們會不斷換公司借殼上市。內地公安苦無證據，但又和香港的商業罪案調查科沒有關係，這是妥妥的穩賺不賠的在走兩岸法律空隙。

「你係Donald朋友，喺公司做主管幾十萬一個月，仲有分紅。Ben 哥，點解仲要做啲犯法又冒險嘅嘢？」
如果不是因為這件事，我也不會知道原來Ben哥一直在內地做這些商業詐騙勾檔。