[中六續集][愛情][懸疑？]擁抱，失憶: 六.

聞言，我結舌得吐不出半個字來。

「你係咪想知點解決？」他問道。

我嚥下口水，猛然點頭。

他靠前身子向我招了招手，示意我靠近。

我靠前到耳朵都快要貼在他嘴巴上，就只等他開腔。



「其實。」他嘆了口氣：「我唔知。」

聞言，我差點就罵出四字真言，還好他及時指著牆上的罰錢警示，我這才把話嚥了回去。

害我還在期待，結果到頭來只是空歡喜一場。

「咁你叫我埋嚟做咩啫？」我語帶不滿。

「我講緊係喺醫學上。」



「咁即係有唔係醫學上嘅解決方法？」我問道。

「咁你想唔想聽先？」

「梗係想啦。」我雙眼發光。

「用心愛，仲有無名指。」

「你講緊啲咩啊？」我不明所以。



「自己諗下啦，呢啲講白咗你就唔識做，同埋我同你個Case都唔同。」

「喂，講…」

我想讓他多說一點，誰知他直接動身打開了門。

「仲有下個要睇啊。」

「你…」我還是不願放棄。

他打斷我：「走啦。」

我動身來到門前：「真係冇其他提示？」

他嘆了口氣：「真係怕咗你。」



「有啊？」

他折起白色長袍的手袖，露出右手手臂上的紋身，那圖案應該是一個海灘。

他指著紋身：「回憶，仲有佢會慢慢唔記得你哋近排做過咩，最後連你都唔記得。」

「所以我要快？」

「係，仲有喺你有把握之前唔好攬佢。」

「收到你。」我步出房間。

「唔得嘅話就分手啦。」



話畢，他關上房門。

我來到啊晴面前，專注地滑手機的她并沒有發現。

我凝視著她，心裡五味雜陳。

她會是我老婆，還是陌生人？

我不知道，也不想去想。

過了半晌，她終於抬起頭來。

「做咩搞掂都唔叫我嘅？」她問道。

「冇啊，你撳電話個樣好靚。」



「把口咁甜做咩啊，想走數啊？」她拉著我的衣角，可憐兮兮地看著我：「唔制啊，我要食日本嘢！」

我掐了掐她的臉蛋：「知喇，行啦。」