哇我有超能力呀!!但係點解得五秒咁撚少?!: chapter.11 踏腳石
響醫院走廊，eva保持呢個環抱後頸既擁吻。我計唔到維持左幾耐。
片刻之後，eva鬆手腳踏實地，垂頭凝視冷冷既地板。然後又再抬頭望住我，我同佢對望而無言。
對望良久，eva率先開口：「我...我唔知到底你講既係咩意思...只不過，如果世伯真係...咁既話，要諗既應該係黎緊點樣照顧世伯…」
一片靜謐。
彷彿可以聽見遠處大門閉合既聲音。
「好。」到我開口。
「嗯。」eva應道。
無聲勝有聲。
無飛花落葉，無杯酒塊肉，空氣中瀰漫淡淡藥水及消毒水既氣味，係醫院獨有既氣味。
我深吸一口氣：「eva你...你一陣咪要番6點既，係囉，番6點呀麻？呢度我...我ok架喇，咁...er…係囉。」
「哦...嗯...好。」eva深呼吸，「咁...我...走先喇。」
「嗯。」我望住eva轉身行左兩步，「喂喂楊樂華...一陣你十點收工...我過黎搵你。」
「好呀。」eva臉露一貫既咪咪笑。
eva走左之後，家姐黎到，佢問我點解一個人企響條走廊，我同家姐講左頭先床房發生咩事，同埋老豆咩事，當然...我無提到eva。
就咁，老豆下半身癱左已經係事實，將來醫唔醫得番唔知，但係呢一刻比較急切既係屋企開支問題，一路都係靠老豆為主阿媽輔助去搞份小生意，無左老豆阿媽一個人跟本handle唔到，只可以暫停，而果個隱閉青年既阿哥無工番無收入，只係靠家姐既萬八蚊同我一萬鬆d既收入係唔夠家庭開支既，供完樓交完水電煤連飯都無得開，雖然保險果邊claim左一筆錢，但係我計過如果無額外收入我地屋企半年之內會全家仆街。
家姐係就係有個美國讀書時識既有錢男朋友，但係未結婚點樣問人地借錢周轉，響家姐爭d忍唔住，決定想開口問個男朋友借錢果陣，我阻止住家姐，我同佢講我有計。
但係會考中英唔合格，又無專業資格，得三年工作經驗搵得d乜野高薪職位？
我唔係偷唔係搶唔係呃，我選擇左向現實低頭，拎起電話，對準『connie lam』呢個電話號碼，禁左綠色既撥打制。 而connie好似預知我會搵佢咁，好爽快就答覆約出黎見面。
「放心啦老豆，我同你果餐lunch仲有得食...絕對唔係呢碗粥。」
老豆醒左幾日仍然訓院，我搵左一日去醫院餵老豆食粥，我響度諗，呢鋪真係食粥食飯都靠我。
我同connie約左出黎見面，我垂頭喪氣同connie講：「請比我用我既能力配合你既拍攝工作...」
connie見到我咁，只係叫我做住佢助手，講到人工果度，佢開左個係我賣左碌撚都無咁多既價。
而做佢助手亦都好簡單，只係每個月裡面可能有一半日子要空出黎同佢飛去世界唔同地方，隨時oncall，而我唔需要乜野攝影知識，有鋪力做咕喱跟出跟入就ok。
咁樣代表左乜？代表我原本份工一係要辭職，一係轉part time。
但係我好唔捨得呢度，對左個地方三年，對左大家三年，我選擇轉part time。
「下，呀仔，你認真？」
「係呀，堅呀。」
「做咩咁突然？」
「我老豆撞車你知啦...成屋企人...其實就一句講哂，唔夠錢洗。」
「你咁快搵到工？」
「係呀...算係出路遇貴人咁啦。」
「咁丫...唉，如果你問我，我梗係同你講我點會想你走，你咁幫得我手，我直情當你係我半粒仔，不過講番句人話啦，如果你已經搵到份更好offer既工，咁我都讚成你去馬既。」
「......」聽講其它鋪頭好多仆街經理，一聽到自己隻fit馬話要走，用盡威迫利誘而且反埋面先肯放人，見到阿mark咁爽快，我真係覺得識到阿mark呢個咁好既經理係三生有幸。
「喂阿mark…」
「做咩？」
「攬下先啦...」 我張開雙手想攬住我老細。
「屌，男人老狗唔好咁撚核突。」 阿mark笑住講，「得啦，其它野等我搞啦，不過而家月尾我無法幫你咁快轉到，做埋十二月先啊。」
「嗯，我明，咁...阿mark我出番去做野先。」
「喂仲有，有人幫你五號請左假，六號係我私人送比你既，更表自己一陣睇啦。」
「下？五號？」
「係呀，自己執生喇。」老頂呢個時侯笑得好撚奸。
出左staff room，我呷手叫三仔過黎講我黎緊既事。
「噢，咁即係我地要打番格仔。」tony最快開口。
「乜撚野打格仔？」組長接道。
「四仔變三仔，咪打番格仔囉。」阿康解釋。
「喔。」組長一副似明實不明既表情，「喂阿ming你果份工咁撚筍既？喂屌介紹埋我地去做啦。」
「係囉，你唔係唔益我地下麻。」阿康附和。
「我...你地唔明架喇。」點樣同佢地講其實我係有超能力先比connie選中？
「你就好啦，有得同個女波士周圍飛，我旅行淨係上過廣州咋。」組長開口。
「屌，係人都知你成日北上啦，叫雞丫麻。」我地三個一齊講。
「係呢，你個波士幾大？喂死囉，會唔會係暗瘡大肥婆買起左阿ming拎去日夜調教架？」
「係囉，我波士幾歲呢？我唔知佢幾歲呀，不過睇落好後生，好靚女，我諗唔過三十啦。」
「哇咁咪可以日夜玩中出十六連發野外露出禁室培慾既環球表演？」
「tony，我有句真心話想同你講好耐架喇。」
「係咩？」
「屌你。」