哇我有超能力呀!!但係點解得五秒咁撚少?!: chapter.14 爆房
我地去左香格理拉酒店check in先，connie淨係book左一間雙人房，即係話呢幾日都係同側邊呢個大美人同房，應該唔會發生咩事掛？
我用緊我d騎呢普通話同counter條友嘗試溝通果時，我發現周圍既目光都好似時不時會睄過黎connie身上，然後又睄下我。
今日connie著到咁樣成身便服已經吸引緊人d目光，如果佢著得好d，好似果次café咁，再同我呢身299cheap牛加99蚊tee加jack purcell鞋平民裝一比，死喇我會唔會比人睇做係比人包既小白臉？
上房放低左d行李，connie響佢兩個大黑袋度執左一陣，然後將一個執好既袋交比我，我一拎，佢執完之後同上機前個袋一比，輕左唔少喎。
「帶咁少夠喇咩？」
「我淨係有七支鏡會長帶，其它好多都睇心情先用。」
就咁一句睇心情，其它重到仆街而且辛苦拎到過黎上海既野係唔帶既...我記得好似有人同我講過每個藝術家都會有些少古怪脾氣，connie呢種唔知算唔算呢？
我地無坐車就咁響上海市度遊，頭先響機場既感覺到而家好似仲強烈左，上海既空氣唔同香港，雖然周圍高樓大廈五光十色既繁榮鬧市景象，比香港有過之而無不及，但係我每啖呼吸都有d唔自然，可能係上海既車密度比香港仲高掛，我硬係覺得空氣有d濁。
一路行到某條比較偏既巷，我地見到有個乞兒響路邊，connie響佢個單孭袋度um左張廿蚊人民幣親手交比個乞兒，然後同個乞兒笑一笑之後行開。
「呀，係喇，阿ming等我一陣。」行左兩步connie突然停低，我見到佢回頭離遠影個乞兒，不過個乞兒並唔知道。
「如果個乞兒知道比人影一張就可以收廿蚊唔知會有咩反應呢？」
「唔知呢，不過我比錢佢亦都唔係為左影佢。」
「嗯？即係？」我一時唔太明connie想表達d乜。
「比錢佢純粹出於我想幫人既心態，影佢係我突然想影先影。」
「哦...」我知道connie想清楚表達兩件事無關係，「如果我既話，我就唔會比錢個乞兒喇，唔係我黑心，只係我聽好多騙黨既傳聞，尤其大陸。」
「騙黨...咁我又無乜點聽，我只係見到乞兒果下，我就知道佢一定需要我既幫助，所以我就幫。」
「哦...」我又諗緊另一d野，「咁...connie，你介唔介意我問一個好刻薄既問題？」
「你問啦。」
「其實比錢乞兒呢個動作，會唔會係因為你良心責備？你只不過係對良心既罪疚感而贖罪？」
「um…估唔到你諗野都幾複雜喎，我無諗過咁深入，只係我知道要幫，就要幫，就好似我影相咁，同樣係靠直覺拍攝。」
聽到connie咁講，可以肯定佢係個爽直既人。
我自己就會同自己講，你比錢乞兒係為左比周圍既人覺得你好好人？定係到底係你自己受唔到良心責備先至丟個一蚊銀比個乞兒？
「我就會選擇捐d錢比老人院之類直接用響行政既前線機構。」我盡量用輕鬆既語氣去繼續講呢個突然咁沉重既話題。
「雖然我有d當你係我細佬，不過你同我細佬既諗野方式就唔似喇。」connie笑笑口同我講，「好啦，阿ming，望下對面。」
我地企響中山東二路同人民路交界既古城公園，望向隔住條黃埔江既上海環球金融中心，我一望心諗，呢幢野好撚高...
「如果計埋未起好既，呢棟就係全世界第五高既建築，有成492米高，阿ming你見點？」connie轉身望向我，指一指佢身後果棟中心。
「...」我抬高頭望住呢棟野，真係諗唔到講乜。
「好啦，阿ming，幫我拎三號鏡比我。」佢見到我好似大鄉里出城咁mak大個口得個窿，都唔問我咩感想喇。
我吽左一陣先識比反應，「邊支係三號鏡？」 我痞低響connie叫我拎果個大黑袋度摷。
「每支鏡都額外有個袋裝住，個袋有繡左數字響度。」
我好快就搵到，呢支connie叫三號鏡只係一支10cm左右既加長鏡，有咩作用？我識hi咩。
Connie舉起相機對準棟金融中心望左好耐先至影左一幅，佢戴住cap帽單起眼個樣多左一分跳脫既感覺，同響之前café見到connie既高貴氣質唔同。
佢影完一張之後就拎住部相機睇左好耐，之後先拎起支鏡，響支鏡既鏡身用手指篤左兩野，然後又抬機瞄準坐金融中心，又影一張。
響佢影完之後，我是但問左句：「我見你都係影同一樣野，影兩張，只係分別在另一張係篤左兩下支加長鏡再影，有咩分別？」
「呢支三號鏡我用左五年，支鏡老化得好特別，如果我咁樣篤一篤佢，會有好特別既聚焦效果。」佢遞左部相機比我睇。「你睇下。」
「完全睇唔明。」我越望越r頭。
我都係做番個咕喱既角色，攝影呢d咁高深既學問我諗我一世都學唔成。
之後仍然係響上海市陪connie周圍行睇下佢會唔會有興趣影兩野，不過由金融中心之後就佢就無再拎起部機。
番到酒店食左個晚飯，上到房就...哇...
以下內容用文字係好難描寫出，一個廿一歲既青頭仔，我，望見咁既畫面，呢種官能刺激係何等既誇張，你唔係我，你無親眼望過，真係好激。
但係我嘗試描寫下。
話說我地番到房已經九點，房入面有兩張單人床，connie已經要左近窗果張，我就好自然訓近門口果張。
Connie入到房執一執番佢d器材，就拎左d衫入去沖涼，而我就開著部電視黎睇。
大陸既電視台好悶，我睇左三分鐘已經轉番去cctvb，佢幾差都好，至少都係由細睇到大，響呢個未訓既時侯都係一個好選擇。
我睇緊套古裝劇，呢d古裝劇咪岩番無線拍既戲路囉，屌之前林峰果套廢到，又要左抄抄右抄抄又要做唔番個味道出黎，我考慮過好唔好搵民建聯幫我爭取，睇林峰套廢劇無左既青春光陰。
套古裝劇做完果時，connie沖完涼，佢響角位行出黎擋住我視線果下，我將我既視線移上connie身上，唔望由自可，一望扯哂火，咩火？睇落去你咪知咩火。
Connie上身著住一件透透地，起少少毛粒既絲質睡衣，件衫既下擺只係僅僅擋住佢個秘密三角地帶，一對白滑長腿展露響我眼前，佢行去佢張床果陣果種婀娜多姿既步伐，我仲響佢側面好似睇到佢件睡衣入面無戴bra…一對坐b望c既雙乳自然垂下，連粒lin都若隱若現，加上佢頭髮仲有少少濕未吹乾，直情出水芙蓉響我眼前，我對眼已經不能自拔。
我既視線跟實connie身上直到佢坐左響我右邊果張床度，為免比佢見到我睇到眼甘甘會尷尬，我監生將個頭左扭180度，迫自己對眼望住度牆。
「舒服哂，到你沖喇...喂喂？」connie望住我睥實我張床左面道牆。
「hello？」connie既聲音慢慢接近。
「hehe…我篤。」我條腰兩邊突然被用力篤左一下，我係怕唧果d人，咁樣篤一野，我成個人彈起。
「哇！」我彈到出床，響床邊企定，正諗住轉身講：「搞咩－」
Connie好似隻貓咁四肢撐住響我張床度，同我講：「度牆有咩好睇？」
呢一刻佢問我d乜我都聽唔入耳，佢咁樣貓爬響張床度，件衫同對奶垂低形成入面既空隙，好似黑洞咁吸實左我既視線同我全副精神，我feel到我已經起哂鋼，我舊棉花瞬間變左青瓜，好彩我條底同條牛真材實料夠硬料，外面睇唔到異樣。
「哈哈哈－」connie突然笑起上黎，「你同好多年前我細佬個反應一模一樣。」佢坐番正望住我定形，見唔到胸前黑洞，但係件絲質睡衣仍然透出春色無邊。
「...」 我仍然比唔到反應。
「啪。」 connie啪左一下手指，「呢次到你定格喇。」佢笑笑口咁講。
「...」
「哈哈，唔好怪我，我慣左沖完涼就咁著住訓覺，好多年前我細佬終於開始講野果陣，佢見到我咁個反應同你一模一樣。」connie就咁坐響我張床度繼續講。
「...」
「好啦，你快d沖涼啦，沖完出黎你應該見到我訓著左架喇。」connie爬番去自己張床，「我信得過你小deedee，我知你唔會亂黎，唔係我就打小報告比楊小姐知，hehe。」佢坐響自己張床度，講完就竇高張被準備訓覺。
「啪！」呢次係我自己啪手指，響呢一刻只屬於我既黃金五秒，我用盡力深呼吸比自己冷靜。
五秒時間我唔敢浪費半分，不停深呼吸。
然後擒擒青拎衫入去沖涼。
呼...嗄...呼...嗄...呼...嗄...有個會裸睡既美女波士同房訓覺，會唔會刺激得濟？
我沖緊涼果陣，我個心情，同我舊青瓜一齊平伏番，青瓜都變番棉花。
我諗起，點解connie會知我同eva既野？雖然我老豆入廠eva咁緊張都算有跡可尋...但係呢個姐姐查得出我電話同我地址，佢會唔會直情係搵過人跟蹤我？係咪遠離呢位小姐好d？但係而家我屋企咁既情況...騎虎難下喇...
我沖完涼出去果陣見到connie真係訓著左，成個身都比被蓋住，再無野睇。
我自然都吹下個頭整呢整路之後，安安穩穩咁一覺訓到大天光。