沙田帝都酒店外。

「d野食好似麻麻地...係咪?」我問eva。

「嗯...」

「嗯...」

我諗唔到講乜,就咁同eva靜靜行到去新城市車站陪佢搭車番樂富。





行到佢樓下,eva開口:「你想唔想講connie姐姐果邊既事?」

「我...」其實我由頭先響帝都食自助餐已經想搵機會講,只不過我唔知點開口。

「...」

「...」

「我唔知由邊度開始講起...」





「...」eva輕咬下唇,「connie姐姐係咪會...係咪會死?」

我諗當日政總門外,耳朵靈敏既eva自然聽到彼得講左咩。

「...」

「而且你無即刻同我講,點...」eva無將點解個解字講出口,只係移開視線。

「...我...」





「...」

「阿ming你唔好咁...唔好...我唔想...我好驚...」eva將頭靠響我身上。

我明白eva唔想同驚既意思...佢怕佢會因為某些事情而不得不放開我離開我,承受住無比痛苦而離開我,呢個就係eva楊樂華...

「我...好...我會講...」

呢幾日同eva都只係透過手機簡單傳幾個訊息,呢一刻終於有時間比我好好地同eva講。

「connie─」我一口氣講哂connie既命運,阿康既事,阿星同彼得,白色藥丸既後果,仲有我響醫院對connie既事...我同connie擁抱...親吻...但係我唔敢講我衝動到想對connie做比親吻更越軌既行為...我唔敢講...

eva聽完我既一番說話,開始眼泛淚光。

「會有好多好多人...好多人因為呢件事而死...」eva開始槌打我心口。





「點解...點解...」

係咪因為對於生活同夢想係成為護士救助人命,eva面對過瀕死既人經過一番努力先救得番既情景,佢只係一個咁既二十歲女仔,所以知道有好多人因為一件事無辜賠上性命而悲傷?

「點解...我...阿ming...我唔想因為你對connie既行為而嬲你...但係...但係...」

但係…但係…

「你要我...阿ming...你要我點面對...點面對你...我只係好平凡既女仔,我既生活...讀書...返工...完全填滿左我既時間,但係我一直好努力好努力去將你既事都加入自己...加入自己...我將你既事同時當成我既事...我努力嘗試去明白你...明白你好複雜既諗法...我努力接受你係好多...好多不平凡事既人...」

我感覺到eva心入面某種東西,開始慢慢融失。

「我唔敢埋怨你唔會主動關心我所有事...我好小心咁唔比任何令我地鬧交既可能性發生...我唔想再見到你當日響醫院既樣...」





我將eva擁入懷中。

「唔好...」eva推開我,「唔好...」

「唔好...」

我呆呆望住eva,一股強大既失落感湧上胸口。

「唔好...我好唔想...我好驚...」

「我...」我陳達銘響呢一刻,腦中一片空白。

eva原地掩臉痛哭起黎,哭聲在慢慢...慢慢擴張。

我仍然腦袋一片空白,手足無措。





「無事丫麻?」eva樓下看更探頭出黎望住我地。

我以手勢向看更表示ok無事。

我望到自己既右手,靈機一動。

「啪。」

我移開eva既雙手,輕抬佢臉頰,吻了下去。

我期望重施故技有用。

eva再一次推開我,呢次更加用力。





我徹底愣住了。

「唔好再咁...」eva甩開我伸上前既手。

佢轉頭行入佢既大廈...佢既屋企。