【已完結】【廣東話】《魔都姬神：退魔巫女千夜》（走甜健全作死日更小說企劃）: 其之四

其之四



「準備好就立即出發，盡可能救出所有生還者，有無咩唔明白需要確認嘅？」

「話說…」千夜整理一下條超短迷你裙之後話:「公發巫女服竟然有我尺碼嘅？」

「…比起呢樣，妳話偽裝成學生所以無著巫女服可以理解，但點解只帶得一把護身短刀在身…」





「正如頭先你響電話所講，就對手太弱呀嘛…其實就算徒手用格鬥技都已經足夠應付有餘。」

「標準尺寸斬魔刀我呢度得返好少庫存，妳可以揀幾把就手嘅拎去用。」

千夜聽到黑服咁講好順手咁打開車廂外的暗格，就好似好熟悉唔係第一次咁樣。

「兩尺三寸五分數打無銘…公家制式備品還可以啦……」

與此同時，現場指揮官終於到咗忍耐極限發起火嚟：「黑服你究竟算咩意思？呢條𡃁妹就係你所謂嘅增援？！」





不過黑服就算了，就連千夜都唔係好在意，苦笑一下就話：「指揮官閣下麻煩你稍等一下，小妹會盡快解決件事！」

然後，只見佢蹤身一躍竟然跳到兩三層樓高度，唔駛兩秒已經去到幾百公尺過外，邊跑邊跳咁消失響視線範圍。
當指揮官從震驚中恢復返過嚟第一件事就係入去裝甲指揮車，試圖由監控畫面掌握返究竟「現在」發生緊嘅究竟係咩一回事。

無理會當值監控人員的敬禮，指揮官逐一檢視監控畫面同司令管制台上顯示現場實時回傳的各種數據。

原來千夜響呢段時間，已經抵達幾公里外嘅墜機現場。

被安排用於封鎖現場嘅鎮暴隊，眼見同袍墜機，本來已心急如焚，當第二架想著陸救援，




本來用於提供空中火力平台嘅空艇被重創迫降之後，更加係幾乎想抗命衝去現場，所以當聽到指揮官好唔理性咁表示，
連「外圍警戒部隊都投入」果刻，幾乎係湧埋去一樣，奈何蹤有數量優勢，面對眼前非人目標，只有手槍同散彈槍火力，
根本毫無作用，反之身上的防刺耐彈裝備與長盾就好似紙一樣被利爪輕易撕開，想救人反而造成更多需要被救的傷者。

畢竟，警校只教過點樣對付罪犯，從來無預計過面對三公尺高有蝙蝠翼與尖牙利齒的怪物。

非人之物，淫蟲，妖獸，姦魔，邪靈，惡鬼…一般統稱為妖魔，一直存在但不為大眾所知，
自古以來人類文明社會就係咁樣由退魔師響暗地裡處理一個又一個危機。

［次回待續］