【愛情】【靈異】我啊媽係遊魂野鬼: 第二回 眼睛睜開你最掛念誰

自從知道啊媽唔係人之後，我成晚都訓得唔好，諗緊啊爸係咪一早就知道啊媽唔係人，咁如果一早就知，啊爸唔覺得好恐佈咩，仲要住係同一屋簷下，點解佢地唔將真相同我講，好多好多問號係我個腦到，我唔知點處理同唔知點面對啊媽。

我成晚冇訓，臨近天光我突然有尿意，攝手攝腳唔想嘈醒屋企人咁去廁所，經過啊爸啊媽房門戈陣，我居然係門鏠見到啊媽趴左係啊爸身上，啊媽劈大對眼望住啊爸訓教個樣，戈個眼神係死死盯住訓緊教嘅啊爸，我怕被啊媽發現我係到偷窺，我屏住呼吸手心漸漸冒汗，呢個時候啊媽突然嘴角揚起微笑係啊爸耳邊話：「你每朝訓醒第一個諗起嘅人係邊個啊？」然後一直發出笑聲。

我實在唔敢偷窺落去，太詭異啦，平時一直都冇發覺啊媽有咩唔妥，我慌張地去左廁所，閂埋廁所門，我突然聽到啊爸同以往每朝一樣發出「啊！！」一聲，然後就醒左。

我好似明白左啲嘢。。。。。。

明白左點解啊爸每朝都會驚醒，原來唔係惡夢，係啊媽，係啊媽每朝係啊爸醒之前，係啊爸睜開眼之前，都會劈大對眼望住啊爸，嘴角揚起發出詭異的笑聲邊笑邊問啊爸：「你每朝訓醒第一個諗起嘅人係邊個啊？」



係我個腦高速運轉之際，啊爸敲廁所門問：「得未啊，咁耐嘅，急尿啊。」
我心神未定慢左半拍咁答：「哦，得啦。」

番到房間，我回想起啊爸係三年前先開始會驚醒，點解會係三年前開始呢？到底三年前發生咩事？
仔細回想，啊爸呢幾年精神的確憔悴不少，雖然依然健壯，但都係多得職業訓練，我諗多得啊爸自身性格樂觀先支持到今日。

「佳懿，出嚟食早餐啦，今日特登榨左鮮橙汁比你啊。」啊媽一如既往用溫柔嘅聲線講。
我扮到同平時一樣，若無其事咁一家三口一齊食早餐，但比平時多左留意啊媽，我同啊媽一樣中意飲鮮橙汁，但點解啊媽杯橙汁飲極都係咁多，飲極都仲有，啊，我又記起啊媽唔係人，咁都合理，鬼點飲曬杯橙汁，我扮到若無其事咁移開眼神，剩係笑住咁同啊媽講：「肥師奶，你榨啲橙汁好正，i like it」

其實我啊媽唔肥，但我跟啊爸叫佢肥師奶，我地一直都係咁叫，我覺得好親切，我真係好愛我啊媽。。。。。。


但係點解我啊媽會係鬼，姐係我啊媽已經死左？明明肥師奶每日都係到，咁會唔會突然間有日肥師奶就消失左。
我不禁諗好多關於呢一切。