【愛情】【靈異】我啊媽係遊魂野鬼: 第三回 今夜不回家（上）

「今晚會去朋友屋企同一班舊同學聚會，可能會玩到聽朝，唔洗擔心。」啊爸留低左一張字條係飯枱。

凌晨四點，我仍在電腦枱前上網，對年輕人嚟講捱夜爭取me time係好平常嘅事，何況聽日放假。

突然我好似聽到電腦枱嘅櫃桶傳嚟一下震動，我打開櫃桶，原來係啊爸部手機，
呢部手機係上年父親節我送比啊爸嘅父親節禮物，
啊爸當時仲嫌我嘥錢，話本身用緊戈部都未壞，做乜嘥錢買新，話疫情搵錢艱難，叫我應該草下錢，
唔緊要啦，父親節一年一次，啊爸開心就得啦。

我見到手機上顯示一則來自IG嘅訊息，


估唔到啊爸都有用IG，
手多多想撞下手機密碼，我輸入1226，oh yes!一次就中左，
1226係我生日，可能啊爸想紀念部機係我送嘅，所以用左我生日做密碼。

我唔敢已讀訊息，我怕啊爸發現，
所以我解鎖之後，只係推送通知到睇到訊息嘅一部分，
內容係「啱啱好舒服，我哋下次仲會唔會見？今晚間酒店⋯」，
之後嘅內容我就睇唔到了，係一名IG用戶名為Heidi嘅人send嚟嘅訊息。

咁啱得咁橋，啊爸係呢個時候就番到屋企，我即刻將手機放回原位，當咩事都冇發生。


啊媽聽到啊爸番到屋企，係梳化緩緩起身，「你番黎啦，今晚咁夜嘅。」
啊爸一臉疲累咁回應：「嗯，係啊，同班同學玩夜左。」
啊媽聽完笑住咁講：「啱啱好舒服，我哋下次仲會唔會見？」
啊爸一臉錯愕：「你講咩啊，九唔搭八嘅？」
啊媽擺了擺手臂，表示冇嘢，「自己可能太攰，今晚等太夜啦，我哋早啲訓啦。」

我沉思着點解啊媽會知道Heidi講過咩，
然後又點解知道啊爸出軌但係咁冷靜，連一啲吵鬧都冇，依然一如既往咁溫柔。

我訓係床上面諗，


啲鬼其實係咪無所不知㗎呢，
唉，最近訊息量太大啦，太多我諗唔明嘅野，加上我今日真係好攰，
諗諗下我就不知不覺訓著左。