那年夏天，親妹的眼睛鮮紅色: #Scene 08

Day 3
 
我跟巽榣在樹上，渡過了我在佛滅鄉裡最悠閒的下午。
然而，夢總歸要醒來。
就在我們聊得正歡的時候，樹下突然傳來了人聲。
 
「好期待呀！等咗咁多年，終於等到阿葵小姐成年，嘿嘿嘿……」
男生說話的語氣不懷好意，我不由自主地向下探望，只見三個男生正走過來。他們身上都背著竹籃，似乎正要摘荔枝。
 
巽榣拉拉我︰


「阿迅仔，咩事？」
我連忙示意她安靜，壓低聲音說︰
「我想聽下佢地講阿葵D咩……」
巽榣點頭閉口，我則集中精神聽那三人說話。
 
只聽一個年約二十五歲、高個子的男生答道︰
「係囉！真係等咗好耐啦，天等房嘅女人呀！嘩，真係諗起都正！」
一個胖子接著說︰
「你就正啦！早我幾年出世，可以趕得上棋姨個期！就算而家過咗成十年，佢依然無得彈！果對奶真係呢……嘿嘿嘿。」
我認得他的聲音，他就是一開始說期待阿葵成年的人。


男人對又靚又身份高貴嘅女人有幻想好正常，但係，咁露骨嘅淫賤，加埋「可以趕得上棋姨個期」呢句說話，令我有一種好突兀嘅感覺。
 
那高個子乾笑了兩聲︰
「唔使咁妒忌，葵小姐之後仲有茹小姐同莜小姐，你全部都有機會呀！」
胖子舔舔嘴唇，一邊說，雙手還一邊在空氣中亂抓︰
「都係嘅，可能佢地再大個D，對奶都會有桃姨、棋姨咁正，嘿嘿嘿……」
屌！仆佢個街！
聽佢地咁講法，唔通呢度D男人唔理好醜都可以娶到天等房嘅女？
唔撚係呀！如果我個妹要屈住嫁俾呢兩條佬是但一條，我真係殺人架！
 


正義憤填膺，胖子突然說了一句話吸引到我的注意︰
「可惜呀！艾小姐果時不知幾正，對奶又完全得盡桃姨真傳，我日望夜望，望佢成年，點知……一日最衰都係果件仆街！如果唔係佢，我就已經得米好耐啦！果件仆街，死一萬次都唔夠！」
艾小姐！呢個名我有印象……
係咪即係尋晚阿妹提到嘅艾姐？
 
「係囉！艾小姐真係太傻！都唔知咩事咁諗唔開……」
說著，高個子突然拍了拍那從未開口的第三人︰
「喂！講緊你阿姐呀！到底點解要咁樣做？」
那第三人愣了愣，才懦懦地說︰
「我點會知……我又唔係天等房住……」
 
我聽見那第三人的聲音，如遭雷殛。
雖然呢個角度睇唔清楚個樣，但佢把聲我今朝先聽過，絕對唔會認錯！
果個第三人，係阿葵個大哥，桃姨個仔，阿英！
咁即係話，所謂嘅艾姐，係阿英嘅家姐，亦即係阿葵嘅家姐，阿茹嘅表姐！


呢條仆街仔呀！聽到兩條佬咁撚樣意淫自己阿媽家姐細妹都無慟於衷，係唔係男人嚟架！
 
我按捺住怒氣，只聽那胖子又流著口水說︰
「阿英，你就正喇！你係唯一一個直系，今次葵小姐成年，你肯定打頭炮！哇，唔係！計真D，連茹小姐同莜小姐都係你先喎！唉，出身好真係唔同D！」
我越聽越唔對路。
打頭炮？打咩撚嘢頭炮呀！
又關我阿妹同小莜咩事呀！
 
那邊廂，阿英卻在不好意思地推辭︰
「其實……都差唔多啫……大家一人一日，個個都機會均等……」
胖子激動地打斷他的話︰
「梗係唔係啦，幾時都係開齋著數D架！就算唔計味道，排隊計都排多幾次喇！」
高個子連忙勸說︰
「唔好咁講。呢D嘢，都係睇你夠唔夠強勁嘅啫！開唔開齋係次要，重要嘅係能唔能夠中寶。大家輪住上，大家都係咁樣做。或者你一擊即中，可以幫葵小姐生個女呢……」
我的腦中嗡的一聲炸了開來。


呢班仆街，要輪住上阿葵？
我再也無法忍耐，甩開巽榣的手就往下爬。
 
從樹上躍到地面的那一瞬，那三個人一臉意外的表情。
他們大概猜不到，這樹上還有人吧。
我不理會那高個子和胖子，對著阿英喊︰
「巽英！你同我過嚟！」
他走前兩步，堆起柔和的笑容︰
「阿迅哥，你好啊……」
「你條仆街仔，你係唔係人嚟架！阿葵係你親生細妹嚟架！你要對佢做D咩？」
「我……？我要對佢做咩……？」
 
看到他那跟巽葵極其相似的靦腆臉容，我怒火攻心，拉住他的衣領就給他鼻子送上一拳︰
「仆街！係亂倫呀！你知唔知道咩撚嘢叫亂倫呀？吓！」
「……亂……唔係咁樣架！」


他俊美的臉氣得通紅，用力地把我推開。
本來還以為他身型纖弱，但山村野人畢竟是山村野人，我竟然被他推得後退兩步。
此時，高個子和胖子也已經衝過來，一左一右抓住我。
 
「你個狗雜種，憑咩嘢批評我地！」
「雜種仔！你妒忌呀？嘿嘿，慳D呀！無你份呀！你真係以為自己係天等個仔？呸！你不過係個雜種咋！」
「……死仆街！殺咗你地！！」
「嘿！咁囂張？等住同個騙子一齊掛係村口喇！」
兩人一邊說一邊動手，我也不甘示願，在拳來腳往之間，不知不覺就扭打成一團。
但畢竟雙拳難敵四手，即使我已拼盡全力，還是漸漸落於下風，臉上身上紛紛中招。
 
「唔好打……阿芹哥、阿茂哥、阿迅哥……都係一場誤會，你地唔好打啦……」
巽英幾次想拉開我們都不成功，只能像個女人型似地在外邊勸交。
屌！呢條仆街仔，我真係越嚟越睇佢唔順眼！係咪男人嚟架！？
真係唔教訓佢都唔得！


 
我回身一腳踢掉胖子的手，再彎腰閃過飛撲過來的高個子，一把抓住巽英肩膀正要送他幾記膝撞時，身後突然傳來男人的悶哼。
「唔！」
「啊！」
為防後方有情況，我連忙回頭，只見胖子和高個子都捂住後腦，而巽榣則在他們身後，像個女戰神似地叉腰站立。
 
阿英連忙低頭叫榣姨，巽榣還是開口就罵︰
「明明只係一場誤會，你地不識得用口去講清楚啦？打咩嘢架？」
「係……對唔住……」
「今次件事，我不上報俾天等房知。但係，千祈不要俾我見到有下次啦——！」
三個男人連連稱是，然後轉身就逃去無蹤。
 
「喂！咪走呀！我仲未打夠你地班仆街——」
正要追上去，巽榣卻一把拉住我，拿出手帕要幫我擦掉嘴角的血。
我不忿氣地甩開她的手︰
「你唔好理我！我仲要教訓果班仆街！」
 
巽榣抓住我的肩膀，神情悲傷地望著我︰
「阿迅仔，我知道你一時可能無法接受……但係，呢個不係佢地嘅問題……我地佛滅鄉就係咁……為咗佛滅鄉嘅安寧，為咗令到天等輪迴交接順利……」
我皺皺眉︰
「等等，你講咩呀？天等輪迴係咩鬼嘢？」
 
「阿迅仔你有無留意過，天等係點樣繼承？」
「咪係果個咩……聖物？但聖物到底係咩？」
「聖物係咩不係問題所在啦——問題係，佛滅鄉嘅聖物，要守護全村……天等係繼承聖物嘅人，亦係全村人共同嘅守護神……」
「你唔好再轉彎抹角啦！直接D講！聖物同亂倫有咩關係？」
 
巽榣避開我的眼神，聲細如蚊︰
「不係亂倫啦——只係……神聖嘅儀式……」
我後腦一涼，彷彿被冰水澆了︰
「咩撚嘢神聖儀式呀仆街！……我唔係話你，阿榣，我係話，呢個儀式真係仆街！因為守護全村就要俾全村人搞？係咪痴撚咗線呀你地！」
她彷彿自己知道理虧，把頭垂得更低︰
「只係一次……一次架咋……只係為咗令守護全村嘅聖物可以傳承俾下一代，可以繼續守住我地村安寧……」
 
「你講得咁口響，其實同俾全村輪一次再因姦成孕有咩分別先？無呀嘛！要生下一代嘅，求其結個婚咪得囉！點解要咁樣對一個女仔呀！」
「呢個係祖先嘅規定……因為我地村受到詛咒，所以，如果天等不經過儀式就誕下女兒，女兒不係屬於全村人嘅，就無法繼承聖物……咁樣，我地佛滅鄉就會毀滅……」
我心裡暗想，這種邪佞亂倫的鄉村還是毀滅了來得乾淨吧！我吸了一口氣想冷靜一點，聲音卻還是提得很高︰
「你地全村嘅女人都要進行呢個儀式？」
「儀式只限天等房內……天等房外嘅話，其實我地嘅婚嫁方式有D類似走婚制度……即係男女不會結婚，大家情投意合就生仔，生出嚟個仔就跟住阿媽大……」
 
「屌！有無咁唔公平呀？你地到底當個天等房係咩呀！阿葵又唔係天等，身上應該都無聖物，點解佢要受D咁嘅折磨呀？吓？」
「小葵有無聖物我不知道啦，不過——其實件事會變成咁，都係因為上兩代嘅天等……」
我還以為她會詳細解說上兩代的天等發生過什麼事，結果她只是說︰
「本來天等一個傳一個，就無任何問題啦——偏偏生多咗姐妹，有可能繼承聖物嘅人就大大增加咗……結果，為咗確保佛滅鄉嘅天等傳統不會失傳，被迫接受儀式嘅人亦都隨之增加……真係不明白點解要咁……如果一開始就只進行一次儀式，只生一個女兒……」
她說了一大段話，才驟然想起我的存在，連忙捂住嘴︰
「啊！我不應該亂講……頭先我講嘅嘢，請千祈不要話俾天等房嘅人知……」
 
我的腦子飛快地思考著她的話，突然靈光一閃，背後冷汗如雨下︰
「等等！你話姐妹增加咗，所以要接受儀式嘅人數亦都增加……你嘅意思係，所有可能繼承個仆街聖物嘅女仔都要俾人輪一鑊？咁即係，連我個妹阿茹都……！」
「不、不係啦——！小茹仲有幾年先到十六歲，不會提早咁多進行儀式……」
「屌！講得咁撚好聽，佢過幾年咪又係要俾人輪！無人性架你地——！」
我咆哮出這句話之後，便撥開巽榣的手，直往山下衝去。任憑她在後面再怎麼叫我，我都不理不睬。
 
仆你個街！忍無可忍啦！呢個咁痴撚線嘅地方，多留一個鐘我都會痴線！
等唔到母親嘅葬體喇！我而家就要帶埋阿妹返出去正常世界！
 
我一邊想一邊急奔回天等房，從進門開始就大叫︰
「阿妹！出嚟啦！阿哥帶你走！而家就走！我帶你去大城市讀書，遠離呢班變態！」
我在門廊裡來回走動叫喊，四周卻毫無動靜，只有自己的聲音在牆壁上反彈回來。
偌大的天等房，空蕩蕩的，彷彿沒有人住。
 
我心中充滿了不好的預感。
今日到底搞咩鬼嘢？佛滅鄉話大唔大，無理由周圍都見唔到阿妹架。
正忐忑不安，身後突然傳來細碎的腳步聲。
啪答——啪答——
那種輕巧的步速，充滿少女感覺。
我以為是妹妹來了，開心得轉身就撲過去︰
「阿妹！搵咗你好耐，擔心死我啦！」
 
眼前人被我突然的舉動嚇得全身一震，後退半步。
這時我才看清楚，來人原是表妹巽葵。
得悉了她的成人禮到底是什麼回事之後看到她本人，我感覺尷尬不已。心中彷彿有什麼衝動要傾瀉而出，但我卻不敢發作。
於是，我下意識地別開了視線。
 
她卻怯怯地湊近來說︰
「……阿、阿迅哥……你……你塊臉……」
我擦擦那受傷腫起的嘴角，本想轉身離去，但看到她關切的眼神，不由心中一動，衝口而出就說︰
「表妹，我而家準備帶埋阿妹離開呢度！你都跟我一齊走啦！就算去唔到香港，求其去個大城市生活，點都好過呢度呀！」
 
她悄悄望了我一眼便垂下頭，低聲說︰
「……點解……要走……」
她一問，我剛才好不容易抑壓住的怒氣再度燃燒起來，忍不住大聲叫道︰
「點解唔走？你成年之後會點樣，你知唔知？下個月，成村男人等住輪你，你知唔知？第一個要輪你嘅，就係你自己阿哥，你知唔知呀！」
我的聲音嚇得她全身微微抖擻，她像隻受傷小動物似地避開我的眼神，雙手環抱住自己的身體。
 
我歎了一口氣︰
「你一早知，係唔係？」
點頭。
「你覺得咁樣……好好咩？」
沉默，然後緩慢地搖頭，良久，才開口說︰
「……天等房嘅……天職……」
「痴線！你又唔一定係天等！」
 
她再沉默良久，才緩緩地說︰
「……我……可能會係……而且……生完第一胎之後……我可以……選擇……」
「呢D唔係選擇！呢D叫無得選擇！你唔係話好羨慕巽榣可以讀大學嘅咩？你離開呢度，你一樣可以架！點解要咁樣俾人擺佈自己嘅一生？你係人嚟架！唔係扯線公仔！」
 
她始終垂首沉默，不知幾時，抖擻的雙手卻用力地捂住胸口，低聲說︰
「……唔可以……假如……犯禁……會有業報……業報……業報……我地佛滅鄉……會有業報……」
聽她夢囈似的不斷呢喃這個詞，我突然想起剛才那三個仆街所說的話，緊張地抓住她纖細的肩膀︰
「業報係D咩嘢？你姐姐……艾小姐，佢發生咗咩事？」
巽葵全身一抖，紅眼睛沒有焦點地瞪大，眼中滿是恐懼︰
「啊……艾姐……艾姐……啊……啊啊……」
 
她嘅反應，好唔正常！
就好似俾D咩邪教洗咗腦咁，臉色發白，雙唇抖個不停。
我正想仔細問清楚，突然……
「阿葵——」
走廊轉角傳來桃姨的叫聲！
我連忙鬆開雙手左右張望，閃身就躲進旁邊的房門裡。
 
我才剛躲好，桃姨便走了過來︰
「阿葵，原來你嚟咗呢度哦。做咩企係門廊？唔入房？」
巽葵低垂著頭，只是輕輕搖了搖。
桃姨熟悉自己女兒個性，也不多說什麼，只是拉住她的手，親熱地說︰
「阿葵，媽媽要同你講一個好消息哦。」
阿葵抬起頭來，只見桃姨的桃花眼笑著說︰
「我已經同瑚阿婆商量過，佢話當年，大阿姐都係有咗身孕之後先至有聖物，可能有身孕嘅話，梵天會比較樂於恩賜聖物。所以，媽媽決定將你嘅成人禮提前，希望可以趕得切令聖物係你身上出現哦。」
 
仆街！仲要提前？
巽葵聽不見我心中的叫罵聲，眼神卻還是同樣驚訝。她瞪著她媽媽，彷彿一隻受攻擊的小動物。
桃姨只是笑笑，又繼續說︰
「阿葵，你遲早都要大個，而家只係提前幾日啫。咁樣做，對你，對天等房，對成個佛滅鄉都大有好處哦，你明唔明白？」
 
巽葵的眼神搖擺不定，良久，才抖擻著雙唇問︰
「……幾……幾時……？」
桃姨掩嘴笑了笑︰
「就係今晚哦。」
巽葵全身一震，眼神如死不瞑目般盯著她母親。
 
「呵呵，傻女，成人禮係人生必經階段，唔使驚哦。好啦，而家時間都唔早，快D跟媽媽過嚟，媽媽要幫你好好妝扮一下，準備今晚嘅儀式哦。」
說著，桃姨拉起阿葵轉身就走。
阿葵身不由己要向前走，但卻回過頭來，牢牢凝望著我藏身的房間。眼中，是極度盼望拯救的絕望神色。
 
#08完