鏡像密語: 第十七章、醋王與妒后
今日，命運之神收緊左洛妍同亦言之間既命運繩索，再輕力一拉，兩人失去平衡而向前踏進左一步，直至兩人看清楚對方既五官。
十一點半
洛妍啱啱洗完頭、沖好涼行出浴室既時候收到亦言既night call，今次洛妍冇一秒猶疑之下接聽左，因為佢發覺佢今日有千言萬語想表達。
「喂？」
「先唔好講呢啲野住，我有好重要既事同你講」洛妍好心急咁打斷亦言下句說話。
「咁啱既？我都係」
「你唔會夠我既重要！」
亦言妥協了，應該又係一副「真拿你沒有辦法」既表情。
「我⋯⋯梁洛妍，依家好鄭重咁多謝你、多謝鏡鏡你，今日救左我！我唔知點去答謝你！」洛妍把聲輕微顫抖。
「哼！」
「你唔開心？」
「你丫！你個死人頭丫！自己唔中意人地望住你又唔開口講，最後要我出手，嬲死人啦！」
「咁⋯⋯我當下真係反應唔到，個腦空白一片丫！」
「哼！」
「哈哈⋯⋯」洛妍忍唔住大笑。
「你笑咩？」
「唔得！太好笑！太可愛！」洛妍諗返起今日亦言遮住迪仔對眼既畫面，由個心到甜到笑左出嚟。
「喂！同你忘記左佢！」
「唔要！哈哈⋯⋯」
「好羞恥丫！」
「我會一世記住、一世都記得今日」
（記得呢個男仔曾經點樣保護過我、點令我心動）
（記得呢個男仔對耳紅成點）
（記得呢個男仔伸左邊隻手）
（記得呢個男仔隻手舉幾高）
（呢一刻我會永遠收藏係自己既腦內相簿）
「係呢⋯⋯你又點解會伸隻手出黎既？哈哈⋯⋯個個係你識左十三年既好兄弟黎嫁喎！唔怕得罪佢？」
「冇丫⋯⋯鬼叫醋酲倒瀉左咩⋯⋯」亦言應該又係紅住耳講呢句。
跟住聽完又到洛妍面紅。
「我係到諗，如果我地公司係100樓，你係咪打算比佢望到100樓？」亦言突然換左種好嚴肅既態度。
洛妍一時答唔出⋯⋯
久良，洛妍再次開口：「我⋯⋯我都唔知丫。咁人地要望我我都冇辦法，我只可以避，當時我真係反應唔到。」
「姐係如果下次發生同類事情，你都係咁處理？」
「嗯⋯⋯咁你嬲我定佢？」
「我唔會嬲望個個囉如果係咁，我會嬲比機會佢望個個！」
「但⋯⋯明明我都唔想嫁嘛⋯⋯」
「咁你要開口講！開口同人講你唔中意！叫佢停，唔好再咁望住我咁講！」
（我第一次聽到佢咁認真嚴肅同我講野）
「點解喎⋯⋯你都幫我遮左啦，唔係解決左啦咩？」
「因為我代左你做，如果你唔係咁諗，咪變左係我衝左出黎囉，咁佢都可以乘機話我唔可以代表你既立場。」
（傻，你不知幾型幾man，點會係衝出黎？）
（我就係想你代表我立場，得唔得？）
「我當時真係反應唔到，你信我好唔好！」洛妍真誠到一個點。
（我當然唔中意迪仔咁做啦⋯⋯）
（但⋯⋯如果唔係佢既話，我諗我一世都唔知你對住我係有咩感覺）
「我⋯⋯我下次唔會啦⋯⋯」洛妍小貓企圖舔一下利爪賣萌。
「咁你下次會點做話？」
「我會同佢講話我唔中意佢咁做」
「嗯⋯⋯」
「唔好嬲啦⋯⋯我以後唔敢啦⋯⋯」洛妍小貓用奶音講企圖再次融化左主人既心。
「我冇嬲⋯⋯」
（嘩你語氣悔氣到呢！）
（做咩氣氛咁凝重姐⋯⋯）
（搞咩搞咩？呢個電話，真係唔知既人都會以為係情侶既phone call，個男朋友打黎話個女朋友今日唔乖，打黎話自己呷醋，打黎話要女朋友氹返自己，打黎要女朋友make a promise ）
（明明⋯⋯我地都唔係一齊）
（咁佢咁在意我下次點處理做咩？）
（但我未聽過佢用呢種語氣同我講野⋯⋯好凝重好嚴肅好惡咁）
（佢嬲我？嬲我唔識保護自己？）
（但如果可以，我都想比你一直保護落去）
「鏡鏡，同你分享下啲野⋯⋯」洛妍一搵到機會就轉移話題，想打破一下僵局。
「咩丫⋯⋯」亦言可能仲嬲緊所以有聲沒氣咁應。
「我呢，之前咪去左camp既，同一個男仔做partner 跳舞，嘩隻舞好性感⋯⋯如果你有份係到睇，我一定會拉你坐握手位！」洛妍忍唔住笑意。
「梗係唔會有機會睇到啦我，我一睇到就即刻走先啦一定，完全睇唔落去！」
（係咪眼火爆？哈哈！）
「點解丫？」
「第一我又冇份睇，第二你係咁多男仔面前跳唔係得我睇，第三，最重要係，你又唔係同我一齊跳！！」亦言激動左。
（嘩！咁都唔叫呷醋？）
（人地冇話呷醋喎！）
（但你咁都聽唔出咩？）
（嗯⋯⋯我唔肯定，但似乎酸得黎都幾甜⋯⋯）
洛妍已經控制唔到嘴角，只係覺得個心好甜好甜好甜⋯⋯
（放心，我都靜係想同你跳，靜係想跳比你睇）
⋯⋯⋯⋯⋯
叮———
「洛妍，你依家返緊咩工丫？」
洛妍手機收到一條來自佢中學同學Mandy既message ，洛妍不以為然就係同亦言傾緊電話個時回覆左佢。
「我做緊officer」
「哦，我想問下你呢，你公司請唔請人丫？我想過去做下part-time，識下男仔咁！」
洛妍望左一望主管東尼今朝sd比佢既招聘告示一眼之後⋯⋯
「冇丫，我地公司夠人啦！」
（壞女人梁洛妍）
（但⋯⋯同時又會係一個幾可愛既女朋友）
（續）