《ASSO回憶錄》: 第八節
(8)
之後同Tiffany講野真係多左, 佢真係請左我食飯, 第二日我地係課堂上面…
Tiffany: [琴日你食得飽唔飽?]
我: [飽, 不過果間野唔係太好味]
Tiffany: [你都覺呀? 我覺得麻麻地]
我: [有間好食D, 我下次我帶你去食…]
Vicky: [你地傾緊咩呀?] 我比Vicky一句說話打斷左…
我望住Tiffany, 見到佢一個尷尬既表情…
我: [無, 講緊我地黎緊個Project要參觀邊個地方咋嘛, 順便食個飯]
Vicky: [咁你地諗到去邊未?]
我: [未呀...岩岩傾緊你就過黎啦, 你有冇諗過想去邊?]
Vicky: [我地抽到個主題叫做殖民地建築, 不如就介紹赤柱啦]
Tiffany: [赤柱?]
我: [赤柱都幾好喎, 赤柱有香港法國既美譽, 又多殖民地建築, 拿佢黎推廣香港都幾好]
Vicky: [就咁決定啦, 仲可以係果度食野]
我: [咁你話埋比佢地知]
星期六, 我地約埋去赤柱做資料搜集…
赤柱真係好有歐洲風格, 一憧憧歐陸風格既別墅再配合優美舒適既大海, 真係好似置身法國南部既小鎮一樣, 只不過我嫌果度D野食有D貴姐…
當然, 赤柱最出名既地標, 就緊係由三千幾塊花崗岩而成, 充滿殖民地建築風格既 – [美利樓]
我地一路行一路影左好多相, 直到黃昏…
Vicky: [我地今晚係邊度食飯?]
我: [係呢度食定出返去食?]
Vicky: [呢度有咩食呀?]
我: [Um…]
呀俊: [咳咳! 其實呢, 我爸爸識得一間餐廳既老闆, 佢已經幫我地訂左一個晚餐]
我: [嘩…邊度呀?]
呀俊: [美利樓1樓]
我地異口同聲咁嘩左一下…
Vicky: [美利樓好貴架喎]
呀俊: [放心放心, 我爸爸請我地食]
夠竟呀俊爸爸係做咩架?
聽到一個又靚又唔洗錢既地方, 我諗唔到拒絕既理由…
於是我地就行去美利樓, 係一間西班牙餐廳, 裝修好豪華…
呀俊: [ Um... Uncle, 我係Nathan, 我地已經係門口…]
十分鐘之後, 餐廳既老闆行出黎迎接我地, 我開始覺得呀俊其實係咪好有錢?
餐廳老闆帶左我地去一間vip room, 真係好有歐陸風格, 而且深啡色既佈置加上歐陸式既吊燈, 更加顯出餐廳既貴氣同堂皇…
我: [呀俊你爸爸夠竟係做乜? Vip room 喎, 呢餐一定好貴]
呀俊: [最緊要大家開心]
Tiffany: [多謝呀俊]
我: [係, 多謝大佬俊]
Vicky: [呢度真係好靚呀, 多謝呀俊]
呀豪: [多謝呀俊]
呀俊: [講呢D]
第一碟菜已經係生蠔…可想而知今餐幾咁豐富…
我地一路食, 一路欣賞住赤柱既美景…大家都食得好開心, 玩得好開心…
Tiffany: [好飽呀…Vicky我地出去行下?]
Vicky望一望我, 我示意佢地行得開心D…
而我就繼續食, 因為實在太好味啦…
食到咁上下都差唔多到頂, 我去左個廁所, 行返出黎果陣, 我見到Tiffany自己一個係餐廳出面既露台到望風景…
我: [做咩得返你一個既? Vicky呢?]
Tiffany: [佢又肚餓, 返左去食野]
我: [哈哈, 果個大食妹]
我陪佢企左陣, 微微既海風加上一個咁浪漫既環境, 我地就好似去左仙境一樣…
如果人能夠有時間去間中享受一下自己既生活, 我相信, 香港人會開心好多…
Tiffany: [呢度好靚]
我: [係…]
Tiffany: [下面果個碼頭有冇船黎架?]
我: [好似係有船往返其他地方…]
Tiffany: [不如落去睇下?]
我: [好呀]
於是, 我地兩個行左去碼頭方向, 今晚碼頭都有幾對情侶係度, 仲有人係度釣魚, 氣氛好好…
我地搵左個地方企係度, 望住個海…
Tiffany: [呢度真係好舒服]
我: [係, 而且呢度好浪漫…]
Tiffany: [係…多謝呀俊今晚帶我地去一個咁靚既地方食飯]
我: [佢爸爸一定好有錢, 可以請我地食餐咁豪華既晚餐]
Tiffany: [係, 我都嚇左一跳]
我: [你之前有冇黎過?]
Tiffany: [無呀, 你呢?]
我: [黎過一次]
Tiffany: [同女朋友?]
我: [好耐之前啦…你男朋友又會唔帶你黎既?]
佢望一望個海, 沉默左一陣…
大獲! 我又拿佢男朋友出黎講…
我: [Sorry…]
Tiffany: [做咩Sorry?]
我: [我又講你男朋友…]
Tiffany: [唔緊要, 都無野]
我: [我其實可唔可以了解下你?]
Tiffany: [了解我?]
我: [次次問親你男朋友你都好似有心事, 我想幫你分擔一下]
佢又望住個海, 沉默左一陣…
Tiffany: [呀瀚牙…]
我: [係?]
Tiffany: [你覺得我個人點?]
我個心突然之間跳左下…
我: [你? 咪又靚女, 讀書又叻, 又有禮貌…]
Tiffany: [我係咪性格好差? 好難相處?]
我: [點會呀? 我覺得你好好呀, 又nice, 又會答我野, 又肯幫人, 同你一齊好舒服, 同埋我見你都好小同男仔玩得好埋, 呢種女朋友真係一流]
Tiffany: [你哄我…]
我: [唔係呀, 全部都係我留意返黎架!]
Tiffany: [你, 留意我?] Tiffany望左我一下, 搞到我有D緊張…
我: [我…] 呀…點解我講咁多心底話出黎架?
我: [咁我地係組員嘛]
Tiffany: [咁如果我無拍拖, 你會唔會追我?]
呀…點解? 點解Tiffany會問我呢D野…
我: [做咩咁問?]
Tiffany: [你答左我先]
我: [會, 你咁靚女, 唔止我一個會, 我諗好多人都會]
Tiffany: [咁係咪個個男仔都鐘意睇樣睇身材黎追一個女仔?]
我: [大部份係…當然有D人係會睇個人既心地同內在, 唔係咁注重外表]
Tiffany: [咁你係邊一類?]
下…
Um…大波? 長腿? 陳法拉?
我: [我? 我緊係睇內在美, 個樣唔太差就OK]
唔通講我好鐘意大波咩…
我: [你呢?]
Tiffany: [我?]
我: [你揀男仔係睇樣定睇心地?]
Tiffany: [我承應我以前係睇樣, 但係而家, 我覺得樣貌一D都唔重要, 最緊要係心地好, 有上進心, 同埋, 對我好…]
我: [咁你要求都好低姐]
Tiffany: [所以你合格架]
我: [哈哈, 我都叫合格? 我冇咩上進心]
Tiffany: [唔係呀…我見你上堂唔明都會問我野, 同埋, 我覺得你心地好好…]
下? 問你野? 其實…咁係因為我想搵D藉口想同你傾計架咋…
當然, 我冇講呢個真相出黎…
我: [多謝, 咁你都好好心地呀, 我成日問埋D白痴野但你都肯答我, 同埋你又咁靚女, 加埋起黎Prefect]
Tiffany: [ 我唔覺得你問果D係白痴野, 我都有唔明會問人既時候, 我反而覺得你有上進心, 所以, 你只要有野唔明都可以問我, 同埋…]
突然, Tiffany個電話響起, 佢拎起電話傾左幾分鐘…
Tiffany: [唔好意思]
我: [唔緊要, 男朋友?]
又問…
但係, 就係因為我問多句, 我終於打開左Tiffany既心房…
亦都係呢句, 令到我自己, 返唔到轉頭…
佢坐左係旁邊張櫈度, 我跟住佢…
Tiffany: [我同佢其實無見好耐]
佢望住個海, 講出左佢第一次內心世界
我: [好耐無見? 發生左咩事?]
Tiffany: [我都唔知, 呢排唔係我要做Project,就係佢要做Project, 無咩機會見]
我: [佢冇搵過你?]
Tiffany: [有wtsapp下, 成日都係我搵佢, 但係佢成日都話好忙]
真係咁多功課做?
我想了解Tiffany多D…
我: [你地係點識?]
Tiffany: [我地係中學同學, 由中學拍到而家, 都有兩年幾, 只係呢排大家轉左去唔同學校讀, 佢話佢果邊好多功課做, 佢得閒果陣, 我又好忙…]
我: [你地幾耐無見?]
Tiffany: [開學一個禮拜到而家]
我心入面計計, 都差唔多一個月
無見一個月, 話長唔長, 話短唔短…
但係, 就挑戰到一對拍左兩年幾既情侶…
愛情, 係咪真係咁脆弱?
我: [有冇你男朋友個樣黎睇下?]
佢拿出部手機, 打開左一張佢個佢男友既合照…
好靚仔…
我: [嘩…好靚仔喎, 咁似張智琳]
Tiffany: [就係因為佢太靚仔, 成日都有好多女仔圍係佢身邊, 試過有一次有個女仔竟然叫我男朋友上佢屋企, 好在比我睇到佢wtsapp, 佢話只係同果個女仔講過幾句野, 唔知點解會Send D 咁既野黎… 我都唔
知信唔信佢好]
太靚仔未必係一件好事…
我: [你岩先問我問題就係因為咁?]
Tiffany: [我認我係鐘意睇樣, 初初同佢唔熟既時候就一齊左, 到左不能自拔既時候, 先知道佢係一個咁既人]
我: [咁可能真係個女仔自己叫既姐]
Tiffany: [其實唔止係咁, 佢成日都講大話, 又話咩同個friend出街, 原來同個女仔去睇戲, 佢成日都有wtsapp, 有一次我偷睇佢wtsapp, 見佢同個女仔講豬豬…]
Tiffany: [有一次仲離譜, 比我係旺角撞到佢同個女仔行街, 個女仔仲繞住佢隻手]
嘩…個男仔做咩要揀旺角咁失策呀…
我: [咁你都仲同佢一齊?]
Tiffany: [每一次佢都有方法哄返我, 我朋友圈子又唔係多, 無左佢我唔知點, 有時我其實都好辛苦, 下下都係度諗佢做緊D咩? 係咪同第個女仔wtsapp緊…我真係好鐘意佢]
我: [咁樣拍拖你會開心咩?]
Tiffany: [係唔開心, 但係我唔捨得, 我唔忍心離開佢, 每次我都好想講分手, 但係我驚我講左會返唔到轉頭, 我希望佢仲會為我改…]
呢個諗法唔知有幾多女仔都諗過…
我感覺到佢真係好辛苦, 好唔開心, 隻眼仲有小小紅, 可能, 我真係問得太多, 掂到佢既內心世界…
我踏住佢搏頭, 想示意佢知我支持緊佢…
點知…
佢訓左係我博頭上面…
我…突然間變成左佢既依靠…
我無諗過今晚會係咁, 我無諗過佢會係我搏頭上面流淚, 我拎左張紙巾比佢, 我無出聲, 希望佢發洩哂出黎, 個心會舒服D…
如果令到一個女仔喊, 我相信佢投入落去既愛情, 比咩人都多…
一段全情投入既愛情, 係咪真係好?
我唔識得講D咩去安慰佢…我只係覺得, 一個咁完美既女仔, 應該唔係佢喊…
我個心好唔舒服, 我好想幫佢, 我好想話佢知, 一段愛情, 係應該開心…
當愛情要醒既時候, 你會發覺, 其實你從來都無擁有過任何野…