《ASSO回憶錄》: 第十八節
(18)
星期一我冇返學, 因為我好累同好唔舒服...
Vicky晨早就Send左個wtsapp比我
Vicky: [今日做咩唔返學呀?]
我: [冇…有D唔舒服]
唔返學既原因除左病, 我諗我係唔想見到一個人…
Vicky: [辛唔辛苦呀? 我放左學黎探你? ]
我: [唔洗探我啦…我休息下就ok]
之後我就休息…一路訓到四,五點…
Vicky又wtsapp 我…
Vicky: [你見點呀?]
我: [好返好多…岩岩訓醒…]
Vicky: [你屋企有冇人呀?]
我: [無呀, 做咩?]
Vicky: [咁快D開門比我, 我係門口]
都叫左唔好黎…
我一門口, 就見到佢燦爛既笑容…
Vicky: [你睇下…我買左粥比你食呀…知你無咩胃口架啦…]
我又確實冇咩點食過野…呢碗粥黎得好合時…
我同佢坐左係飯台…
Vicky: [你食左藥未?]
我: [未]
Vicky: [我去拿藥比你…你乖乖地係度食哂D粥佢…]
估唔到呢個女仔…都識照顧人…
我: [都叫左你唔好黎]
其實我根本無力去應酬佢, 同埋Tiffany既事已經令到我好煩…
Vicky: [我掛住你呀嘛, 同埋你病左係好需要人照顧架]
我講唔嬴佢…
食完粥同藥之後…佢就扶左我上床度休息…
我: [我訓咁你可以走啦]
Vicky: [唔得, 萬一你暈左我都可以救你呀, 等你屋企人返黎, 我就走…]
我: [我會傳染你架…]
Vicky: [唔怕, 有病一齊病] Vicky笑完之後錫左我額頭一啖
其實而家既我真係最軟弱既時候, 得到Vicky既照顧都算係心靈上同身體上既安慰, 至小佢比我知道, 其實我唔係自己一個人…
佢摸一摸我個身同額頭…
Vicky: [嘩…你出哂汗啦,,,你不如去沖個涼…一陣又冷親就唔好…]
係…食完野我真係覺得好鬼熱…沖個涼降一降溫都好…
我拿左套衫…行左去廁所沖涼…
我同Vicky夠竟係咩關係?
其實我自己都唔知, 佢夠竟用女朋友身份, 朋友身份, 定炮友身份黎照顧我?
唉…好累, 都係唔好諗咁多住 …
我開花灑沖左幾秒, 熱水係我全身流動, 散發出黎既溫暖令到我好放鬆…
但係…
我感覺到度門好似比人打開左…
我不禁拎轉頭望一望我係咪無關實度門…
……
頂你, 係Vicky…
我: [喂…你做咩入黎呀?]
本能反應我用花灑遮住自己既重要部位…
Vicky: [我驚你係廁所暈低呀, 等我幫你啦]
我: [唔洗呀喂…]
佢完全唔聽我講野, 二話不說就除哂自己D衫...走左入黎沖涼房…
頂!…係咪玩呀?
我已經無咩血架啦, 仲要幫我扯哂落去下面…
呀…好頭暈…
我實在無咩力…見到佢都已經除哂衫仲入埋黎…
唉…算…
我: [點解你要對我咁好?]
Vicky: [我唔對你好對邊個好呀? 舉高手, 幫你洗下個格肋底]
估唔到…
呢種感覺…好溫馨…我從未係Tiffany身上出現過…
可能, 我都係鐘意比人照顧多過照顧人…
Vicky: [呀…呢度都要洗下] 我突然間縮左一縮…
Vicky: [怕咩羞姐, 我又唔係未掂過!]
頂…我唔係怕羞呀, 你咁洗法我無血到腦呀…
我不禁又扯左旗…
Vicky: [仲識亂諗野都唔係病得好緊要姐]
唉…比你咁掂法, 點病都會有反應啦下話…
Vicky: [好, 跟住後面]
又黎? 呀…我個屎忽…
我: [好痕呀, 哈哈…得啦得啦, 夠啦…]
Vicky: [咁夾住好多汗架, 要洗乾淨D!]
會唔會係咁呀…我要沖涼呀…
我比佢玩完我之後…佢就幫我著返衫之後就扶返我上床休息…
我: [今日唔該哂你…你洗唔洗返屋企食飯?]
Vicky: [唔洗,你快D訓]
我: [我訓左咁你點?]
Vicky: [我? 我咪溫下Notes , 上下網...我自己識照顧自己架啦]
我: [咁我…]
Vicky: [你快D訓啦…你D屋企人又未返, 我怕我走左, 你暈左果陣無人知咋]
傻婆…
我合埋眼訓, 但係我個腦仲係度諗緊野…
原來而家先發現, 一直有個人每日幫我裝水, 幫我整理D Notes, 陪我食飯, 幫我排隊買周杰倫飛, 幫我買野, 陪我開心陪我笑…
佢無因為佢做過既野而問我拿返任何回報…
但係我, 從來都無因為佢做過既野而有任何感覺…
原來一個人係最病既時候…先知道咩人一直以黎真心對我好…
我真係諗唔到有咩拒絕佢既理由…
話唔定我同Tiffany既分手, 係上天安排…比我重新開始過另一段更加好既緣份…
我真係好鐘意Tiffany…
但係, Tiffany已經係過去…
無錯…
點解我仲要諗?
佢已經有張智林…
我決定行前一步…
我: [不如你陪我訓 ,我覺得好凍] 我諗左個好爛既藉口…
佢二話不說停哂佢手上既野上左床就攬住我
Vicky: [仲凍唔凍? 洗唔洗著多件衫?]
我: [唔凍, 攬住你已經好溫暖]
Vicky: [傻佬]
呢句說話真係好好聽… 好似曾相識, 唔知幾時既時候, 我就係比呢句說話感染到我…
夠竟我係當左Vicky係水泡, 定係真係鐘意左佢?
我唔知, 我靜係知道如果呢一刻我咩都唔做, 我會對佢唔住…
所以, 我講左一句我可能會後悔既說話…
記住千奇唔好相信病人講既野…
我: [不如我地一齊?]
可能我真係唔想辜負Vicky, 定其實我當左Vicky係Tiffany?
Vicky : [你而家咁講, 姐係前兩日你係諗住唔認數啦?] 佢岳高頭整左個好惡既表情
我: [唔係…我想真真正正同你講一次, 我覺得你會開心D]
佢回心微笑左下, 我感覺到佢真係好鐘意我
我都唔知道呢件事夠竟係岩定錯, 我靜係知道我呢一刻好需要一個慰藉, 一樣野去轉移我自己既視線…
我已經無諗到個後果會係點… 我唔知道咁樣係害佢定係對佢好…
就係咁, 一段感情既結束, 就係下一段感情既開始…
佢果晚無返到屋企…一路陪到我第二日返學…