係同屋室友?定係同居密友?: (S4)03. 露體狂

苗學嬛今日落堂後，自己行返去hall到，行到幾日前見到李文灝條柱到，佢下意識再望一望，睇下會唔會又有個等佢打救嘅人係到，結果，乜都冇
 
係房內，佢拎出Notebook同今日嘅notes，開始自己溫書
 
因為苗學翹今日唔係佢當值日子，所以佢同梁小祺一放工就返到宿舍煮飯，當然佢地會問埋苗學嬛，洗唔洗煮埋佢聽日午餐
 
「仲駛問嘅!?梗係要啦」苗學嬛係電話度覆左苗學翹後，就繼續做佢嘅功課
 
苗家三個孫仔孫女都有一個習慣，就係儘快完成功課以及工作，而且一做，佢地就會廢寢忘食
 




時間好快黎到晚飯時間，同時苗學嬛已經完成左份功課，佢關上電腦，著好鞋就出去canteen到晚餐
 
佢企係餐牌前，用心諗食咩
 
「呢度d餐牌可唔可以轉下呀…..千篇一律…」正當佢心中嘆氣果時，有個人拍一拍佢膊頭
 
「妳好呀Marni」
 
苗學嬛轉頭一睇，原來係佢前幾日打救嘅人，不過佢而家自發現，自己唔知對方叫咩名，所以佢好順口就講左句
 




「你好呀露體狂」
 
突然間一個露體狂稱號，令到李文灝不知所措，所以佢只能夠用「呀」去回答苗學嬛
 
「呀…..」 「言歸正傳，你點會知我個名?」
 
李文灝回一回神「Marni MIU，苗學嬛，綽號新加坡林明禎，語文系之花，有邊個唔識?或者話有邊個男仔唔想識妳?」
 
又係呢一堆苗學嬛已經聽到厭嘅對白
 




所以佢都單刀直入，除低佢件褸，用佢一對33E雙峰對住李文灝
 
「咁你係外貌協會丫?定係大波同好會會員呀?」
 
「乜妳咁睇我架?」不過李文灝係屬於大波同好會的
 
「你地D男仔接近我，冇邊個唔係呢兩個會嘅會員囉」
 
「咁我承認，我係鍾意大波妹，不過我唔係因為妳大波先向妳求救」
 
「你講真?」  「我似講大話咩?」
 
「點知你地D男人」
 
兩個人之間氣氛有點尷尬，苗學嬛將佢對33E收返埋後，再問李文灝




 
「喂露體狂，你幫我諗下食咩好」
 
「食咩呀?唔…..」其實夜晚學校Canteen，都係同午餐差唔多，冇咩野揀
 
「我比較餓，咁…我食扒餐」
 
「咁我呢?」
 
「妳呀…..炒公仔麵好唔好?」

苗學嬛接受左李文灝建議，叫左個五香肉丁炒公仔麵食
 
而佢地兩個都不約而同，好有默契咁一齊坐
 




「你唔怕俾受到其他男仔嘅咀咒咩?」苗學嬛問
 
「怕咩呢?妳又唔怕俾其他女仔閒言閒語咩?」
 
「其實…都有少少」
 
關於苗學嬛嘅閒言閒語其實都唔少，特別係分組做project時，抽中同佢同組嘅男仔就會非常興奮，而女仔就有d唔願意，始終苗學嬛都係女仔，佢都知道其他女仔點解唔太鍾意佢自己，所以每一份功課，佢都係做好自己本份，唔好俾人捉到錯處
 
「大波、姣婆」等字眼，苗學嬛由新加坡聽到黎香港
 
「所以妳鍾意自己食飯?」
 
「朋友少，我又唔鍾意成日打搞我堂哥，所以咪自己食飯，有咩所謂?」講完佢叉公仔都放入口中
 
「又幾好食喎」苗學嬛心諗




 
「係喎，你叫咩名呀露體狂?」
 
「我叫李文灝，Edan」
 
「所以你呢個露體狂就鍾意大波妹拿?」