係同屋室友?定係同居密友?: (S4)04. 手提電話號碼

苗學嬛同李文灝食完晚餐後，準備返hall時，李文灝先記得要還返件風褸俾苗學嬛
 
「呀..係呀Marni，我要還返件風褸俾妳呀」
 
苗學嬛上下望望李文灝「我咁樣幫左你，你一d表示都冇架?」
 
「表示呀?唔…….」李文灝作勢去錫苗學嬛去面，第一次有男仔咁樣對自己嘅佢，不免有點手忙腳亂
 
佢伸直隻手，推開李文灝塊面，再加多一句「死變態佬」
 




「咁妳想我點報答妳?」
 
苗學嬛鼓起泡腮諗「唔…請我食杯雪糕咪算囉」
 
「食杯雪糕咋?行啦」李文灝帶左苗學嬛去便利店買左杯雪糕，邊行邊食
 
「其實妳點解會叫新加坡林明禎?妳真係新加坡人?」
 
苗學嬛係大學第一次聽到有人咁問佢「我媽咪係新加坡人，我自己中學前都係新加坡讀書」
 




「妳好似每日都自己一個食飯咁嘅?」
 
「我?我自己一個鍾意靜靜地，如果唔係，我都唔會住單人房」苗學嬛再食一啖雪糕
 
李文灝喃喃自語「單人房呀…」
 
「你個露體狂做咩呀?你想入黎我間房呀?」
 
「斷估妳唔會俾人去妳到屈蛇啦」
 




「你咁你做咩自言自語?」
 
「其實我未見過單人房係點樣，唔知有幾大」
 
「幾大呀…唔…..」苗學嬛望住李文灝
 
「俾你黎睇下啦，睇下咋!!唔好諗住入黎呀」
 
李文灝聽到苗學嬛咁講，食緊嘅雪糕都差d落錯格
 
「妳果到…女仔層黎架喎，我可以黎咩?」
 
「點解唔得呀?又冇話唔可以係門口傾計。行啦!露體狂!」
 
一向不拘小節嘅苗學嬛伸手撓實李文灝行




 
「係喎，果日你做咩條褲爛哂嘅?」
 
「果日呀……我…唔…..」
 
「做咩呀?好變態架?」苗學嬛咁樣就有點期待
 
「只係…….」李文灝支吾以對
 
「算啦，你唔想講就由佢」講真，苗學嬛有少少失望
 
「係我早過佢地完成份功課….所以….」
 
「所以就搞成咁啦?」
 




「係…係呀….」李文灝有d尷尬咁講
 
「你地d男仔真係好無聊呀」
 
兩個人行到去宿舍，企係到等lift果時，已經有幾個宿生遠距離望住苗學嬛同李文灝
 
首先，佢地搭lift去到李文灝住果一層，打開房門，李文灝嘅hallmate唔係房中於是苗學嬛就跟埋入房
 
「嘩…你地d男仔，估唔到係咁講究咁整齊」苗學嬛四處張望，不過當佢諗起自已阿哥間屋時，就覺得男仔乾淨都唔係一件奇事
 
李文灝拎返件風褸俾苗學嬛
 
「我幫妳洗左架啦」「你唔洗咁客氣喎」
 
「咁件褸係妳嘅，幫妳洗返好正常者」




 
當李文灝打開房門，準備送苗學嬛返上佢果層時候先發現，有其他人係佢地房伸個頭出黎望住佢地間房
 
「搞咩咁多人伸個頭出黎嘅?」
 
「唔知呀，可能妳黎左掛」
 
佢地一齊行樓梯上苗學嬛所住嘅女層
 
「你真係唔入黎?」
 
「我怕其他人閒言閒語，始終妳係女仔，唔係太好」
 
如果係其他男仔，可能早就已經坐左入去自己房。如今李文灝竟然唔入去甚至連伸個頭入去都話唔好，所以苗學嬛對佢有少少好感
 




「咁好啦，下次有機會先啦，多謝你杯雪糕喎」
 
「應該係我講多謝妳先啱」
 
苗學嬛見眼前呢個男仔好似好怕羞好得意咁，於是問佢拎左佢部電話，將自己電話號碼入左落去
 
「俾左我電話你啦，得閒覺悶就搵下我啦」
 
一聲拜拜後，佢地各自回房

一聲拜拜後，佢地各自回房
 
李文灝拎住自己電話，慢慢行落自己所住果一層
 
「一陣間我應該唔會俾人圍掛」
 
少年，你太年輕了……剛才自苗學嬛同你係canteen食飯撐檯腳果一刻開始，你已經俾一眾hallmate鎖定，並且監察住一舉一動
 
李文灝打開所住層數樓梯嘅門時，抬頭一望，已發現有好多人等緊佢
 
「你….幾時搭上Marni架?」「你點解同女神咁親密架!?」
 
現場群情凶湧，李文灝萬萬都估唔到，自己只係同苗學嬛食左一餐飯，就令到佢成為成層嘅巨星咁，而家差左未有咪牌同埋保安控制現場
 
李文灝亦好官方咁樣同大家講「我同苗小姐只係朋友，佢幫左我d野，所以我請返佢食雪糕同埋一齊行返hall者，大家請勿作出猜測」
 
大家嘻嘻哈哈咁你一言我一語，令到該層數氣氛非常熾熱，熱到連樓上幾層嘅女子單人層都感受得到
 
「下邊搞咩大龍鳳?唔通真係好似阿哥所講，男女混合Hall層係晚晚都夜夜笙歌?」
 
苗學嬛拎埋自己衫褲，走去浴室
 
當佢返到房間果時，發現電話有wts msg
 
「喂，有冇人圍住妳問野呀?」
 
「冇呀露體狂，你係唔係同我食個飯，之後俾人問長問短咁呀?」
 
「妳又估到嘅」
 
「頭先你地果層咁嘈，當然估到啦」
 
苗學嬛同李文灝成晚係到wts，兩個人距離拉近左唔少