係同屋室友?定係同居密友?: (S4)14. 被虐毆

當日小祺考獲全級第一，非常開心。而且班主任仲送左一套文具俾佢
 
佢拎住成績表，好開心咁返屋企想同父母分享呢一份喜悅果時，當時天開始黑，似乎想落雨一樣，所以小祺加快腳步返屋企
 
一打開門，就俾梁奮成捉入去用藤條打
 
「爸…爸爸!!做咩打我呀?」小祺立即不知所措
 
「妳個衰女偷錢?今次真係要打死妳!!!!」梁奮成唔俾小祺解釋，一口咬定係佢偷左屋企錢。打小祺程度難以用文字去形容
 




「係家姐偷錢!!一定係」梁國柱係身邊附和
 
「我冇偷錢呀…爸爸我求你信我唔好再打啦…好痛呀…流血啦….」小祺喊住咁講
 
原來係梁老太，放低左銀包係到，到佢發現銀包跌左落地下果時，錢已經冇哂，之後小祺就返到屋企，所以佢一口咬定係小祺偷錢
 
連麗琴自從個仔出世後，同小祺變得疏遠
 
「唔係妳偷錢?咁點解妳有新文具?」梁奮成見到小祺跌出黎嘅新文具套裝後，打得仲勁
 




「係班主任送架…..係我考到…」小祺想解釋之時，雞毛掃再次落下
 
「乖孫，唔好學似你家姐咁曳，讀書又唔叻又偷錢」
 
「知道」
 
「都係我個孫仔最乖」
 
小祺聽到梁老太咁講，佢對呢個老人家完全死心。之前佢唔明白點解梁老太會疏遠自己，到今日佢終於明白，因為佢唔係男仔
 




小祺身上傷痕愈來愈多，佢嘅喊聲俾街外雨聲雷聲覆蓋，終於雞毛掃斷左後，梁奮成先收手
 
「今晚罰妳冇飯食!!!!」然後梁奮成轉身講「我地出街食飯，慶祝國柱考試合格」
 
小祺係屋企一角，拎住張染滿血嘅全級第一成績表，不停大喊
 
「點解要咁對我呀?」小祺對住佢父母高聲問
 
梁老太見狀，心頭火起，再走過去用手掌小祺個咀
 
「妳呢個丫頭片子!!!偷錢之餘仲咁大聲鬧長輩?」
 
梁老太再不停打向小祺個咀，直到小祺冇力講野為止
 
佢地幾個人出去後，小祺再自己講「我冇偷野呀….」




 
佢見住打開嘅窗，想跳落去結束自己生命，但係佢諗起今日學校老師講起，生命來之不易，我地要好好珍惜
 
所以小祺打消呢個念頭，佢轉身去衣櫃，拎出一個大袋，將自己校服同書執好
 
佢決定離開呢個屋企
 
點好自己所有物品準備離開時，佢望見一張相，係當年一家三口嘅相。小祺毫不留情咁拎起張相，扔落地下後，就離開呢個屋企
 
由於係大雨關係，小祺一個人拎住行李係街上行，非常狼狽
 
加上身上嘅傷痕，令佢痛苦不堪。佢慢無目的咁行，去到一個公園涼亭中坐低避雨
 
佢一個人瑟縮一角，不停地大喊，終於呢個9歲嘅小妹妹到左極限，攰到瞓左係地上
 




唔知過左幾耐之後，小祺覺得有人將被蓋係佢身上，佢仲聽到有人打電話
 
「呢度...電器道公園…有個小妹妹全身受傷暈低….」
 
小祺再一次合上雙眼，下一次開眼有反應時，佢發現自己蓋住被，係床上被抬上救護車，果一刻，小祺先發現自己已經安全