係同屋室友?定係同居密友?: (S4)18. 初次會面

學翹睇住小祺剛到兒童之家嘅相，相中嘅佢比起屋企嘅佢輕鬆得多
 
仲有一張張兒童病房同其他姑娘影嘅相
 
「我住兒童病房果時，好似個大姐姐咁教小朋友功課」
 
小祺一張張相咁show出黎，一張相中出現一個肥仔
 
「呢個肥仔咁肥嘅?」學翹覺得呢個肥仔好可愛
 




小祺見狀都笑笑口「係呀，佢行幾步就出哂汗，好可愛」
 
「咁點解佢要入院呀?又係家暴?」
 
「唔係呀，佢因為屋企太寵佢，令到細細個就有糖尿，被醫生下令減肥」
 
「妳搬入兒童之家後，妳屋企點樣?」
 
小祺又再一次回想起佢屋企之後發生嘅事
 




就係小祺離開屋企之後，佢一家人都只係認為個女去左朋友屋企到玩，玩到厭就會返黎，誰不知過左兩日都未見小祺返屋企，佢麻麻就認定個孫女聽日放學後自己返屋企，所以並冇特別著緊
 
直到星期一梁國柱佢返到學校時，一家人均俾學校邀請到會客室
 
梁老太仲以為個孫仔俾學校讚賞，所以非常開心咁坐入去等待
 
會客室嘅門打開，入黎嘅，係校長、訓導主任、班主任以及社工，仲有身型比較大隻嘅體育老師軍團成員
 
校長一坐低果時，梁老太已經急不及待咁問佢孫仔咩事受獎勵
 




「校長，我孫仔咩事，要咁多老師一齊黎嘉獎佢呀?我成日都話個孫仔好叻，一定好有前途，唔似佢家姐個丫頭片子咁，做乜都冇用，個衰女包呀!上星期佢仲偷我錢呀，仲離家出走左幾日!!!你地真係要好好幫我教訓下佢」
 
班主任聽到梁老太咁講，立即嬲到捉實拳頭，想過去幫小祺出一口氣。係佢身邊嘅社工，捉住班主任後擰一擰頭
 
「Miss LEE妳要忍一忍，我地要chok佢地一家人講野」
 
「呀梁生梁太，係咁嘅，既然你地話小祺離家出走左幾日，咁根據教育局指引，學校係需要去一去你地屋企進行家訪，同埋了解下咩事」
 
梁奮成聽到學校因為個女而要家訪，就顯得有D不滿，但係因為佢地係一間官立學校，校方隨時可以要求執法部門立即介入，基於呢一點，梁奮成一家勉強同意
 
梁老太聽到學校要黎家訪，都仍然以為係梁國柱係學校有功，所以好開心咁同校方道謝，完全冇問過小祺現時身處嘅地方同情況
 
當梁國柱返左課室，家長們離開後，小祺班主任Miss LEE終於爆發出黎
 
「校長!!點解唔立即報警拉人?佢地剛才完全都冇理過小祺!!」




 
「Miss LEE，妳冷靜落黎先，我地今晚再去佢地屋企睇下小祺平日生活狀況，而且有社署社工一齊去，有佢地係到，會有更多證據可以搵到。而家….就同班上解釋點解小祺要缺課先」
 
Miss LEE深呼叫一下，調理好情緒後，係社工陪同下返回教員室
 
教員室其他老師見狀，都好關心剛才會面結果
 
佢地將佢地平時觀察到嘅野都jot低，希望幫到小祺，由此可知，小祺係學校之中，係幾咁受老師歡迎