係同屋室友?定係同居密友?: (S4)23. 姊弟相遇

係小息期間，梁國柱借口去洗手間後，拎住把遮走上3層去4年級樓層，衝入小祺嘅4E班中，佢一見到小祺，就拎起手上嘅遮打向小祺
 
因為佢俾人發現偷錢，沒收哂600蚊，所以佢對小祺懷恨在心，另外梁老太仲叫佢，一係學校見到個家姐的話，就起勢打佢，有咩事都好屋企會保護佢
 
所以梁國柱持住自己有後台，二話不說就用遮打向梁小祺
 
「妳呢個丫頭片子!!!咁大膽!!!害到我冇左600蚊」
 
由於平時係梁老太照顧梁國柱，所以佢都學埋屋企咁樣，叫小祺做「丫頭片子」
 




梁國柱一直受到梁老太影響，覺得冇人會幫小祺，所以佢不論係咩場合，都唔會俾面子個家姐
 
可惜，今時唔同往日，或者可以話梁國柱太膚淺，當佢一郁手打小祺果時，已經有同學跑去教員室搵老師，其實唔洗去教員室，佢地一出去就見到係其他樓層落堂行樓梯落黎嘅老師
 
另外有男同學非常英勇咁「英雄救美」，佢地有幾個撲向小祺想幫小祺擋呢幾下，可惜，由於體重關係，佢地未飛到小祺身邊就已經落地。不過佢地可能有幸運之神眷顧，佢地跌低果刻反而撲倒梁國柱，然後幾個肥仔變成一個大肥波咁碌左出走廊
 
而且佢地嘅姿勢亦都gay情滿溢、gay力四射
 
有老師聞訊而到，立即阻止梁國柱繼續向小祺進行攻擊
 




另外亦成功解救左果幾名肥嘟嘟嘅護花使者
 
即使係咁，學校係放學後又再一次開會，亦將事件經過報上社署

「可唔可以將小祺係休息時間安放係教員室?」
 
「午飯時間已經做緊呢樣野，不過小息就麻煩少少，時間咁短」
 
校長係呢個情況下，盡可能希望減少老師們負擔
 




「咁一係咁啦，小息時候，搵一個老師係4年級樓層看管班學生」
 
校長呢個建議，所有老師都同意
 
「另外….勇救小祺果三位同學，我地點處理?」
 
果三位肥仔同學，真係非常有心，奈何體重問題，未能飛到小祺身邊
 
「佢地就保護同學，但係又用左武力」訓導主任喃喃自語
 
「其實佢地三個都係保護小祺者，未至於要去到懲罰」
 
「我係諗緊點嘉獎佢地三個，三位大肥仔」
 
「獎佢地食野?」 「仲食野??佢地三個已經好肥啦喎」




 
「請佢地食營養餐減肥?」  「咁呢個叫懲罰喎」
 
「三個俾一個優點佢地，佢地保護同學，應該加獎。至於梁國柱果到，就一個大過，佢郁手襲擊同學。另外，將呢件事上報社署同警方，等佢地俾少少壓力律政署。」
 
「但係校長，梁國柱需唔需要見家長?」
 
「見家長用處唔大，佢父母同阿麻一定力保佢，話係小祺挑起事端。寫手冊通知佢地，如果佢再有襲擊其他同學嘅行為，校方會將佢停課處分」
 
係律政署內，檢控官好詳細睇小祺嘅醫療報告，同埋警方落嘅口供
 
「嘩….」檢控官睇到小祺嘅醫療報告上嘅相，再對比警方嘅口供紙
 
「咁樣叫做冇打到個女呀?」
 




顯而易見，律政署下一步嘅行動，係會向梁奮成同梁老太作出檢控