係同屋室友?定係同居密友?: (S4)24. 校門衝突

「有冇搞錯呀!!!明明係個死丫頭片子搞事!!!點解要罰我個乖孫!!」梁老太係屋企好唔忿氣咁講，佢認為係小祺首先去挑起事端先
 
「唔洗怕!!!麻麻聽日去學校幫你出呢口氣!!!聽日要打死個丫頭片子!!!」
 
每一次提起小祺，梁老太總係有不滿
 
「奶奶，都係唔好搞咁多事啦，咁樣搞法可能會好嚴重」連麗琴希望可以阻一阻梁老太，不過因為涉及梁國柱關係，梁老太一定唔會咁易放手
 
「妳咪嘈呀妳!妳睇下!妳生果個丫頭片子呀!!!連個細佬同長輩都夠膽害呀!!!我同妳講呀!!妳咪俾佢再返黎添呀!!我話之個官點判!!總之呢個家一家之主係我!!!我話乜其他人就一定要照做!!!」
 




「係…」黎自農村嘅連麗琴，真係一個典型係農村女性，未嫁之前就係娘家聽從屋企嘅話，嫁到夫家後就要完全聽從夫家話。梁老太係屋企就好似一個老佛爺一般，所有野都要佢話哂事
 
第二日，梁老太帶住怒氣走到學校，要求學校有個交代
 
同時，亦遇上剛落校巴嘅小祺
 
梁老太見到小祺後，怒火上升，佢認為自己個孫俾人記大過，自己俾警察拉左，所有事都係個孫女自己作出黎，目的係陷害佢地一家
 
佢衝去小祺面前，毫不手軟咁去打佢幾巴
 




係梁老太隻手差少少打中小祺之時，有幾名家長擋係小祺身前，用雙手阻擋梁老太嘅攻擊
 
「妳地咩人呀!!!我教孫女關妳地咩事呀!!!!」
 
「阿婆!!!教孫女都唔應該係當眾郁手打人喎」
 
「呢D我地家事!!!外人行開!!!!」
 
係學校門口，梁老太力敵數名年輕家長，而小祺就係幾個同學保護下走左入學校
 




校門外嘅衝突，令到校方要派人出黎化解
 
梁老太見有多人係到圍觀，認為佢自己一家人冇錯，就向校方破口大鬧
 
「你地學校而家包庇D壞學生呀!!!蝦我呢D阿婆同行為良好學生!!!!我個孫仔保護屋企!!!你地竟然罰佢!!又包庇個丫頭片子!!!!你地點做學校!!點教人架!!!!」
 
梁老太係到志左吸引目光，想利用市民嘅群眾壓力令學校屈服
 
點知，佢同梁國柱身後出現左學生嘅聲音
 
「媽咪!就係佢啦!!上星期五佢拎遮走上去打個姐姐架!!」
 
「係佢啦!!!佢偷人地錢果個呀!!!」
 
愈來愈多返學嘅學生，不論高低年班，都直指梁國柱不是




 
梁老太為左維護個孫仔，亦向其他學生怒吼
 
「你地有冇家教呀!!!亂咁講野!!!!」
 
一時間，校門外風起雲湧，校長同訓導主任不得不親自落到黎分隔開梁老太同其他家長，並請梁老太入學校
 
梁老太係學校內仍然堅持自己個孫仔冇做錯過野，所有事都係梁小祺搞出黎陷害個細佬
 
「呀校長!!!你地點可以咁架!!!我個孫仔根本咩都冇做，你地又記佢大過，佢返到屋企係咁喊，我同你講丫!!!根本係佢家姐個丫頭片子搞事咋!!!你地仲係到包庇佢!!!」
 
校長見到情況，都忍唔住向梁老太作出警告
 
「梁老太!上星期五係差唔多全層樓嘅同學同埋老師，親眼睇住梁國柱拎住把遮走上去四年級到攻擊小祺，我地學校亦都有CCTV影低哂，所以我地對佢作出處罰係正確決定!!而且妳地今日騷擾到學校，所以我地會上報社署同埋梁國柱要停課一星期處分」
 




梁老太見狀，依然口中唸唸有詞，誓言要為孫仔拎返公道
 
而學校方面，因為今日嘅事件，所以校方對全校發出通告，解釋事件

而同一日，律政署都指示警方，將會落案控告梁奮成同梁老太