係同屋室友?定係同居密友?: (S4)25. 檢控

晚上，係保良局嘅小間格房內，梁小祺自己係到溫書緊同做功課
 
今日早上校門嘅衝突都令佢好驚，雖然社工之後同佢解釋過，佢細佬將會停課一星期
 
小祺將今日嘅事拋開，繼續自己溫習，雖然保良局都會有自己時間俾小朋友，有電視睇同電腦用
 
不過小祺都係比較鍾意留係自己嘅空間中
 
「咯咯」小祺房門響起輕輕的敲門聲後，小祺去打開門，來者正是舍監。因為小祺有客人探訪關係，所以舍監到黎通知
 




小祺去到會面室，入邊坐住社署社工同埋兩個著整齊西裝嘅人。一個男嘅比較年輕，而另一個就坐係後邊，而佢檯上就有一疊文件
 
會面開始時，社工先問問小祺最近情況，亦問左近日學校所發生嘅事情，對佢有冇咩影響
 
仲有問下小祺係新地方住成點，有冇咩唔習慣，財政上有冇野需要等等
 
小祺同社工傾左一陣，講左自己最近狀況後，社工進入今日會面嘅主題
 
「小祺，我身邊呢位，係律政署嘅檢控官，岑sir」
 




只有小學四年級嘅小祺，依然未知道律政署、檢控官之類嘅關係，所以社署社工就慢慢向佢解釋
 
「上次，妳俾屋企人打完後，送左去醫院，然後一段時間後，有警察問妳野同錄影係唔係?」
 
小祺點一點頭表示同意
 
「咁上次之後呢，妳所有嘅資料同傷勢、醫生係醫院評估嘅報告，一次過由警察交俾律政署，即係一個決定會唔會送人上法庭，落案控告人嘅地方」
 
「明白」
 




「咁佢地開過會之後呢，就決定對妳爸爸同麻麻落案檢控佢地對妳進行虐待受傷」
 
小祺靜靜後再問「佢地會點?」
 
社工吸一吸氣「暫時都唔知，要睇個法官點樣判案，所以我都唔可以答妳d咩，呢位岑SIR係檢控官，佢係會代表律政署去檢控佢地」
 
「係」
 
「雖然所有資料佢都已經睇過哂，但係佢都黎同妳見一見面，再了解下情況」
 
岑檢控官開始問小祺問題，都係一般生活上嘅情況，發生左事件後對佢有咩影響等等
 
始終小祺得9歲，所有野佢都唔太明白，而佢亦被告知，自己唔需要上庭，因為學校幫佢申請左保護令
 
會面結束後，小祺返到去自己嘅小空間，而另一方面，梁奮成同梁老太係最後一次到警署報到後，收到會被律政署檢控嘅消息




 
返到屋企時，梁老太繼續大發雷霆
 
「有冇搞錯呀!!!我地係受害者!!點解要告我地!!!個個都聽哂個丫頭片子講野!!天冇眼!!!」
 
梁奮成拎住提堂通知書，係到諗緊搵咩律師好，不過以佢出現金嘅工作，絕對可以有當值代表律師提供服務
 
依然認為自己冇做錯嘅梁老太，已經係屋企表明唔會認罪，而且佢仲打算叫埋自己其他仔女，係上庭果日幫佢聲援，想用壓力令裁判官判佢地無罪
 
當佢另外一對仔女知道梁老太被人告上庭時，屋企引起好大風波
 
佢對於自己同個仔點解俾人送上庭嘅原因，隻字不提