係同屋室友?定係同居密友?: (S4)30. 偶然遇上

16歲的一年，就讀中四嘅小祺，放學後開始幫人補習，基本上每日放學都去幫小學生補習，有時仲一日兩個學生，而星期六日，佢嘅學生休息，唔代表佢自己會休息
 
小祺星期六同日會留係宿舍，自己溫書，對於娛樂，佢真係甚少去街買衫之類
 
如果同佢比較熟嘅，都只有幾個女同學，可能一個月會出一日街
 
平日小祺總係會將前一晚宿舍提供嘅晚飯用飯盒入好，第二日一早整熱後帶返學校食
 
不過有時，小祺都會同朋友出去食下飯
 




今日，小祺同佢兩個朋友一齊出去午飯，但係萬萬都估唔到，佢會遇上佢唔想見到嘅人
 
一向都知小祺比較窮嘅兩人，並冇刻意揀太貴嘅餐廳，因為佢地自己都係學生關係
 
「呀…..終於可以休息下啦」Winnie坐係餐廳嘅卡位講
 
「咩呀，食左飯之後仲要返去搏鬥呀」Peggy係佢對面講
 
「妳地份功課搞掂未呀?」
 




「一早搞掂哂啦」小祺飲住熱華田講
 
Peggy同Winnie用一貫嘅眼神望住小祺
 
「點解Suki妳可以有咁多時間，放學可以幫幾個小學生補習，之後又可以準時完成功課，又可以溫埋書」
 
小祺伸一伸懶腰「我有幾攰妳地唔知者」
 
「妳係屋企唔洗做家務架咩?妳係家姐喎」
 




小祺聽到Winnie咁問，一時間都唔知點答。係宿舍內，小祺已經算係大姐姐，所以佢係某d工作上都會幫工友手
 
而佢主要係幫宿舍內小朋友睇下功課之類
 
小祺一行人食左飯後，一齊離開餐廳。係果一區，小祺學校女仔校服非常易認，佢果件係一件粉旗袍校服，好多人一聽到旗袍校服就諗起真光、協恩、英華等等著名女校。其實都有男女校擁有旗袍校服，當然，係某d場合下，d男仔係會問女同學借校服黎著下過下癮
 
佢地幾個女仔一齊行出黎，中途遇上幾個男同學，當中有小祺一直暗戀嘅校草。可惜小祺一直覺得自己左邊瞼上嘅胎記，會令校草對佢冇意思
 
同一時間，今日梁國柱唔洗返學，佢同梁老太同連麗琴飲完茶後，行返屋企時，望見對面馬路，準備行返學校嘅小祺
 
梁國柱首先望見小祺，佢低聲同梁老太講
 
「家姐係對面喎」
 
梁老太同連麗琴一望，的確對面果個係梁小祺，但小祺彷彿見佢地唔到咁，因為小祺企係人群中間，俾幾個男同學遮住視線




 
幾年不見，梁老太仍然視小祺為屋企嘅負累，佢正想上前鬧小祺幾句時，小祺果邊已經轉燈
 
「丫!果個丫頭片子，避我地屋企咁多年，音訊全無，我仲以為佢死左」
 
「估唔到佢入到間咁好嘅中學」
 
「佢果間好叻咩?我話果間專收垃圾，佢先讀到咋!」
 
「麻麻，佢果間係band 1學校，好過我果間好多」
 
一聽到梁國柱咁講，梁老太自然就想個孫仔去果到讀
 
「咁而家去轉校啦，等個蝕錢貨有d用，幫你轉過去讀」
 




連麗琴聽到後，反問梁老太
 
「洗唔洗今晚同阿成傾下先呀?始終轉校咁大件事，而且要父母簽名同意。就算要轉校，都唔洗咁心急」
 
於是佢地決定今晚同梁奮成傾一傾，梁老太非常開心，因為佢覺得個孫仔就快可以去間好好嘅學校讀書，前途一片光明