係同屋室友?定係同居密友?: (S4)33. 往事

係sick room休息嘅小祺，慢慢平伏自己嘅心情
 
佢兩位好朋友，Winnie同Peggy都坐係佢身邊，一瞼茫然，係果日佢地兩個先發現，自己對小祺嘅認識原來唔多
 
一直以黎，小祺都冇同佢地透露過屋企嘅事，佢地只係知道小祺星期一至五都會幫小朋友補習，同埋佢住係銅鑼灣
 
社工得知消息後，好快落到黎sick room
 
「小祺，我知道剛先嘅事，妳有咩需要幫手架?」
 




小祺係床上坐起身擰一擰頭「始終都係會俾佢地發現，我避左咁耐已經好好」
 
「妳需唔需要放假休息下?校長話冇問題」
 
小祺再次擰頭「唔需要啦，不過…佢地黎學校做咩?」
 
社工坐好個人對小祺講「佢地應該見到妳，然後妳屋企以為可以好似小學咁，用世襲生入學。所以妳嫲嫲帶住妳細佬黎要求插班。但係校長拒絕左」
 
「我細佬點可以入黎我地學校?佢係band 3C成績」
 




「校長都係咁講，不過妳嫲嫲唔信，最後校長拎出法庭指示同埋要報警，佢地先肯離開」
 
Winnie同Peggy一聽到法庭同報警後，佢地個瞄開始諗，究竟小祺同佢屋企發生咩事
 
終於，Winnie佢開口問道「Suki..妳同屋企發生左咩事?好似好嚴重」
 
社工望望小祺，小祺點一點頭
 
「妳地跟我過黎丫」佢地一行四人離開sick room去到社工室
 




社工將小祺個file俾Winnie同Peggy睇，當佢地一打開個file，就發現，入邊全部都係英文
 
「嘩….咁多英文嘅」Peggy有d不解
 
「咪當係考妳地英文囉，詳細睇下報告」
 
兩位同學了解自己朋友背景之餘，仲要係到練習英文
 
File上英文佢地大致都睇得明，除左d法律同醫學上嘅專有名詞
 
當佢地打開到小祺9歲身上傷痕嘅相時，佢地都不約而同嘩左一聲
 
每一個時期嘅老師，見到當年小祺身上傷勢都忍唔住落淚，更何況係同學?
 
小祺除低套體育衫俾同學睇，佢白白嘅背上，仍然有7年前嘅傷疤係到




 
彷彿果段日子未曾離開過佢咁樣
 
「咁Suki妳而家自己住?」
 
小祺擰擰頭「我住保良局兒童之家」
 
「但妳平時洗費呢?」
 
「學校幫我俾，但係我都會出去幫人補習賺錢」
 
「即係妳平時晏就帶飯都係前一晚保良局嘅?」
 
小祺點一點頭
 




Winnie走去攬實小祺「妳點解唔一早同我地講，等我地幫妳?」
 
小祺擰擰頭「學校已經幫左我好多，我唔想同連累其他人，有妳地陪我幫手照顧我，我已經好開心滿足」
 
小祺著返好套衫，三個人一齊離開學校，因為Winnie同Peggy打算送小祺返保良局
 
一路上，佢地都傾小祺係保良局內嘅生活
 
「下?娛樂都有嘅，有電腦室俾我地用，有自修室，不過我都係鍾意係自己個板間房到溫書」
 
「板間房?咪好熱囉?」
 
「又唔係嘅，唔係間到上頂，好似office咁，不過d partition比較高同有道叫做門嘅物體，可以俾我放書檯、床同衣櫃」
 
「咁咪好似老人院咁囉」




 
小祺諗一諗，頓時發現，自己的確好似住係老人院中
 
由於唔可以參觀關係，Winnie同Peggy只可以送小祺去到門口
 
對於自己嘅事俾同學知道左，小祺自己唔覺得唔好意思，相反，俾朋友知道自己嘅事，係代表尊重同認同朋友嘅行為