係同屋室友?定係同居密友?: (S4)34. 家姐致電

苗學翹同梁小祺兩個人不論係放工後或者假日，佢地兩個都甚少出街，無他嘅，佢地真係唔太鍾意行街。小祺嘅衫好多都係Uniqlo買，而U記正正可以上網店訂然後去店自取，所以佢地通常係要出去買野時，一次過買哂所有野，因為學翹會將所有野塞係車上再一次過車返宿舍
 
平日小祺嘅電話，通常係唔會響，因為冇咩人會打黎搵佢，最多都係wts group有msg，或者學翹係樓下冇野做wts下佢咁
 
今日，小祺同學翹嘅脾氣都比較差，但偏偏係今日，小祺部電話突然間響起
 
小祺同學翹一齊睇下部電話，因為佢地怕係學校有咩事，要佢地立即趕返去。不過呢個可能性唔大，因為小祺係部門並唔係Emergency team，所以基本上佢係唔會收到電話
 
小祺俾人call返學校最大嘅原因，就係Rachel嗌救命
 




但係今日小祺電話個mon顯示嘅，並唔係Rachel，而家佢堂家姐，梁小柔
 
小祺一見到小柔打電話黎，佢好快拎起電話
 
小祺家姐梁小柔，大小祺大約10年，係DGS畢業後入左CU到讀藥劑，仲以first hon畢業，係醫院實習後立即入左醫管局到做，經歷一兩次跳槽去私家醫院後，再一次返到醫院做高級藥劑師，但係，佢仍然會企係前線，同年輕嘅藥劑師同配藥員一齊工作
 
「家姐?做咩事打俾我呀?」對於小祺黎講，佢家姐大伯同姑媽兩家人，先係佢真正嘅屋企人
 
「家姐都係關心下妳，所以打俾妳，睇下妳最近點樣」
 




「我咪又係咁囉，返工放工返屋企，仲有咩做?」
 
「妳而家仲住係劏房咩?」小柔有少少奸咁問小祺
 
「呀…….咁其實呢…我而家就……」小祺俾家姐咁樣問法，有少少怕羞
 
小祺支吾以對，電話另一邊嘅小柔一早就知自己個妹有男朋友
 
「係唔係妳同事?定係同學?」
 




「係…同事黎嘅…..」
 
「同居幾耐呀?」
 
「舊年7月…打風佢收留我…之後俾爸爸發現我住係邊，所以佢就收留我一齊住…然後11月先拍拖」
 
「妳記住做好安全措施喎」小柔都覺得個妹已經係成年人，而且仲同居，一定會做果樣野
 
「知…知道啦」
 
「妳大伯想妳得閒返一返黎我地到食飯，有冇問題?」
 
「返黎食飯?」小祺頓時諗起，會唔會見到佢父母同埋細佬
 
「放心啦，得我地一家三口」




 
「咁樣….幾時?」
 
「下星期六好唔好?帶埋男朋友黎喎」
 
「佢呀?」小祺轉身望一望學翹
 
「佢唔方便?」
 
「唔係嘅，不過佢最近脾氣差左少少」
 
「佢會唔會蝦妳呀?」
 
「佢好錫我嘅，不過係春天果時脾氣差少少」
 




「點解呀?」
 
係小柔問緊果時，電話另一邊傳出學翹嘅聲音
 
「你地呢班叫春鳥再係到餓屙~同咕咕固~~~我就衝出黎劏左你地!!!!!!」
 
餓屙~餓屙~餓屙~餓屙~餓屙~餓屙~
 
咕咕固~~~咕咕固~~~咕咕固~~~咕咕固~~~咕咕固~~~咕咕固~~~
 
「呀!!!!!!!!!!!!!!!!!!!!!!!!!!!!!」
 
電話另一邊嘅小柔聽到非常清楚
 
「妳地宿舍係郊區呀?」




 
「係呀」
 
「好正常者，我地下星期六見啦」
 
「知道」
 
「呀!!!!!!!!!!!!!!!!!!!!」此刻嘅宿舍全體住戶都一齊大叫，包括佢地老闆