係同屋室友?定係同居密友?: (S4)39. 獎金獵人的計劃

講起梁國柱呢位「成功」人士，佢真係好易俾氹入局。以小祺所知，之前俾人sell過健康食品，用左幾皮野，佢食左係好少少嘅，因為果d叫做排毒嘅野，都不外乎維他命之類。另外佢又俾人係街到做英文問卷，然後俾人水左去參加D咩英語課程，雖然係俾人昆左，但都叫有D用，即使個課程程度好似初中咁樣
 
今日，佢又受到電話訪問，話佢之前做過問卷，而家只要聽一聽講座，就會俾返份精美禮品佢，所以，呢條大魚好快就上釣
 
佢上到去，聽d旅遊會藉講座，聽到好入神。俾d錢投資，酒店租房出去，自己就有錢分，如果自己去住返間房，仲可以免費入住
 
見到咁多著數，佢毫不猶豫咁拎出佢張信用卡一碌，咁就去左10萬，然後再去樓下財仔到借多20萬投資
 
佢興高彩烈咁返到屋企，同梁老太一傾，佢頓時覺得個孫仔好醒目，於是想再幫下個孫仔，之後就出現左將層舊根抵押後，再轉名俾小祺大伯
 




當梁奮成知道後，佢直言個仔同阿媽點解咁蠢。呢d明眼一睇就知道係騙案嘅野都可信，仲要蠢到借財仔同碌卡投資，甚至抵押舊樓去換錢，然後迫另一個仔去食左d債去
 
「而家我係一家之主，你地兩兄弟d錢都應該歸我管!!我地屋企未來一定要以阿柱中心!!!唔通你信果兩個丫頭片子呀?!佢地兩個先冇用呀我同你講!!」
 
梁奮成見講佢阿媽唔掂，就打算搵佢阿哥兩兄弟拆掂佢，梁奮成只係想要返層舊樓
 
可惜，梁偉成堅決唔俾，除非佢地肯自己孭返d債務
 
其一，呢樣野係梁國柱同梁老太兩個人搞出黎，點都要佢地自己孭返
 




其二，梁偉成一向都對小祺寵愛有加，當佢知道自己侄女俾個細佬打到入醫院果時，佢恨不得立即衝去狠狠咁教訓佢細佬一鑊，當年如果唔係小柔嘅舅父同公公等人極力阻止，可能會再有一宗傷人案出現
 
………..
 
苗學翹坐係電腦前，不停睇小祺大伯果間舊樓附近環境、交通之類
 
再打開銀行房口睇，幫大伯redeem層樓係綽綽有餘，問題係，點樣同大伯講呢
 
佢望向小祺，心中出現左個想法
 




「小祺」學翹係房到叫出去
 
「咩事呀?」「妳過一過黎丫」
 
小祺走入書房後，好快俾學翹拉佢住係大髀上
 
「喂呀!而家都未咁快瞓，夜d先啦」
 
「我有樣野想幫幫妳」
 
「做咩事咁好呀?」
 
「我地上星期去完妳大伯到食飯，我知道妳阿嫲押左層舊樓後，再夾硬迫妳大伯轉去佢名，係唔係?」
 
「估唔到你咁清楚喎，大伯而家孭住200萬左右債務，家姐同姐夫又唔係可以隨時拎到咁多錢出黎….」




 
「我幫妳佢清左債務佢」
 
小祺聽到後反應好大「點得架!!!!!」
 
「點解唔得?不過我有個條件」
 
「咩條件呀?」
 
「層樓要轉去妳名下」
 
「我名下?點解呀?」
 
「可以話係為左妳對妳屋企嘅服仇之戰」
 




獎金獵人，即將行動