係同屋室友?定係同居密友?: (S4)41. 新同事

係近來，苗學嬛少左去打擾佢阿哥，最多係有時捉住佢一齊食飯
 
相對於以前，佢真係星期一至日都可以痴到苗學翹實一實，所以佢地兩兄妹係學生之間都傳過緋聞，由話新加坡林明禎同某個Staff拍拖，無限放大到苗學嬛同Faculty、未婚Professor拍拖

有時候，小祺同其他同事路過Coffee shop時，總會聽到少少關於苗學嬛嘅事
 
小祺會諗「阿妹同未婚Professor拍拖?邊到會有?d人會唔會當阿翹係未婚Professor呀?」
 
Connie係小祺身邊拍一拍佢「喂Suki，妳個姑仔似乎好多人留意喎」
 




「唔….佢其實都係普通女仔一個，只不過受到多人注意多d者」
 
「喂，新加坡林明禎喎，佢個樣又唔差，最重要就係佢有一對33D或者E嘅導彈，好難唔吸引人眼光喎」有一個新嘅女同事加把口
 
「嘩!妳剛剛入職一個月都未夠妳都知呀?」Connie對住新黎嘅Stephy講到
 
Stephy剛剛係大學畢業，然後申請黎做Student helper，上個月開始轉正為staff
 
「Marni佢係UG之間幾出名下，不過真係好似傳聞咁，冇咩男仔會埋到佢身，所以佢先俾人傳同Faculty有路」
 




Connie聽到咁樣真係哭笑不得「佢地口中所講嘅Faculty同Professor，應該就係阿翹啦」
 
Stephy仲係新人，所以佢仲未落過去供應部無間地獄到參觀過，所以佢「而我不知道苗學翹是誰」係絕對正常不過
 
「即係邊個?」黑人問號中嘅Stephy問到
 
「阿翹呢，佢係苗學翹，亦即係新加坡林明禎，苗學嬛個堂哥，佢係我地部門嘅同事」Connie邊講邊打個intranet，佢地部門個staff list出黎，個list有齊哂成個部門同事名同title
 
「但係我都搵唔到佢個名」
 




「係呢到呀」Connie用mouse指去sub -unit個條link，果條link真係好隱蔽
 
Connie一click入去，就指住學翹個名「就係佢啦」
 
「佢係樓下供應部做TO，老細有好多野都交俾佢負責」
 
「咁佢會唔會做好多野架?妳講到佢負責咁多野」
 
「唔….佢都幾忙下嘅，而且佢仲係我地dept嘅response team」
 
「即係咩呀?」
 
「即係佢住係學校宿舍，到佢當值日子，佢會留係學校到10點左右。如果學校有咩特發情況係關於佢工作上嘅，佢會返黎處理」
 
「而且佢仲深得老細器重」穎雯係身後再加多句




 
成班同事妳一言、我一語咁樣，將學翹讚到天上有地下冇咁，難免會令到Stephy呢d小妹妹會有暇想
 
「妳地讚到佢咁好又做到野，老細唔調佢上黎嘅?我地呢到咁忙」
 
「忙?佢地樓下真係忙啦，有好多之前係屬於我地做嘅野都已經推哂俾佢地做」
 
「咁樣呀…」
 
「做咩呀Stephy，妳好想去見下佢呀?」
 
Stephy笑講「妳地讚到佢咁好，我都想見一見佢真人」
 
「真人?佢名草有主架啦!!」
 




「嘩嘩嘩!!!妳地咁都知嘅!?」
 
「唔止我地呀，連我地老細，仲有其他部門都知啦」
 
「乜佢拍拖咁高調架?」
 
「唔高調架，佢初初拍拖時冇咩人知架，不過久而久之，大家都默認佢地係一對，佢兩個先公開承認」
 
「遲d啦，妳會慢慢發現到佢嘅存在，同埋慢慢就知道佢女朋友係邊個架啦」
 
「咁神秘嘅?」
 
坐係佢地身後嘅小祺，聽到同事咁講，有點怕羞，又有點開心