係同屋室友?定係同居密友?: (S4)44. 美麗誤會?

大學mid-term完結，不過因為Edan同苗學嬛屬於唔同學系，所以佢地完卷時間都係唔同
 
李文灝今日由9:30開始考，直到12:30完，而苗學嬛就下晝13:30考，16:30完
 
正因為苗學嬛應承左自己mid-term後一齊去街，所以李文灝對今日非常緊張
 
係16:00，佢已經企左係lecture theatre 門口，等待苗學嬛出黎。因為佢知道，苗學嬛考試果時，係絕對唔會早走離場
 
佢不停計劃，今晚去邊度食飯好?睇唔睇戲?之後有咩做?
 




第一次約人去街，唔應該飛擒大咬嘅
 
係佢左行右行之際，渾然不知苗學嬛已經交卷，準時離開試場
 
睇住李文濻行黎行去，苗學嬛都覺得佢有d好笑
 
佢走到李文灝身後拍一拍「喂!做咩唔係hall等呀?」
 
俾苗學嬛咁樣問一問，李文灝立即心虛起黎，所以佢求其搵個藉口出黎
 




「咁…我冇野做，係到行下，順便等埋妳囉」
 
「你都….幾得閒喎」苗學嬛又點會唔知佢面前呢個男仔嘅心意，因為自己都等緊對方開口問佢
 
「妳有咩地方想去?」
 
「至少都等我放低d野先架，除非你想全程幫我拎野啦」
 
兩個人一齊行返hall，苗學嬛返到女hall樓層，拎出左套衫
 




雖然只係普通衫同牛仔褲，但佢都有d心咁，同李文灝襯返相似顏色
 
「行得啦」佢一出女hall樓層，佢就見到Edan已經企左係到等
 
入Lift時，Edan先發現，佢地兩個今晚嘅裝束都非常相襯，佢心中不禁笑左出黎
 
同樣地，苗學嬛心中都默默諗到「咁樣會唔會將佢身邊嘅女仔都趕走哂呢?」
 
佢地兩個人肩並肩行去搭車，雖然兩隻手並冇十指緊扣咁拖住，但係佢地兩個嘅距離，明顯係同一般普通朋友有所分別
 
兩個人去到市中心嘅商場，揀左間好普通嘅日本壽司店食
 
「打開口啦你」苗學嬛夾起一塊刺身遞去李文灝口中
 
Edan俾苗學嬛呢個舉動嚇一嚇，佢自己唔知點算好。而苗學嬛見到李文灝有少許猶豫之下，心中有點不是味兒，佢自己失望嘅樣都浮現係臉上




 
李文灝見到咁樣，佢都立刻好識做，佢快口咬去果塊刺身
 
佢地兩個互相微笑一下，係果一刻，佢地兩個都估到對方對自己嘅意思
 
晚餐過後，佢地兩個仍然唔想返Hall，所以佢地選擇一齊行多陣先
 
兩小口食完飯，係公園慢慢行，真係有點浪漫
 
一向有少少細膽嘅Edan，打算主動出擊…係咁嘅情況下，李文灝鼓起勇氣，準備向語文系之花，綽號新加坡李明禎嘅苗學嬛表白
 
佢不停係到深呼吸令自己壯膽，佢嘅呼吸聲大到苗學緀都感覺到佢有幾緊張
 
「佢真係好緊張」苗學嬛心中暗道，但係佢又何嘗唔係呢?佢自己心跳而家愈來愈快，其實係之前，佢自己都試過俾男仔表白過，但係因為自己對人地冇意思嘅關係，所以一d都唔緊張
 




但係今次，佢係等緊自己鍾意嘅男仔向自己表白，所以難免緊張
 
「Marni呀…..」  「係!!!!!」
 
「我呢….對一個女仔有意思，但又唔知點講好，所以想問下妳」
 
「咩話?同你相處咁耐，原來你對我一d意思都冇架?」
 
佢個心情而家就好似石沉大海一般