係同屋室友?定係同居密友?: (S4)46. 合格了

兩個人見到苗學翹企係佢地身邊，背脊差D流出冷汗
 
李文灝望住苗學翹，佢眼前呢個同佢差唔多高嘅人，有D心虛。因為苗學嬛同佢講過，苗學翹係完全100%錫苗學嬛
 
苗學嬛生怕苗學翹會郁手打人，所以，佢行前半步
 
「阿哥….佢係…..」
 
「唔洗講，我已經見到哂」苗學翹望住李文灝
 




「你可以肯定唔係只鍾意我個妹嘅身材同樣?」苗學翹唯一擔心嘅係，個妹遇人不淑，俾人呃完後受傷害
 
李文灝聽到苗學翹咁認真咁問，立即企直個人好認真咁答
 
「我…我唔係貪圖Marni嘅身材同美色，我係鍾意佢溫柔體貼嘅一面、善解人意」
 
當苗學翹一聽到李文灝用溫柔體貼、善解人意等字眼黎形容苗學嬛後不禁嘆了口氣
 
「少年，你太年輕了……」苗學翹心中講道
 




苗學嬛雙手撓實李文灝，以行動話俾個阿哥知道，自己係真心真意鍾意眼前呢一個男仔
 
「妳地打算返去未?」苗學翹淡淡問道
 
李文灝望一望苗學嬛後「我地打算返去架啦」
 
「跟我車」
 
苗學翹行先，苗學嬛同李文灝跟住係後邊，此時，梁小祺走到苗學嬛身邊
 




「做咩咁緊張呀?」
 
「阿哥都唔知俾唔俾，同唔同意…..」
 
梁小祺笑一笑對住呢對小情侶「妳識妳阿哥耐過我，妳咁都唔知呀?」
 
「咁我又唔係好似妳咁，同佢一齊住」
 
「傻女，妳阿哥當然係批准左啦，唔批嘅話，佢仲會車妳地返去咩?」
 
梁小祺伸個頭去望下李文灝，笑一笑
 
「小朋友，你係邊個dept呀?」
 
李文灝第一次俾人叫小朋友「呀…姐姐，我叫Edan，讀Maths架」




 
「睇你個樣唔似喎，讀Applied定Pure?」
 
「其實….我兩樣都有修，pure好玩d，不過Applied又比較實用」
 
「咁你都算叻仔啦」梁小祺面向前再講
 
「呀…姐姐」
 
「叫我Suki，我係佢阿哥女朋友，而家係學校安全組返工」
 
「妳…妳好…」
 
「好好地對學嬛呀，一陣你對佢唔好，佢阿哥真係會殺左你架」
 




上到車上，一行四人一齊坐車返大學，期間學翹都問Edan野
 
「Edan你識唔識推間尺?」
 
Edan聽到後，就覆問「你指運籌管理?」
 
「冇錯」
 
「係Applied其中一個分支，我都可以做到嘅」
 
小祺望住學翹「洗唔洗拎d資料俾佢睇下?」
 
學翹點一點頭後，小祺叫學嬛拎學翹個袋入邊拎個file出黎再交俾Edan
 
「入邊有我個小部門嘅工作資料，我老細想用呢d data去推算下我地學校嘅量飽和未，有冇方法幫手分析下?」




 
Edan立即拎少少data睇，佢腦中已經開始運算
 
「呢個問題唔大，俾….大約….」
 
「唔心急，我都係剛拎到data」
 
「呀….我會儘快處理」  「得閒黎我office傾下，或者去我宿舍一齊分析」
 
學翹部車好快返到學生宿舍樓下
 
臨走時，學翹不忘吩咐到 「安全d呀」
 
「妖!」苗學嬛亦一如以往咁反擊
 




當部車走左之後，苗學嬛望一望李文灝
 
「咩呀，我唔會…咁快架喎…而且…我仲住女hall層…」
 
「咁….返去先囉，又唔急….我仲要幫妳阿哥分析data」
 
「咁….行啦..」
 
兩個人想就咁行返Hall果時
 
「喂你地兩個做乜野呀?做咩唔拖住手呀?想等到天荒地老先拖住托柒呀?」
 
苗學翹係車到拎住個大聲公對住兩個人大叫
 
「妖!!!!!」苗學嬛不甘示弱準備反擊
 
「你再唔拖我個妹就唔好拖啦，快啦!!世界末日啦!!!!」
 
李文灝聽到苗學翹咁講後，拖起苗學嬛隻手，慢慢行返入hall
 
而當晚，佢地住嘅hall嘅氣氛變得非常熾熱