係同屋室友?定係同居密友?: (S4)56. 探BB

苗學翹電話wts聲音響起，來者正正係肖翠君，望一望月曆「係喎，佢應該生左坐緊月啦喎」
 
Wts內容大致如下：生左，拎彊醋
 
於是苗學翹約定肖翠君一個星期六，出黎見面
 
由於肖翠君仲係坐緊月，而且又夏天，苗學翹唔太想一個坐月嘅人咁辛苦，又唔想個bb肚餓時冇奶飲，所以佢都係揀左去肖翠君屋企
 
係上人地屋企之前，苗學翹去到藥房買尿片，佢唔係買初生果款，係買大約一個月大bb嘅尿片size
 




仲要係一大箱咁買上去
 
小祺見狀，都不禁問學翹「你去睇bb，都唔洗買咁多尿片呀?差唔多一打喎」
 
小祺唔係擔心學翹用多錢，而係擔心個bb用唔用得哂
 
「唏!好快就換一條片架啦」
 
原本學翹想叫埋小祺佢一齊去，不過肖翠君係學翹前女友，而且小祺又做過證人，難免會有少少尷尬
 




「妳唔跟我去，咁妳有咩做?」
 
「唔…..返去幫Rachel囉」
 
講開Rachel，佢老細幫佢申請左PG hall access，正確黎講係Vincent果一座嘅access，而家佢地兩個基本上係光明正大咁同居
 
學翹車左小祺返學校之後，徐徐開車到旺角
 
係旺角，搵個停車場泊車都好麻煩，一係泊去家樂果邊，不過又貴。而且肖翠君屋企係近上海街果邊，所以學翹泊返係果一邊算數
 




佢拎住尿片，行到去肖翠君住果幢大廈，係一幢舊舊地但好實用嘅大廈，一梯四伙
 
去到15樓，學翹撳鐘，應門的正是肖翠君的奶奶
 
「伯有妳好呀」
 
「苗生呀嘛，黎黎黎，入黎坐下先，唔洗咁大禮嘛，買咁多野上黎」
 
學翹入去坐低之後，肖翠君抱住個仔出黎，佢比起以前肥左好多
 
不過仍然同以前一樣，一頭短髮
 
「你上黎睇下阿b咪得囉，邊洗買咁多野上黎」
 
學翹買左一打尿片，差唔多400條，阿b要不停屙屎屙尿先可以用得哂




 
肖翠君將個b遞去俾學翹
 
「你抱下佢丫」
 
面對初生嘅bb，苗學翹有少少手悽腳亂
 
「抱…抱佢?我有d驚」 「唔怕嘅」
 
苗學翹抱起個bb，佢生到同佢媽媽好似樣，男生女相
 
bb係苗學翹懷內揈手，全身都想郁，但係又郁得唔多
 
肖翠君見到苗學翹抱得唔錯
 




然後佢拎左一大疊彊醋券出黎俾學翹
 
「拿!俾你架」
 
苗學翹見到一大堆彊醋券，差d連兩隻眼球都跌出黎咁滯
 
「嘩…妳洗唔洗俾咁多我呀?」
 
肖翠君笑一笑「你幫左我地屋企咁多，點可以唔請你食多d呀」
 
「其實我都係介紹左妳同先生去大學到做者，唔係咩大事」
 
肖翠君奶奶接手個孫，都不忘向學翹道謝
 
「說話唔係咁寫呀苗生，以前我個仔真係星期一至六都返工，日日搬搬抬抬先得果兩萬幾蚊，而家雖然搵少左d，但起碼返放工準時，唔洗加班」




 
「都唔係架，有時佢都可能要搬下重野」
 
「總之佢而家份工好過做SF司機啦」
 
苗學翹望住肖翠君「妳呢?妳應該坐完月就同先生一齊返工」
 
「係呀，大學果到叫我坐左月，一切安頓好哂先，如果唔係經你介紹嘅話，我地兩個都應該搵唔到呢份工，會好少時間陪阿仔」
 
「大家互相幫忙者，而家….妳屋企點呀?」
 
聽到苗學翹咁問到，肖翠君都係一臉苦笑