𣎴能愛上的星級女神: 表白（上）

開拍前我用了個新方法，拿出1元硬幣聽音樂來集中，但我知道我根本無法入戲，因為此刻的我靈魂和心一樣已經死了。我輸給Terris，更加輸給自己。原本我可以好好退場，偏偏又喝醉麻煩了他們，如今在Candice面前已經沒有什麼形象可言了。

「用呢招有用架咩？」Candice走到我面前。
「以前有啦，不過今日應該冇用。」我回答，亦對她道歉：「不過開工前，比我同你講聲對唔住。我琴晚飲大咗，我冇心冒犯你，同埋打擾你。」
「我冇咁小氣，我哋仲有排合作，我都唔想搞到咁尷尬。」她淡淡地說。我歎了口氣，重新集中，但她在我面前，我根本集中不了。
「準備埋位。瑾瑜OK未？」李導問，我回答：「5分鐘！」「好。」這樣我壓力更大。
「Candice姐，有冇計？我入唔到戲。」我以工作為先，決定直接向她賜教。
「你問我呀？」她笑了笑，「係呀！咁你係前輩吖嘛。」我靈魂也死了，腦海一片空白。
「呢場戲講家燊一直以為自己鍾意嘅係希瑤，但發生咗咁多事之後，不知不覺愛上梓雯，只係佢自己唔肯承認。首先你可以諗下有冇類似呢場戲嘅經歷或者感覺？如果冇，可以試吓代入下例如一直唔敢同家人表達自己嘅愛之類嘅感情。」她問我。





「我入唔到戲，唔係因為我冇呢個經歷，係因為我就係經歷緊家燊嘅感覺。但係而家…淨係覺得個心好痛。」我說出來時已經沒有波瀾，一片空洞，只剩一種失戀的心絞痛感。她呆望著我：「你話…心痛？」
「我以為我一直都係中意若嵐，但係發生咗咁多事之後我先知，無論我點否認，都改變唔到中意咗你嘅事實…」我望向她，心中又再一片心酸。
「你…係咪認真架？」她語調柔弱了，眼中略過驚喜與懷疑。
「全世界埋位！」李導打斷了我們的對話。
「預備3，2…」攝影師就位，反光板在我們正前方，但無阻我將心中的情感代入家燊對梓雯表白的戲中。
「你知唔知我每次見到你同袁希瑤一齊果陣，我心入面係幾咁呷醋……」不愧是Candice前輩，第一句入戲便那麼深，這個複雜的內心表情…我在法國餐廳那晚見過。
「－直以黎，你都冇比機會我解釋。果晚係因為希瑤飲醉酒，除咗睇住佢之外，我對佢已經冇其他意思。」為什麼這個劇情好像在哪兒發生過？不就是Candice上次不給我解釋的機會嗎？
「孫家燊，我唔玩喇。我摸唔清你當我係咩關係啊…你一邊又要同袁希瑤咁close，另一邊又走嚟撩我，你知唔知我…」她的淚線到了位，望向我的眼神仿佛在訴說我和她之間的關係。她未完成對白，但忽然淚崩了。按照引導，她應該說完這句會流淚。我有點不知所措，但李導沒有喊停，於是我繼續接下去。
我很自然地深呼吸了一口，心中的真感情開始按耐不住：「其實我果日就係想同你講，我唔係齋撩你、同你玩玩下，我對你係認真架！對唔住啊梓雯，係我冇好好處理我地三個人嘅關係，係我…」我強忍淚水：「－直唔肯承認，自己中意咗你…」說到這裡，我真的不行了，心臟很痛很難受。想起今早Candice那番話、及她這段時間和Terris拉近了的距離，我禁不住大力摑自己一巴，淚水如瀑布一般流下。Candice被我這巴嚇呆了。
「我真係冇諗過我會中意咗你….」我抬起頭也止不住眼淚，胸口亦痛得我左手臂也有些麻，也有點眼花。我走近Candice，改了劇本最後一句，由「李梓雯，我中意你。」壓低了聲線，變成：「朱浩婷，我中意你。」她呆了。原本後面應該還有吻戲劇情，但我情緒太激動，胸口範圍痛得受不了，我捂住心口，有些暈眩，一下劇裂絞痛，眼前一黑便暈倒了……