不能愛上的星級女神2: 激活暗屬性（上）

「你真係好有本事…」我欣賞著她家中頂級的室內設計，還有高層夜景。
「多謝你用本事嚟形容喎。」她從酒藏室挑選了支chateau mouton-rothschild先醒酒。
「開咁貴，你唔怕你個金主嬲咩？」
「佢送咗俾我，就預咗我會開，係差在幾時開。」她點了香熏，坐到我身邊烘近我：「我知我喺你眼中，一定同萬若嵐呢隻白兔仔差好遠，亦都冇朱浩婷咁有性格，更加冇李思晴咁比到你衝擊。不過你喺我眼中，同果堆淨係識用下面諗嘢嘅男人真係好唔同，用一般方法對你唔會work。我知你肯同我食飯，唔係因為你想同我食飯，係因為你覺得我可以幫你演好呢個角色。」沒想到我在關語芯面前，就如赤裸了一般，但她的每個眼神，我卻看不穿。
我盡量隱藏著自己的想法和表情：「你無非都係enjoy個過程同埋到手嘅感覺啫。你都知我唔會同你玩，咁點解你仲肯？」她去拿來了兩杯威士忌加冰，遞了一杯給我。她略帶笑意：「你講得啱，同得我玩嘅男人都係心甘情願。而你，就係因為你半推半就先最吸引。而且，你唔係就係想跟我學下野咩？」她說這句時相當有信心，一口氣把酒乾完，又斟了一杯。

我沒有回應她，默默掏出劇本，呷了口威士忌。她把我的劇本拿走，把她的劇本給我，打開了角色一頁。「咩意思呀？」我呷多幾口酒，問她。
「你想知辛浩揚點諗，首先你要諗吓許詩茹經歷過啲乜嘢變成咁。」她也呷了口酒。
「咁你以前經歷過啲咩呢？」我反問她，她似乎有點驚訝我會這樣問，卻很淡然地略過說：「從來冇人會在意我經歴過咩，而且冇人會真係明白另一個人經歷過嘅嘢。」
「雖然我好想反駁你，但係…你錯唔曬。」我一口把酒乾下，明明只是一杯，卻已經開有點渾身熱哄哄。




「我去整下啲紅酒先。」她走開了，我走到她露台旁開了些門吹風，解開了胸前兩顆鈕扣。看見回來的Hilary脫下了外套，上衣是窄身低胸露腰的白色背心，我腦海立刻浮現了第一次和Candice喝醉，她把襯衫褪下的那一幕。我拍拍自己臉頰走過去，她把酒遞給我，繼續說：「頭先講到許詩茹嘅背景，佢經歷過家暴，最嚴重嗰次媽媽比爸爸打到幾乎不省人事。當你細個嘅時候見識過比最親嘅人出賣，你就唔會再相信任何人。」她和我乾杯，呷了幾口，渾身有點騷癢的感覺，特別是大腿內側和敏感部位。
「所以只要辛浩揚都試過比人係背後插一刀嘅感覺、經歷過呢個世界有幾黑暗、人性有幾咁醜陋，自然會明白許詩茹嘅處境。」她又一口氣把紅酒喝光，看著我的角色發呆：「反而係要許詩茹咁容易比辛浩揚影響到，仲要鍾意埋佢，我覺得…好難明。」望著低胸露腰、穿短裙的她，我全身特別是下身和腦海有種莫名燥動感，像有股性衝動在體內流動。
「證明你根本冇比自己機會喺你自我保護嘅城牆外面，搵屬於你嘅辛浩揚…」我忍著性慾再說：「關語芯，就算我全身慶烚烚，我都唔會比你得埕。」
「今日教你睇眼神，另外就係，唔好相信人哋比你嘅飲品。」她微笑，烘近我。我大力推開她，立刻想起身準備離開。

「你上得嚟，就預咗我冇咁易比你走…」她把我推倒在沙發，「關語芯你真係…」她壓在我身上吻下來，我已經感覺到內褲濕透了。我用盡全力，再把她推開，保持著理智對她謾罵：「關語芯，你要對我點我唔怪你，因為我知道自己係為咗個角色同新事業，先會想會一會你。但係你當你自己係乜嘢？如果咁多年你都係咁過嘅話，你真係覺得開心咩？如果你聽日就會死，你確定而家仲想嘥時間搞我？」我居然敢在這個我完全看不穿的女人面前講佛經，還要在渾身流淌着強烈性慾時說得出，我真的很佩服自己。她望向我，沒有進一步行動、也沒有說些什麼。我正打算站起來，她攔住了我，說了句：「你敢唔敢同我賭？如果你今晚攬住我瞓覺，我咩都唔做，而你都可以忍到咩都唔做，我唔單止送我架跑車比你，我仲可以應承對住你，以後唔會有今日嘅情況發生。」
「我點信你？」我被她撩起好勝心。
「而家簽名。」「一言為定！」

她隨手拿著餐巾便把我們的賭約寫下，簽了個名，我望了她一眼，也簽了名，亦立刻把餐巾收好。只是沒想到下－秒，Hilary居然把自己的衣物全都脫光，頂着玲瓏浮突的36E身材赤裸裸站在我面前。我嚇得立刻背對她，默念：向瑾瑜！冷靜！冷靜！當佢係男人，你對男人冇反應！冇反應！…





「行啦～」她一手強行把我牽着，上樓梯走到她的睡房。