願記憶可以再來多一次: 十戎

到我正式比左個名份你之後    我諗我真係慢慢咁比你馴服啦
由以前果個仆街仔    變到用情專一既人
好記得你逼我記低我同你既約定
因為以前我真係太鐘意搵女仔傾計    可以話係主動當兵啦
我仲記得幾條既   你仲每晚都要我背一次比你聽先肯比我訓

米妮:喂  星  你呀  唔準再同其他女仔傾計呀   你同我記低呢十條佢   每晚都要背比我聽
星:下...記十條咁多   點記呀
米妮:我唔理呀   總之記晒佢
米妮:第一條  唔準同XXX傾計  係小食部撞到都唔準  第二條....  第三條...



自此我好幾個星期都要每次同佢講    不過我真係每一條都做到啦
我再冇同任何女仔傾計    知道嗎?   我比你馴服左啦
仲記得果陣訓教前   每晚都係你打電話比我
我成日都要你係電話到係咁鍚我   其實我自己就聽住啲聲係到打丁   依家諗返起都幾變態

我同你拍拖都叫幾穩定    可能大家都係初戀啦
好多野都唔識講     我份人就好隨便   咩都冇咩所謂
而你又對我好好    我又唔會有咩說話比你聽
所以一直以黎    我都好開心    因為有個女仔可以管住我


我從來都冇同人講過    我好想比人管住    因為平時冇人管到我
而你既出現   係你馴服左我   你知唔知道


一直以黎都係你整啲有心思既野比我
我都冇諗過原來要整呢啲野去維持我同你既關係
所以我一直從來都冇整過D咩驚喜比你
依家我明白啦   原來女人係咁蠢    係你身邊愛你  保護你原來係唔夠




果陣你都有同我講過你有個契哥   叫呀K
我聽到之後我都明白到   遲早呢條友會令到我同你出現問題
我都同過你講好多次    上得高登既我又點會唔明白呢D契哥契妹會點
不過我從來都唔會逼你   我次次都係同你講    唔好同佢傾計啦
唔好搵佢啦   佢都好聽話   中三中四我諗你都係屬於我一個人


係中三既暑假入面     有次你叫我上去你屋企
仲記唔記得你家姐冇啦啦返黎    嚇到仆晒街
即刻著鞋走     果陣你仲好驚比屋企人知我同你拍拖
其實我就覺得拍拖好難呃到人既   傻婆   我諗你屋企人一直就發覺到你同人拍拖架啦
不過自此之後我就唔鐘意去你屋企    因為驚比人發現呢種感覺我好唔鐘意
所以我好似之後都好少好少上你屋企   唔知你知唔知我係因為咁先唔上去