願記憶可以再來多一次: 憤怒

升到中四   我又同返我以前既朋友一齊
但係你就去左第2班    其實我都有怕會失去你
不過你咁愛我    又點會離開我呀  
而我呢班入面   得幾個女仔   又冇靚女  我更加唔會離開你啦

我地每晚都傾下電話    有時出下街
果段時間都唔算係啲咩   大家都係咁
不過我承認左你係我女朋友之後
你就多左黎我屋企      有好多次你整到我好嬲   



但係我就好過份
你叫我比你入屋
我唔比   你係條走廊到喊   我都冇理到
喊左好耐好耐   我先比你入黎
雖然唔記得發生咩事       但係依家諗返起
掉低你一個係走廊喊     比著我依家見到咁既人  
我只會同你講  呢個男仔好撚賤
都唔知你鐘意佢啲咩    
但你就係咁傻       為左愛變得盲目



每一次你黎我屋企   我都差唔多整喊你
仲記得有一次    你整到我好嬲好嬲    你喊晒同我講對唔住
果陣我好記得我成身都發晒熱    你同我講我個身好熱   唔好嬲啦

不過我嬲到暈左咁制    好快就訓著左    冇咩記憶
自此你就知我發嬲既時候    我會變成點    
到以後每一次發嬲    你就會講:星   唔準呀  唔準咁呀  
我就會盡量盡量控制自己    咩聲都唔出
慢慢咁收埋自己    你知道嗎  你係第2個女人咁同我講野



徐左我呀媽之外   冇人同我講唔準    就算有時我發嬲  我呀媽都唔會咁同我講
你已經慢慢咁成為左我身邊控制我既一部分
不過中四同你拍拖都唔算有咩太特別    記憶都唔係太多

只不過我同你愈黎愈了解對方    同大家接觸得愈黎愈多
我都唔明白點解我同你可以維持咁耐既感情
我呢個人又唔識浪漫   咩鳩都唔識
日日差不多正係識打機
而你就每日都打黎搵我傾計    
我依家諗返起    我發覺我真係咩都冇做過

其實我同你既呢段感情真係好奇妙     到你話要忘記所有同我既野
你真係好蠢好蠢    我同你既經歷點解可以比其他人影響到
回憶點解要忘記 ?   根本就冇呢個需要
我同你既野就係屬於我同你   不論係唔係分開左