8月中到步阿根廷,正係南半球既初冬。雖然巴西搞既世界盃熱到要放Cooling Break,但其實阿根廷南部係有冬天之餘仲好撚凍架。學校個Winter Break已經係7月放左,換言之,一到步就要準備過2日要7點起身係近0度又天黑既時候返學。另外一個壞消息,未見過雪既我,係自介個profile到寫左好想玩下雪, 

Fernanda: “不思,we have good news for you, tomorrow will be -10c at minimum, snow may come. We will make a fire in the living room and Asado for tonight dinner” 

大家都知10度既香港已經唔係好想朝早離開被竇返學,甚至自製半日假期,-10度⋯⋯仲低20度呀大佬⋯⋯心諗:一黎就咁大整估。同時已經聞到一陣好正既BBQ味  。 

廳既Fire當然唔是係地下啦,Fernanda指既係廳個壁爐,係好似Harry Potter入面果隻壁爐。 





一頓飽肉之後,天氣難頂都要頂。第二朝,Host dad 車到學校門口就狂奔入去唯一既門口。 門口已經有位外表和藹既missy,佢帶我上頂層,其實即係二樓既班房。入到班房成個課室14個學生,10個女,「正呀喂」。入鄉隨俗就用我苦練左幾日既西文向佢地介紹自己: 

“Hola, Yo soy 不思. Soy de Hong Kong. Tengo dieciseis anos." 



阿根廷嘅教育制既唔係英式既預科制,又唔係美式既高中制,而係5年中學,3-6年大學(普通科目3年,神科Engineering, medicine, law 5-6年)。咁我讀果間就叫Escuela del Sur. (School of south) 由幼稚園一條龍到中學,但每級得一班,每班得15~20個人,即係全校加埋得200零個學生,仲少過香港學校既1級 。 

同其他南半球國家,例如澳洲,新西蘭一樣,阿根廷既學年由2或3月開始到10月,中間有寒假,而漫長嘅暑假就係12月到3月,足足3個月。我入讀既時候已經係中四既下學期,而暑期亦都就到。 



第一日返學既時間過得好快,大部分老師都特登抽啲時間,同我介紹下佢地眼中既阿根廷。教地理個missy 直情好人到用左一堂黎一對一教哂我全國省份同省會,不過我要係一星期後同其他同學仔一樣齊齊背默哂23個省  。 

7點半返學,12點半放學。That's it. 很想要吧? 半日制中學簡直爽死我。放學另一樣更正既係有Fernanda 接放學,起初都覺奇怪,因為host bro(下稱Felipe) 同我都已經中三、四仲要屋企人接好似好怪咁,但眼前所見成個學校門口都係車,中一到中五都係屋企人接。收尾佢地解釋返原來佢地個文化係會要親自接仔女放學,除非真係無時間,而Fernanda 係畫家,9成時間都搵緊靈感,自自然然就變左半個保姆。 
    

 
 
已有 0 人追稿